|
|
|
|||||||
| الجلفة للمواضيع العامّة لجميع المواضيع التي ليس لها قسم مخصص في المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الحلقة (4) من المسلسل : زينب مقلقة على الزواج وعمار مقلق على تكاليف العرس
 |
|
|
أدوات الموضوع | انواع عرض الموضوع |
2011-07-21, 22:00
|
رقم المشاركة : 1 | ||||
|
الحلقة (4) من المسلسل : زينب مقلقة على الزواج وعمار مقلق على تكاليف العرس
السلام عليكم ورحمة الله وبركاته وكما رأينا في الحلقات السابقة الحلقة (1) من المسلسل :طريق البحث عن فتاة الأحلام  الحلقة 2 من المسلسل : ماهو شرط الفتاة للزواج بالفتى؟ الحلقة (3) -الجزء الأول- : معالجة بعض التصرفات ...في يوم خطبة عمارلزينبالآن الأنسة زينب تم خطبتها للسي عمار وجرى ما جرى يوم الخطبة ونتمنى ان يكونا قد آخذا بنصائح الأعضاء  مشكلة عمار وزينب اليوم هي ان زينب بدأت تقلق وتخمم في الزواج كثيرا وبدأت تفرض رأيها على السي عمار بالإسراع في الزواج هذا اولا  وثانيا ان عمار بدأت باله مشغول بضغط خطيبته وبتكاليف العرس ويوم الزفاف لذلك هو يستشيركم : بأخذ رأيكم *في ضغط ممن هن في موقف زينب على عمار ؟ *ولم اصبح عمار مشغول الذهن بتكاليف العرس؟ تابعو الرد الثاني
|
||||
|
|
2011-07-21, 22:00
|
رقم المشاركة : 2 | |||
|
تابعوا معاي اليوم الحوار الذي جرى بين زينب وعمار رن هاتف عمار والمتصل هو ..زينب بطبيعة الحال (عمار شاف الإسم فرح ...ايا مبعد ارفد على المدام)  وكي رفد راكم عارفين الهدرة نتاع سلام سلام التحية والسوال على بعضيهم حنا يهمنا الموضوع اللي صرا بينتاهم زينب : آ عمار ..وقتاش تجي راك طولت عمار : ياك غير الأسبوع اللي فات كنت عندك ولا شبعة؟ زينب : افهمني .... عمار : ايهيه واش نفهم زينب : ياودي وقتاش تعول على العرس راك طولت شوي ولالا؟  عمار : آآآآيوا رانا رجعنا لنفس المشكل ياك قلتلك اصبري شوي نفري اموري ومبعدا ساهل العرس زينب : راني صابرة هذي مدة ونتا تقولي اصبري اصبري اصبري مابان والو عمار : اي راني نخمم في مشكل تكاليف العرس راني داخل عليها غير سلف سلف سلف وهكذا ومازال مانيش واصل قلت خلي حتى نكمل اموراتي كامل والعرس على ربي زينب :معليش هذا هو زهري ونزيد نصبر بالصح متطولش كثر من هك عمار : اسمعيني مليح قلتلك وفهمت راني حاصل في شوي ديونات نتاع الناس نزيد نشري امور نتاع البيت وشوي قش باش كي تجي تلقاي كل شي واجد زينب : اي اصح معليش يا جماعة الحوار هذا : راهو ناقص بزاف وراهو زايد عليها بزاف مالا هاتوا نتوما حواركم كيفاش رايح يكون على المشكلتين اللي عمار راهو واقع فيها ملاحظة : الموضوع الذي اكتبه قد اضع فيه مشكل مثلا لعمار لكنه واقع لزينب والعكس لذلك ليس المهم من يتقلد الدور بل : نرى الى المغزى من الموضوع ومعالجة المشكل بايجاد حلول فمثلا في هذا الموضوع قد يكون عمار هو اللي يقلق في زنب ماشي كيما جات في الحلقة |
|||
|
|
|
2011-07-21, 22:10
|
رقم المشاركة : 3 | |||
|
اخي فارس او الاخ عمار كي لقا العروس الخير و البركة هههه |
|||
|
|
|
2011-07-21, 22:31
|
رقم المشاركة : 4 | |||
|
هههههه هاذي الحلقة فور يمالا اسمع مليح |
|||
|
|
|
2011-07-21, 22:32
|
رقم المشاركة : 5 | |||
|
كما قالت الاخت نور |
|||
|
|
|
2011-07-23, 11:54
|
رقم المشاركة : 6 | ||||||
|
اقتباس:
اقتباس:
اقتباس:
بورك فيك اما الحوار ساهل تخيلي روحك راكي تهدري وصايي ننتظر محاولتك |
||||||
|
|
|
2011-07-23, 11:56
|
رقم المشاركة : 7 | ||||
|
اقتباس:
ايهيهيهيه الله يبارك
راك جايبها هي مبعد عاوني في كاش حلقة ديرها راهي تخرج عليك سينارسيت كبير بالصح اسمحلي الحوار هذا تقول رايحين للحرب ماشي للزواج ولا قصدت حرب الزواج؟  |
||||
|
|
|
2011-07-23, 11:59
|
رقم المشاركة : 8 | ||||
|
اقتباس:
رانا نقولوا في واش يوجد في الواقع كاين ناس
يتقدموا للزواج ...وليس لهم القدر الكافي من المال أليس كذلك؟ هذي اولا وثانيا : راني مخلط ضرك الجوع قتلني نفطر وممبعد نجي |
||||
|
|
|
2011-07-23, 12:18
|
رقم المشاركة : 9 | |||
|
عفوا فهذي الحلقة |
|||
|
|
|
2011-07-23, 13:07
|
رقم المشاركة : 10 | |||
|
نحبسوا المسلسل؟ |
|||
|
|
|
2011-07-23, 13:14
|
رقم المشاركة : 11 | ||||
|
اقتباس:
|
||||
|
|
|
2011-07-23, 13:32
|
رقم المشاركة : 12 | |||
|
زينب : ألو عمار
عمار : وي ... تقاطعه زينب زينب : في بالي الـ 2 سبتمبر مناسب للعرس ؟؟ يفوت رمضان بالصحة و الهناء و تاني نهاية الأسبوع الفاميليا قاع يحضروا عرسنا عمار : يعني بقى شهر ؟؟ .. تقاطعه زينب ثانية زينب : لوكان ماشي رمضان كنا حددناه 29/07/2011 مي ماعليش كل عطلة فيها خير عمار : بصح مانلحقش نوجد كل شيء في شهر زينب : عوم بحرك ما قتلكش أخطبني من الأول ؟؟ و ما تنساش .. تكريلي فستان الزفاف و الحفافة عليك و صباط ابيض و صاك نجمع فيه الباروك و تاني الفستان الأبيض ماتجيبليش نتاع العام اللي فات لازملي واحد جديد واحدة ما لبساتوا و آخر موضة .. يكروه بمليون و 500 برك عمار : آ حوجي مليون و 500 ؟؟  شهرية نحطها في كراء ليلة ؟؟ زينب : الله يسهل كيفي كيف نتاجاتي شرطك ماهو شرط .. و الروطار فالعرس و تزيد تشكي من فوق ؟؟ و ماتنساش الجهاز فيه عباية ليما و جبة الله الله بتاويلها مشروطات أم العروسة عمار : يماك تاني ... ؟؟ تقاطعه زينب زينب : هادوا عاداتنا و تقاليدنا و لازم جبة بالطبع و الشان ما تبهدلنيش عمار قدام فاميلتي خالتي جاية من فرنسا و جارتنا من الكويت و المعاريض كامل la haute classe  و ماتنساش تفليكسيلي باش نعرض حباباتي 5000 دج و كي نكملهم نقلك عمار : يقولوا زواج ليلة تدبيره عام و أنا نقول : زواج عمار تدبيره أعمآآآآآآآآآآآآآآر  هذه بعض المظاهر السلبية للأسف في مجتمعنا مما تجعل الشاب يخاف الزواج لكثرة المصاريف و ربي يسهل أمور عمار و أمورنا  فاتوني حلقات راني نحاول نلحق |
|||
|
|
|
2011-07-23, 13:41
|
رقم المشاركة : 13 | |||
|
متابع .................. |
|||
|
|
|
2011-07-23, 16:46
|
رقم المشاركة : 14 | ||||
|
اقتباس:
اهئ اهئ اهئ ماشاء الله عليك راها عندنا سيناريست اخرى وين كنتي مخبية هذي المدة؟ بارك الله فيك على الحوار اللي خلعني اذا كان هذا صح راني انا بروحي نوصي عمار ونوقوا بطل وريح براسك خير لك |
||||
|
|
|
2011-07-23, 16:47
|
رقم المشاركة : 15 | ||||
|
اقتباس:
تابع تابع
بديت نعيا من هذا المسلسل واقيلا مكان مكان صمطتها بيه؟ |
||||
|
|
|
| الكلمات الدلالية (Tags) |
| عمار وزينب |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
