تذكر معنا ايام زمان ايام الطفولة البريئة .

[س..ع..ي..د]

السلام عليكم ورحمة وبركاته
تذكر معنا ايام زمان ايام الطفولة البريئة
اليوم تفكرت ذيك الايام من كنت نروح للمدرسة بكرى نلعب ...... ونقلق في المعلم المسكين...الخ.... وللاسف ضركا كبرنا وصارت الدنيا تصف احزاننا وكل واحد فينا غارق في الهم نتاعوا......
ياليت الزمن ونهارات تدور ويرجع وقتنا الاول
اخي اختي تذكروا معنا هذه الايام السعيدة والبسيطة وكل واحد يحكيلنا قصة مختصرة صارتلوا في مرحلة الطفولة ولا تبخلوا علينا.

[BENT ZGOUM]

ممممممممممممم

اتذكر عندما كنت صغيرة حينماأخذت قريصة وغلفتها بورق ألمنيوم وذهبت بها إلى بائع حلويات وكان رجلا كبيرا في السن نظره ضعيف وقدمتها له على انها نقود وطلبت منه حلوى
لم ينتبه في البداية لكنه بعد قليل دقق النظر ليجد العملة المزورة
وطبعا سمعت كلمات وصرخاااااااات أدت بي من الخوف الى ؟؟؟؟؟؟؟؟
لا مستحيل نقول واش صرالي بسبتها
خخخخخخخخخخخخخ عييييييب
شفت التزوير الطفولي!!!!!!!!!

[مصطفى ابو عزيز]

ايام زمان حلوة عندما كنا اطفالا والسبب ان البراءة هي سبب حلاوتها ومرحلة الطفولة تكاد تكون المرحلة الاجمل والاعذب في حياة اي انسان وذكرياتها لا تنسى ابدا
اعادها الله الينا ولو يوما

[س..ع..ي..د]

المشاركة الأصلية كتبت بواسطة bent zgoum

ممممممممممممم

اتذكر عندما كنت صغيرة حينماأخذت قريصة وغلفتها بورق ألمنيوم وذهبت بها إلى بائع حلويات وكان رجلا كبيرا في السن نظره ضعيف وقدمتها له على انها نقود وطلبت منه حلوى
لم ينتبه في البداية لكنه بعد قليل دقق النظر ليجد العملة المزورة
وطبعا سمعت كلمات وصرخاااااااات أدت بي من الخوف الى ؟؟؟؟؟؟؟؟
لا مستحيل نقول واش صرالي بسبتها
خخخخخخخخخخخخخ عييييييب
شفت التزوير الطفولي!!!!!!!!!

ههههههههههههه قصة رائعة

شكرا اختي علي المرور ربي يحفضك

[س..ع..ي..د]

المشاركة الأصلية كتبت بواسطة choun2009

ايام زمان حلوة عندما كنا اطفالا والسبب ان البراءة هي سبب حلاوتها ومرحلة الطفولة تكاد تكون المرحلة الاجمل والاعذب في حياة اي انسان وذكرياتها لا تنسى ابدا
اعادها الله الينا ولو يوما

كلامك صحيح ما احلي الطفولة ولكن للاسف مستحيل تعود وبقيت مجرد ذكريات شكرا علي المرور اخي حتي وان كنت لم تحكي لنا شيئا عن طفولتك

[badi09]

دكريات الطفوولة دكريات جميلة ولا تنسي

[س..ع..ي..د]

المشاركة الأصلية كتبت بواسطة badi09

دكريات الطفوولة دكريات جميلة ولا تنسي

خويا لعزيز مدام لا تنسي علي علي الاقل راك فاكر حكاية صراتلك في هذى المرحلة متبخلش علينا وحكيهالنا ياك رانا عايلة وحدة

[صالح القسنطيني]

و عليك السلام و رحمة الله و بركاته

أكبر دليل على ان مرحلة الطفولة هي اجمل و أروع المراحل الفرحة بالعيد الصغير و الفرحة بالكبش في العيد الكبير كنا قريب منرقدوش من الفرحة و الكبش نخرجو ندورو بيه و نتلمو مع بعض جميع الأصحاب و ندو الكباش و روحو نحوسو.........

بصح كي كبرنا صار العيد ((لولا قناعتي بأنه شعيرة من شعائر الله يجب الفرح بها أي لولا وازع الدين)) لكان العيد مثله مثل سائر الأيام...

و كذلك كنا روحو للدوار و و نسرقو دواب ((الأحمرة)) و نركبوا فوقهم.........ههههه

آآآآآآآآآآآآآآآآآه على ايام الطفولة...........

و غير ذلك الكثير و الكثير من القصص التي تكتب في جبين تاريخي بماء الذهب

[أحمد أبو عبد الرحمن]

إيه إيه إيه يا السعيد والله أيعطيك الصحة كي فكرتنا بدوك ليمات
وفكرتني راك بواحد القصة
كان واحد يقلو هشام ديما يلعب مع واحد نسيت إسماه راني متفكر أخاوت عبد الله وسليم ويوسف المهم كان ديما هدا هشام يحكينا عندي ميكرو شريتو ب15 مليون وأبي عندو سيارة آخر موديل و يحكينا على بنعبو والمهم كي كبرنا كيما راك تقول دجين لهموم ولمشاكل ونروح لهشام ونقعد نفكر فيه ويطيح يدحك يدحك وينكر يقلي مادرت والو من اللي قلتهم

[س..ع..ي..د]

المشاركة الأصلية كتبت بواسطة صالح القسنطيني

و عليك السلام و رحمة الله و بركاته

أكبر دليل على ان مرحلة الطفولة هي اجمل و أروع المراحل الفرحة بالعيد الصغير و الفرحة بالكبش في العيد الكبير كنا قريب منرقدوش من الفرحة و الكبش نخرجو ندورو بيه و نتلمو مع بعض جميع الأصحاب و ندو الكباش و روحو نحوسو.........

بصح كي كبرنا صار العيد ((لولا قناعتي بأنه شعيرة من شعائر الله يجب الفرح بها أي لولا وازع الدين)) لكان العيد مثله مثل سائر الأيام...

و كذلك كنا روحو للدوار و و نسرقو دواب ((الأحمرة)) و نركبوا فوقهم.........ههههه

آآآآآآآآآآآآآآآآآه على ايام الطفولة...........

و غير ذلك الكثير و الكثير من القصص التي تكتب في جبين تاريخي بماء الذهب

ههههههههه مشاء الله باين عليك عشت طفولة مليئة با المغمارات يعطيك الصحة خويا لعزيز صالح القسنطيني واذا تفكرت قصة اخرى متبخلش علينا لانها عجبتني حكاية روحو لدوار ونسرقوا الدواب......ربي يعشك

[س..ع..ي..د]

المشاركة الأصلية كتبت بواسطة أحمد.G

إيه إيه إيه يا السعيد والله أيعطيك الصحة كي فكرتنا بدوك ليمات
وفكرتني راك بواحد القصة
كان واحد يقلو هشام ديما يلعب مع واحد نسيت إسماه راني متفكر أخاوت عبد الله وسليم ويوسف المهم كان ديما هدا هشام يحكينا عندي ميكرو شريتو ب15 مليون وأبي عندو سيارة آخر موديل و يحكينا على بنعبو والمهم كي كبرنا كيما راك تقول دجين لهموم ولمشاكل ونروح لهشام ونقعد نفكر فيه ويطيح يدحك يدحك وينكر يقلي مادرت والو من اللي قلتهم

شكرا بزاااف خويا احمد علي المرور ولكن مكانش ضرورى تذكر اسماء خاوتو لاني اصلا مش راح نعرفوا حتي ولو ذكرت كل شئ عنوا مشكور علي القصة الجميلة لاننا بصراحة جميعا كنا نكذبوا ونخترعو قصص الاكشن

[وشَـ،ـآحْ الـصـِـبـآا]

هههههههههههههههههههه..............
حتى أنا نشارك معاكم
كي كنا صغار كنا نخرجوا مع بعض حنا دراري ونروحوا نحوسوا على بوجراد (الجراد) ونصيدوه حي ونرتبوه بالألوان تاع جناحيه وندفنوه حي ......ونقراو عليه الفاتحة ومرة لقينا فرخ صغير (زاوش) وحكمناه وكان له نفس المصير
أما نهار مولد النبي كنا نخرجوا لفوق السطح على 9 وعلى 2 ولا3 نرجعوا وغدوا الصباح ننوضو كامل واحد محروق يدوا وحد المرة بنت جارتنا تحرق شعرها قريب كامل mais الضحك اللي ضحكنا عليها النهار هداك مازدناش عاودناه ..................
هههههههههههههه.........ومازال بزاف اللي عشنا مع بعض
سعيد أحكي شوية واش كنت تدير؟واش كنت تحلم؟؟


وكانت هذه المشاركة 1100 وهنا تحصلت على النجمة الذهبية شكرا لك أخي سعـــــــــــــــيد

[نور]

أتعلم أخي سعيد كنت سأكتب هذا الموضوع فسبقتني جميل دائما ما تكتبه و الطريقة التي توصل بها المعنى و المفيد
سأقص عليكم هذه الحادثة التي أتذكرها فلا أكف عن الضحك و أتمنى ان تعود تللك الأيام
كنت في الصف السادس "السنة السادسة" و كانت أشجار التوت قد أثمرة و جزج ثمرها و كانت لدينا صحة استدراك على الساعة الواحدة زولا فلا نستطيع ان نذهب الى البيت و نعود لدوام المهم أنا و مجموعة من الشلة أخذنا نقطف التوت غافلين عن محافظنا و إذا بالجرس يدق دخلت القسم بدون محفظة و عندما طلب الاستاذ استخراج الادوات لم اجد محفظتي فخرجنا جميعا نبحث عنها و لكن قد فات الاوان لانها قد سرقت
أشكرك اضحك و لا تكثر من الضحك
أشكرك أخي

[س..ع..ي..د]

المشاركة الأصلية كتبت بواسطة المحبة لربها

هههههههههههههههههههه..............
حتى أنا نشارك معاكم
كي كنا صغار كنا نخرجوا مع بعض حنا دراري ونروحوا نحوسوا على بوجراد (الجراد) ونصيدوه حي ونرتبوه بالألوان تاع جناحيه وندفنوه حي ......ونقراو عليه الفاتحة ومرة لقينا فرخ صغير (زاوش) وحكمناه وكان له نفس المصير
أما نهار مولد النبي كنا نخرجوا لفوق السطح على 9 وعلى 2 ولا3 نرجعوا وغدوا الصباح ننوضو كامل واحد محروق يدوا وحد المرة بنت جارتنا تحرق شعرها قريب كامل mais الضحك اللي ضحكنا عليها النهار هداك مازدناش عاودناه ..................
هههههههههههههه.........ومازال بزاف اللي عشنا مع بعض
سعيد أحكي شوية واش كنت تدير؟واش كنت تحلم؟؟


وكانت هذه المشاركة 1100 وهنا تحصلت على النجمة الذهبية شكرا لك أخي سعـــــــــــــــيد

خسارة عليكم تضحكو علي صحبتكم كيتحرق شعرها هذى ماشي طفولة بريئة راني نقسر معاك متزعفيش عليا ختي شكرا اختي علي المرور والف والف مبروك علي النجمة الذهبية والعقوبة ليا ولجميع الاعضاء لي راهم حبين يدوها

[س..ع..ي..د]

المشاركة الأصلية كتبت بواسطة el moltahiba

أتعلم أخي سعيد كنت سأكتب هذا الموضوع فسبقتني جميل دائما ما تكتبه و الطريقة التي توصل بها المعنى و المفيد
سأقص عليكم هذه الحادثة التي أتذكرها فلا أكف عن الضحك و أتمنى ان تعود تللك الأيام
كنت في الصف السادس "السنة السادسة" و كانت أشجار التوت قد أثمرة و جزج ثمرها و كانت لدينا صحة استدراك على الساعة الواحدة زولا فلا نستطيع ان نذهب الى البيت و نعود لدوام المهم أنا و مجموعة من الشلة أخذنا نقطف التوت غافلين عن محافظنا و إذا بالجرس يدق دخلت القسم بدون محفظة و عندما طلب الاستاذ استخراج الادوات لم اجد محفظتي فخرجنا جميعا نبحث عنها و لكن قد فات الاوان لانها قد سرقت
أشكرك اضحك و لا تكثر من الضحك
أشكرك أخي

شكرا اختي الملتهبة هذه المحفظة انا ديتها


ربي يحفضك علي هذا المرور الجميل