إلى متفوقي البكالوريا من فضلكم ادخلوا

[Dr Khaoula]

السلام عليكم ورحمة الله وبركاته
أولا أهنئكم بالنجاح المستحق الذي حققتموه وأتمنى لكم النجاح في حياتكم
أرجوا أن تقدموا لنا النصائح لكي نتبع مسيرتكم المكللة بالتفوق
أسئلتي هل حضرتم للبكالوريا في الصيف؟
ماهي طريقة مراجعة العلوم والفلسفة؟ والمواد الأدبية الأخرى
كيف قمتم بتقسيم أوقاتكم
أرجوكم أجيبوني فأنا متخوفة من هذا الامتحان

[Dr Khaoula]

............

[ta9wirt]

ma tkhafi mawalou sahel nchallah ou mathadrich ga3 man sayf koul haja fi wa9tha mliha allh ifa9ak ou tnajhi kilyoum nchallah

[رفيدة0]

لالا انا تاني كنت نخمم كيما نتي باش نبدا فالصيف اومبعد اتلهيت وما قريتش وما ندمتش وما تخافيش اهم حاجة انك تثيقي في نفسك وتحبي قع المواد وتقرايهم تحاولي تفهميهم تتواصلي معاهم وديري في بالك بلي انتي عندك العقل تقدري تتحكمي فاي مشكلة تواجهك فالدراسة تشوفي الاسباب وتحاولي ايجاد الحلول وما تذيقيش روحك بالوقت كوني مرتاحة عندك لي كور والقراية فالليسي واقراي فالدار واهم نصيحة فالمتحانات الفصلية اقراي واحفظي ما ديريش كيما لوخرين كي تحفظي راكي تنقصي على روحك وتعودي روحك عالامتحان انا حتى الباك التجريبي حضرتلو وما يخلعكش المعدل هوما يزيرو كاين جابو 14 جابو 17قريب 18 فالباك عادي شوفي موضوعات منتدى الجلفة تلقاي ملخصات شابين عادي تلقاي واش تحبي فالنت ولا سسي الناس اقراي برك وان شا الله اذا كاش ما حتجتي انت ولا لاخرين رانا ان شاء الله هنا نعاود نقولك ما تخافيش عادي واقراس قران حتى واذا ما عندكش الوقت ديري ورد يومي ولو نصف حزب يوميا وما تقوليش ما عنديش الوقت حتى ليلة االباك واقراي لانو التوفيق صدقيني من عند ربي اولا هوا لي يحفظكباش ما تتفرفشيش ربي يوفقك ان شا الله وتكوني من اصحاب الامتياز

[ANWAR 11]

السلام عليكم
يا أختي ارتاحي في الصيف و كي يجي سبتمبر اجتهدي و ديري النية
بما اني شعبة علوم تجريبية كنت نقرا العلوم كل 3 أيام
*الفلسفة كنا 2 برك لي نتبعو مع الاستاذ و كي كان يلحق الاختبار نحفظ مقالة ولا 2
*الرياضيات و الفيزياء حلي اكبر عدد من التمارين
توكلي على الله و ابدئي الدراسة بجد من بداية السنة و ربي يوفق

[Ima.Maths]

حنونتي

اقراي بذكاء مش بجهد,,

متعبيش روحك طول,, الباك مع عمي بوبكر (.........)

حبيت نفهمك وش معناها تقراي بذكاء مش بجهد..

الفلسفة اسهل مادة نقراوها, تقريبا ثقافة عامة وفيها دروس جد ممتعة خاصة تع اصل الرياضيات والبيولوجيا وعفايس خرين..

حاولي تفهمي فالقسم,, اهم شيء تتعلمي لاميتود تع المقالة وتفهمي السؤال

حاجة ساهلة مرة مامبا شهرين لعدتي مهتمة توالفيها..

حاولي ديما تتنبئي بوش راح يطيح ومتعبيش روحك,, ملي بدينا نقراو وانا نتنبأ,,
كاين دروس يصلحو يجيو مقالات, كاين خرين مارقين,,

فالباك تنبأت بيهم في زوج, المنطق سيرمو يطيح لخطر من 2008 وهما يديرو فيه, ولخرى كنت متأكدة بلي علوم انسانية وخدمتها بيا كمفرتها ب16 جامي ديتها في فصل

فالفصول جامي يهبطلك المورال,, مقالاتك ملاح والاستاذ لي مشحاح

مي لازم تكتبي اكبر عدد من المقالات واعتمدي على مراجع عندك المتميز في التحضير للبكالوريا تع ثامر شي كيفاه نقمتو
وكاين مئة مقالة في الفلسفة مخلط ادبيين وعلميين, وكاين الموحد في الفلسفة شوية قديم مي فيه اقوال وشواهد فووووووور.. وهذو زوج لخرين تلقايهم عادة فالمكتبة تع الليسي لخطر على برا ناقصين..

واكيد متهينيش الكتاب المدرسي لنو بصراحة رائع صح مفصل بزاف مي مش ممل طول,

العلوم افار فهامة 100/100

لطاحلك استاذ مليح سوفيتي

راجعي برك وش تقراي ملكتاب احسن وحلي طبعا تمارين لنك تلقاي فيهم معلومات مليحة وجديدة..

وان كان العلوم الاهم في الدرس والتمارين منكذبش عليك محليتش بزاف,, تقدري تقولي وحد ثلاثين تمرين عام طول.. وديت 18.5

تعلمي طريقة الاجابة على الاسئله لأنو الصح أكل فالطريقة تع التعبير

راكي تشوفي بلي كامل عندكم معلومات مي كاين ليعرف يعبر عليها وكاين لي الله غالب,,

ومتنسايش بلي فهم السؤال مش نص الجواب,, فهم السؤال هو الجواب.

وتوكلي على ربي فالاول وفي الأخير,,

هذي كانت طريقتي فلقراية ممكن تكون طريقتك مختلفة مي شيء لي ننصحك بيه متسهريش بزاف ومتعييش روحك

صحتك اولى وخير الاعمال ماداوم صاحبه عليه وإن قل..

بالتوفيق

على فكرة راكي تتساءلي شحال معدلي فالبكالوريا.. عندي بفضل الله 18.02

ومبروك عليا ولعقوبة ليك نشله..هههههههه

[rirri]

هذي نصائحي لك اختي
جامي تبداي لقراية في الصيف هذا راهو مرض
جامي تعتمدي غير على معلوماتك ديري ربي في بالك و روحي للباك بقوة الايمان و ماتنسايش ادعية الامتحان كي تروحي تعدي
احفظي من الاول وما تخليش لاخر دقيقة
الرياضيات افهمي الدرس و طبقي بزاف
الفيزياء كيف كيف واذا عدتي ما تفهميهاش احفظي القوانين و طبقي
نتمنى نكون افدتك

[Dr Khaoula]

المشاركة الأصلية كتبت بواسطة ta9wirt

ma tkhafi mawalou sahel nchallah ou mathadrich ga3 man sayf koul haja fi wa9tha mliha allh ifa9ak ou tnajhi kilyoum nchallah

شكرا حنونة ربي يعطيك ما تتمناي وان شاء الله تكوني من الممتازين في الجامعة

[Dr Khaoula]

المشاركة الأصلية كتبت بواسطة رفيدة0

لالا انا تاني كنت نخمم كيما نتي باش نبدا فالصيف اومبعد اتلهيت وما قريتش وما ندمتش وما تخافيش اهم حاجة انك تثيقي في نفسك وتحبي قع المواد وتقرايهم تحاولي تفهميهم تتواصلي معاهم وديري في بالك بلي انتي عندك العقل تقدري تتحكمي فاي مشكلة تواجهك فالدراسة تشوفي الاسباب وتحاولي ايجاد الحلول وما تذيقيش روحك بالوقت كوني مرتاحة عندك لي كور والقراية فالليسي واقراي فالدار واهم نصيحة فالمتحانات الفصلية اقراي واحفظي ما ديريش كيما لوخرين كي تحفظي راكي تنقصي على روحك وتعودي روحك عالامتحان انا حتى الباك التجريبي حضرتلو وما يخلعكش المعدل هوما يزيرو كاين جابو 14 جابو 17قريب 18 فالباك عادي شوفي موضوعات منتدى الجلفة تلقاي ملخصات شابين عادي تلقاي واش تحبي فالنت ولا سسي الناس اقراي برك وان شا الله اذا كاش ما حتجتي انت ولا لاخرين رانا ان شاء الله هنا نعاود نقولك ما تخافيش عادي واقراس قران حتى واذا ما عندكش الوقت ديري ورد يومي ولو نصف حزب يوميا وما تقوليش ما عنديش الوقت حتى ليلة االباك واقراي لانو التوفيق صدقيني من عند ربي اولا هوا لي يحفظكباش ما تتفرفشيش ربي يوفقك ان شا الله وتكوني من اصحاب الامتياز

ربي يحفظك طلعتيلي المورال ملي شفت بعض الأعضاء ما هاولهمش الطب وأنا خايفة لا ما نجيبش مليح
أن شاء الله تكوني اسم على مسمى رفيدة أول طبيبة جراحة في الاسلام
ربي يوفقك وتكوني ماجور في قرايتك

[Dr Khaoula]

المشاركة الأصلية كتبت بواسطة anwar 11

السلام عليكم
يا أختي ارتاحي في الصيف و كي يجي سبتمبر اجتهدي و ديري النية
بما اني شعبة علوم تجريبية كنت نقرا العلوم كل 3 أيام
*الفلسفة كنا 2 برك لي نتبعو مع الاستاذ و كي كان يلحق الاختبار نحفظ مقالة ولا 2
*الرياضيات و الفيزياء حلي اكبر عدد من التمارين
توكلي على الله و ابدئي الدراسة بجد من بداية السنة و ربي يوفق

وعليكم السلام بارك الله فيك ربي يحفظك
ان شاء الله تكوني من الممتازين في قرايتك وترفعي الجزائر

[سطريو]

ههه ماكاين والو الباك هدا نيـــvــو طايح خلاص لكن التوجيه طالع خلاص

طريقة التحضير سهلة جدا ماتقيميش الباك تديه avec mention كيما صديقي بوعروج مروان ماقيمش الباك داه 17.5 ببساطة

[Dr Khaoula]

المشاركة الأصلية كتبت بواسطة ima.maths

حنونتي

اقراي بذكاء مش بجهد,,

متعبيش روحك طول,, الباك مع عمي بوبكر (.........)

حبيت نفهمك وش معناها تقراي بذكاء مش بجهد..

الفلسفة اسهل مادة نقراوها, تقريبا ثقافة عامة وفيها دروس جد ممتعة خاصة تع اصل الرياضيات والبيولوجيا وعفايس خرين..

حاولي تفهمي فالقسم,, اهم شيء تتعلمي لاميتود تع المقالة وتفهمي السؤال

حاجة ساهلة مرة مامبا شهرين لعدتي مهتمة توالفيها..

حاولي ديما تتنبئي بوش راح يطيح ومتعبيش روحك,, ملي بدينا نقراو وانا نتنبأ,,
كاين دروس يصلحو يجيو مقالات, كاين خرين مارقين,,

فالباك تنبأت بيهم في زوج, المنطق سيرمو يطيح لخطر من 2008 وهما يديرو فيه, ولخرى كنت متأكدة بلي علوم انسانية وخدمتها بيا كمفرتها ب16 جامي ديتها في فصل

فالفصول جامي يهبطلك المورال,, مقالاتك ملاح والاستاذ لي مشحاح

مي لازم تكتبي اكبر عدد من المقالات واعتمدي على مراجع عندك المتميز في التحضير للبكالوريا تع ثامر شي كيفاه نقمتو
وكاين مئة مقالة في الفلسفة مخلط ادبيين وعلميين, وكاين الموحد في الفلسفة شوية قديم مي فيه اقوال وشواهد فووووووور.. وهذو زوج لخرين تلقايهم عادة فالمكتبة تع الليسي لخطر على برا ناقصين..

واكيد متهينيش الكتاب المدرسي لنو بصراحة رائع صح مفصل بزاف مي مش ممل طول,

العلوم افار فهامة 100/100

لطاحلك استاذ مليح سوفيتي

راجعي برك وش تقراي ملكتاب احسن وحلي طبعا تمارين لنك تلقاي فيهم معلومات مليحة وجديدة..

وان كان العلوم الاهم في الدرس والتمارين منكذبش عليك محليتش بزاف,, تقدري تقولي وحد ثلاثين تمرين عام طول.. وديت 18.5

تعلمي طريقة الاجابة على الاسئله لأنو الصح أكل فالطريقة تع التعبير

راكي تشوفي بلي كامل عندكم معلومات مي كاين ليعرف يعبر عليها وكاين لي الله غالب,,

ومتنسايش بلي فهم السؤال مش نص الجواب,, فهم السؤال هو الجواب.

وتوكلي على ربي فالاول وفي الأخير,,

هذي كانت طريقتي فلقراية ممكن تكون طريقتك مختلفة مي شيء لي ننصحك بيه متسهريش بزاف ومتعييش روحك

صحتك اولى وخير الاعمال ماداوم صاحبه عليه وإن قل..

بالتوفيق

على فكرة راكي تتساءلي شحال معدلي فالبكالوريا.. عندي بفضل الله 18.02

ومبروك عليا ولعقوبة ليك نشله..هههههههه

ما شاء الله باينة ممتازة ربي يحفظك ان شاء الله تزيدي تتوفقي وتميّز
ادعيلي نوصل ونجيب امتياز كيما نتي ومانتوترش يوم االامتحان
طلعتولي المورال ربي يوفقكم ويعطيكم واش راكم جابين

[Dr Khaoula]

المشاركة الأصلية كتبت بواسطة rirri

هذي نصائحي لك اختي
جامي تبداي لقراية في الصيف هذا راهو مرض
جامي تعتمدي غير على معلوماتك ديري ربي في بالك و روحي للباك بقوة الايمان و ماتنسايش ادعية الامتحان كي تروحي تعدي
احفظي من الاول وما تخليش لاخر دقيقة
الرياضيات افهمي الدرس و طبقي بزاف
الفيزياء كيف كيف واذا عدتي ما تفهميهاش احفظي القوانين و طبقي
نتمنى نكون افدتك

شكرا جزيلا على نصائحك القيمة ان شاء الله نقدر نطبقها
وربّي يجازيك وتزيدي تتفوقي في الجامعة

[Dr Khaoula]

المشاركة الأصلية كتبت بواسطة سطريو

ههه ماكاين والو الباك هدا نيـــvــو طايح خلاص لكن التوجيه طالع خلاص

طريقة التحضير سهلة جدا ماتقيميش الباك تديه avec mention كيما صديقي بوعروج مروان ماقيمش الباك داه 17.5 ببساطة

ههههه طريقة سهلة بصح أنا طبعي نخاف بزاف خصوصا من الباك وما زادني توتر هو معدلات التوجيه
شكرا ليك وربي يوفقك

[سلسبيل2492]

توكلي على ربي هدا ماكان
واقراي بلا قلق ومتخميش مش درك