التوجيه يا حراوبية ...رانا في ال 27 ... بركات من الروتار

[mamada]

نهاية مرحلة تأكيد التسجيلات

يمــــــكن الإطـــلاع على نتــــــــــــــائــــــــج التوجيـــــــــــــــــــه

ابتداءاً من 27 جويلية 2011

هدي واش معنتهاااااااااااااااا

التمسخير في بلادنا غير هو ..يقلك التوجيه يبدا من ال 27
و ما يعرفش بلي ال27 تدخل على 12 تاع الليل
كون حدد التوقيت exact
قال يا ودي يوم 27 جويلية على 8 ولا ال9 ولا ولا ....
مي باش يتمسخرو بينا كيما يبغو ...لالا ..


ياو ال 27 دخلت ........ وين راه التوجيه نتاع ال؟؟؟؟؟؟؟؟؟

راكم باغيينا نهبلو ولا كيفاش

[anis_crb]

او يحبونا نقراو او ننجحوا واحد قلبو خارج او هوما يزيدولو

[mamada]

يكرهولك حياتك ....... تبدا تمش مارش اريار

[سجّل أنا جزائري]

السلام عليكم خويا غير مكالاه تشقي روحك التوجيه حتى لغدوة بعد 12 تع نهار

[~عادلــــــ~]

المسئووووووول عن فتح الموقع راه رقد هههههه

[zacho]

اول ايام الديgوتاج
صدق من قال الياك نشوة و الجامعة حشوة

[zacho]

نهاية مرحلة تأكيد التسجيلات

يمــــــكن الإطـــلاع على نتــــــــــــــائــــــــج التوجيـــــــــــــــــــه

ابتداءاً من 27 جويلية 2012

[zacho]

رسالة الى الوزير
و نصلي على محمد خير البرية بسم الله بها نبدا يفتح ليا بها كل باب
نحكيلكم على واش دارت الوزارة بيا و سمعولي يا خوان و يا صحاب
متأدب في القسم و طايع والديا كنت صغير عاقل نقرى في الكتاب
الاساتذة يحبوني و راهم شاهدين عليا حاط راسي في قرايتي و خاطيني التحلاب
قلت ندير حاجة من نكبر تجي عليا كتب ربي جبت الباك بمعدل شباب
نسلك بها روحي و نسلك في ذي الدنيا ندير جنيور مدامني مخ و عاد شاب
و رحت للجامعة و عشت الميزيرية معدلي مليح قبلوني بلا صعاب
كي فوت الكور و التيدي كي فات عليا العامين لولين فوتهم عذاب
بصح كان معايا ربي و كلش سهله ليا الفوتوكوبيات و المواضيع بال حساب
يطيحلك و يزيد يقولك مالك تشوف فيا و جا التخصص و كانو عدنا وحد الكلاب
حتى قربت نتخرج و نرد الخير لوالديا لوكان ترد عليه العام يروح سراب
الجناير واش تسالهم يا حراوبية جا قرار من عند حاشاكم واحد الداب
ما داروش ل م د خطرش قاع قراية ياك مخاخ خبشوا شحال من كتاب
و ذنبهم كانوا يقرو و كانو اذكيا اتزكر فيهم و تعذبهم هاذ العذاب
و سنييت على قرار و زدهم كيا على كيا خمس سنين الي قراوها رديتهالهم سراب
و لوكان يديرو فوضى تقولو تدخلات اجنبية الضلم ماهوش مليح هو سبت الارهاب
سحبوه قبل ما نولوا في تدخلات ميدانية يا سيد الوزير هذا ماهو قرار صواب
و في الشيراطون يباتوا الجهالة تاع مجلس الامية واحد يقرى و مخ يبات قدام الوزارة في التراب
ولوكان يديروا مسيرة تقولوا اعمال غبية ما قيمتوا الطلبة ما درتولهم حساب
و من يلوح روحه في البحر يقولوا لوكان صبر شويا الشاب يبلعوا في و جهه باب ورا باب
و على بالي الشوماج راه يستنى فيا انا من القرايا شعري بياض و شاب
يعمرو رسانهم و يجو يتمسخرا بيا و الله ما نسكت على قرارات هاذ الكلاب
و قالوا شباب طايش و قلة تربية ماداروش علينا من بلعنا للجامعة الباب
و عيطوا لمكافحة الشغب و عطوهم البيا درك راني جاي للوزارة مع لصحاب
و حقي نجيبه يا لوكان بالتضحية الخوف قلعته كيما يتقلع الناب
و سالوهم اذا ما درتوش عليا هذا ماهوش رايي هذا راي الشباب
انا انت نحرقك لوكان حتى في المرادية ما نيش كيما البوعزيزي نتحرق و نولي تراب
يا لوازير عارفك عاقل و مولى عقلية حلولنا هاذ المشكل و رحموا الي شعرهم شاب
انا متأدب بصح الزمان دارها بيا و سمحلي اذا قتلك كلام مشي شباب
بصح هنا مانيش نشكي واش عشت مزيرية لوكان نحكي همي انا يشيب الغراب
ربي فطرني على حبها ماهوش بيديا الدزاير بلادي مهما عشت فيها عذاب
نخسر عليها دمي و مالي و حتى والديا نحبها و نحب منها كل حبت تراب
و قتلينا العزة و الكرامة و الروح الوطنية يا بوتفليقة حبيناك انت بلا سباب
تريح بيه بالي و النعاس يرجع ليا انا شكيت ليك رد عليا بجواب
و ربي كبير سبحانه يشوف ليا مانيش تاع مشاكل لكن تعددت لسباب
و نجيب الدكتورة ما هيش بعيدة عليا يمدني بعطفه و يفتح ليا كل باب
ضاع في هاذ الدنيا و شبع همية و نصيحتي في التالي نخليها لكل شاب
مايقطعش لياس و يقول راها طايحا بيا في دنيته جاه غي السحاب ورا السحاب
عالم بيا و بيك و بكل خفية الدنيا بيد الله سبحانه التواب
قول ربي كبير راه يمتحن فيا و مهما ضاقت الدنيا بيك و تبلعت الابواب
و الله يرحم من جاب هاذ القافية و بالصلاة على الرسول نختم هاذ الجواب
و اذا زعفت واحد طالب يسمح ليا و مانيش تاع كلام طايح و مانيش سباب
قول واحد بانتله في واحد العشيه و اذا سقساوك شكون هاذ الشاب

[si ali]

الله يفتح عليك وعلينا الابواب ويفرج على الممنين امين
الله يصلح امور هذ البلاد ويخلصها من المفسدين الطاغيين

[وردة أمل]

الله يهديهم و الله غير حرقونا أعصابنا

[snoopworld]

ki yjoO yaghelko l site ya3rfoO yfermoOh a3la 23.59 w bash yfethooooOh rabi ya3lam waktash

[ROONEY 24]

نهاية مرحلة تأكيد التسجيلات
يمــــــكن الإطـــلاع على نتــــــــــــــائــــــــج التوجيـــــــــــــــــــه
ابتداءاً من 27 جويلية 2011

هدي واش معنتهاااااااااااااااا

التمسخير في بلادنا غير هو ..يقلك التوجيه يبدا من ال 27
و ما يعرفش بلي ال27 تدخل على 12 تاع الليل
كون حدد التوقيت exact
قال يا ودي يوم 27 جويلية على 8 ولا ال9 ولا ولا ....
مي باش يتمسخرو بينا كيما يبغو ...لالا ..


ياو ال 27 دخلت ........ وين راه التوجيه نتاع ال؟؟؟؟؟؟؟؟؟

راكم باغيينا نهبلو ولا كيفاش

انت قلقتي درك بعد اصحيبي ... كون خليتي من ورا ظهور نتائج التوجيه واقلق مرة وحدة ..... بزاف عليك هكا loooooooooooool

[bilal-df]

؟؟؟؟؟؟؟؟؟؟؟؟؟؟؟؟؟؟

[djamal_17]

الله يهديكم ..اصبروا وخلاص ..ماهيش ساهلة باه نرضوكم كامل ..

[djamal_17]

ما تتقلقوش تدوا حاجة شابة .