حياتي صعيبة...أين الحل يا ترى؟

الفراشة الرومانسية · 2011-07-10, 17:42

السلام عليكم ، أطرح موضوعي هذا و كلي أملا ان أجد العون عندكم فلا تخيبوني
في الحقيقة مشكلتي معقدة جدا قد أصبحت أكره الحياة و كل ما فيها سوء حظي يغلب في كل شيء
انا بنت في 23 من عمري من عائلة متواضعة من 4 أخوات المشكلة أننا نعانو في دارنا من فراغ عاطفي كبير و هدا لي يخليني مكتئبة جدا مفتقدة جدا لحنان الأبوين أصبح وجودهم مثل عدمهم صدقوني عندهم وحد العقلية صعيبة بزاف ...ما يهدروش قاع معانا مهمشينا لوحد الدرجة ما يساقسونا واش خاصنا واش بينا حتى الدراهم لوكان مانمدوش يدينا ما يعطوناش ويلا عطاونا بالزعاف.
والله غير كرهت حياتي حتى ماما جامي جات ليا و قاتلي بنتي واش بيك ميحسوش بينا خلاص و كي نشاورها على حاجة نحسها toujours ضدي وحتى بيناتنا حنا الخاوة مانتفاهموش واحد مايفهم لاخر
أتعبني الأمر كثيرا أنا بنت جد حساسة و هدا الشئ أثر علي بزاف صدقوني الدموع مايخطوش عينيا...حتى انني افكر أحيانا بالموت ... الحمد لله لي جيت مؤمنة و دايرة ربي في خاطري لكن الى متى هده المعاناة راني موجوعة بزاف صدقوني كرهت حاسة روحي وحدي في دي الدنيا نحس ربي ما يحبنيش راه غابني هكدا

نتمنى فهمتوني و تعاونوني و تقولوي واش ندير وين راه الحل يا ترى ما العمل يا اخوتي ربي يجزيكم و يكمللكم واش تتمناو ؟؟؟

الذِكرَى البَيضآء~ · 2011-07-10, 17:54

انا اصغر منك و اتمنى ان تقبلي نصيحتي تقربي من الله عز و جل و اتخدي صديقة اقضي معها وقتكو لتكون صادقة معك و تفهمك لتنسي ي
و ادا كنت تدرسين ف
الجامعة فاهتمي بدراستك و اجتهدي حتى تتخرجي و تعملين و يفرجها ربي ان شاء الله فمهما كانت المشاكل فهناك دائما من يعتني بك يحبك هو الله عز و جل
و بالاخير الله يفرج همك

نورسين.داية · 2011-07-10, 18:29

و الله صدقيني عزيزتي ليست مشكلتكي وحدكي و إنما مشكلات الجميع لكن فقط إختلفت الأشكال و القوالب و ما لكي عزيزتي إلا الدعاء و الصلاة
و أكيد المولى عز و جل سوف يفرج همكي ................بارك الله فيكي عزيزتي و ثقي أن الله معكي في كل حين

دكتورة بإذن الله · 2011-07-10, 18:35

اقتباس:

المشاركة الأصلية كتبت بواسطة الفراشة الرومانسية

السلام عليكم ، أطرح موضوعي هذا و كلي أملا ان أجد العون عندكم فلا تخيبوني
في الحقيقة مشكلتي معقدة جدا قد أصبحت أكره الحياة و كل ما فيها سوء حظي يغلب في كل شيء
انا بنت في 23 من عمري من عائلة متواضعة من 4 أخوات المشكلة أننا نعانو في دارنا من فراغ عاطفي كبير و هدا لي يخليني مكتئبة جدا مفتقدة جدا لحنان الأبوين أصبح وجودهم مثل عدمهم صدقوني عندهم وحد العقلية صعيبة بزاف ...ما يهدروش قاع معانا مهمشينا لوحد الدرجة ما يساقسونا واش خاصنا واش بينا حتى الدراهم لوكان مانمدوش يدينا ما يعطوناش ويلا عطاونا بالزعاف.
والله غير كرهت حياتي حتى ماما جامي جات ليا و قاتلي بنتي واش بيك ميحسوش بينا خلاص و كي نشاورها على حاجة نحسها toujours ضدي وحتى بيناتنا حنا الخاوة مانتفاهموش واحد مايفهم لاخر
أتعبني الأمر كثيرا أنا بنت جد حساسة و هدا الشئ أثر علي بزاف صدقوني الدموع مايخطوش عينيا...حتى انني افكر أحيانا بالموت ... الحمد لله لي جيت مؤمنة و دايرة ربي في خاطري لكن الى متى هده المعاناة راني موجوعة بزاف صدقوني كرهت حاسة روحي وحدي في دي الدنيا نحس ربي ما يحبنيش راه غابني هكدا

نتمنى فهمتوني و تعاونوني و تقولوي واش ندير وين راه الحل يا ترى ما العمل يا اخوتي ربي يجزيكم و يكمللكم واش تتمناو ؟؟؟

و عليكم السلام و مساء الانوار ......يا ايتها الفراشة الرومنسية فهل الفراشة تحزن ؟؟؟..........

... فالفراشة تزهو و تفرح بالربيع و كلها امل بين مروج الحقول....و كلها امل بالحياة و سعادة

فاطردي الاحزان و الالام جانبا ....قرري التغيير من الآن و عدم الدخول في دوامة الافكار السلبية

ما وددت قوله لك يا اختي الكريمة ....ثقي بالله اكثر ...و يقلك .لي يشد في الصحيح عمرو ما يطيح

حطي املك بالله و قوي شخصيتك ...و ثقي بنفسك ....

فالفراغ العاطفي يحدث فجوة في كيان الشخص ولما يكون الشخص غير مشبع بالحنان من اهله يمكن ان يبحث عنه في اشياء اخرى

... او يسرح في خياله كي يحققه في احلام اليقضة

و اذا كانت الاحلام هاته سلبيية ستضر الذات اكثر لانها تمتص الطاقة من الانسان و تصدمه بالواقع و غيره من الامور الاخرى ......الخ

لكن الحمد لله انت من طريق حديثك واعية ...اقرائي... طالعي... اكتبي ....

افرغي الشحنات السالبة

حاولي ان تندمجي في المجتمع .......اذهبي عطلة عند الاقارب خالتك عمتك .........الخ انا لا اعرف ظروفك جيدا

كما اقول لك انكي ربما حديثك الداخلي مع النفس و كذا مع من حولك سلبي و هو خارج عن نطاقك لانك تعاني من ضغط

وهذا الحديث لما تتكرريه سيشتغل به العقل الباطن ...و تصبحين مكتئبة و حزينة ومهمومة .....

ويتراكم ويصبح المخ معدل و يخدم كما ترددين

لذلك اقول لك اقتراح

ركزي في حديثك سواءا مع الذات او مع اخوتك.... و كل ماهو سلبي ....اقلبيه لايجابي

خذي ورقة و كتبي فيها

انا اليوم قوية ......

انا ثقتي بنفسي عالية .....

انا احب الله كثيرا.............

انا احب امي و اخوتي لانهم جيدين ....

انا اعيش في سعادة رائعه ......

انا كذا ..........و كذا يعني على حسابك انتي ..ربما فهمتيني

يعني لازم تعزيز للذات اكثر ...........

و حطيها تحت وسادتك ....و اقرئية قبل النوم و صباحا ...او في اجندة شخصية و اطلعي عليها و هكذا تبرمجين عقل اللاواعي على كل ماهو ايجابي

و بخصوص امك او اهلك اصلابقوتك و ثقتك بنفسك تستطيعين ان تعكسي شخصيتك بالايجابية و الحيوية ....عليهم ...و يتغيرون

تعلمي صنعات و اشغال حرف يدوية كروشي مجبود طرز ..............ادخلي للجمعيات ...انا لا اعرف وضعك المادي و الشخصي

فقط اقترح عليك.....و هاته الهوايات ستمتص منك التفكير السلبي و هي نوع من تفريغ للكبت

تحرري من كل القيود حاولي تحطيمها .........كوني قوية و ثقي بالله

صلاة الفجر و قراءة القران و كثرة الدعاء .........انظري لشروق الشمس و الله نعمة الله لا تعد و لا تحصى

انظري لكل شيء جمبببببببل ..كن جميلا ترى الوجود جميلااا ...و الله اختي صدقيني ستتغير حياتك للاحسن

و تصبحين تؤثرين بالايجاب

ووضعك مقارنة بالناس .......فانت الحمد لله بصحة و عافية و لك اسرة ...و تسكنون بيت يعني ماكمش كرايين او ساكنين عند الناس

بصريح العبارة عددي ماهو ايجابي عندكم...و سترين ان فضل الله كثير و كثير

سترين ان الايجابيات اكثر من السلبيات ...حينها ستزدادين قوة

ادعي الله و انهضي بجوف الليل و ادعي الله يرزققك زوج صالح و يفتح عليك .....حينها تكونين افضل بكثير

ان يرزقك الله بنصفك الاخر الذي يفهمك و تفهميه و روحك تندمج بروحه ......حينها ستكونين اسعد الناس

باختصار الحل الامثل لحياتك التي ستكون سهلة بــــ تعزيز الذات +تقوية الثقة بالنفس + الاندماج الاجتماعي+الدعاء +تقوية ايمانك بالله

هذا مافي جعبتي فانا اكتب لك بعفوية ..............ربي يرزقك الزوج الصالح و يبعد عنكم الهم و الحزن

و ضعي املك بالله عز وجل ....ربي يفرج عليك و يبعد عنك الهم و الحزن .....اميييين ....مجرد راي .و الله اعلم ......

مع تحياتي .............سلاااااااااااااام...........اختك في الله

الفراشة الرومانسية · 2011-07-10, 18:43

ربي يخليكم خاوتي فرحتوني بالنصائح دعولي ربي معاكم

اميرة الجزائر2010 · 2011-07-10, 18:45

السلام عليكم اختي
انا قرات مشكلتك فعلا مشكلة خاصة انها في المنزل فانت تعيشين فيه المهم اعلمي اختي الكريمة انا لا احد في هذه الدنيا مكتملة سعادته فكل واحد فينا له مشكلة خاصة به ,,,,,,,,,
و لن يدوم الحال ان شاء الله استعيني بالصبر و الصلاة و اشغلي نفسك وعليك اتخاذ صديقة احكي لها لا تتركي في قلبك و ربي يفرج ان متبقنة بان فرج الله قريب و هذه هيا الدنيا امتحانات و عليك مواجهة هذه الامتحانات والابتلاءات والصبر عليها لتنالي في الاخير ان شاء الله
وانا اختي اقترح نفسي كصديقة لك و سوف نواجه صعوبات الحياة سويا و لو تعلمين ما في قلوب الناس يهون عليك ما في قلبك وانا متاكدة من ذلك

ربي يفرج عليك ختي و علينا و على جميع المسلمين انا انتظر جوابك

ام ايمان16 · 2011-07-10, 19:11

ماانتي فيه من حياة حزينة على حد تعبيرك يوجد الكثيرين من هم مثلك وبل يوجد من حياتهم اسوا بكثير من حالك فكما يقول المثل(اذاعمت خفت)
فاختي علىالاقل انتي وسط عائلتكي الحقيقية مهما كانت نقائصها فما رايك اختي بمن ليس له عائلة اصلا او توفيت عائلته بالكامل وضل وحيد اومن يعيش عند زوجة الاب او زوج الام ولايلقى منهما الا سوء المعاملة (افضل ان تعاملنى امي بقسوة على ان تعاملنى زوجة ابي بقسوة) فاحمدي الله على ماانتي فيه بارك الله فيكي

اما احساسك تجاههم فيجب ان يكون حسن الضن بهم دائما لانه مهما كانت قسوة الوالدين على الابناء فهي لاتخلو من عاطفتهم تجاه اولادهم حتى ان لم يحسنو التعبير عن تلك العاطفة بشكل مباشر لانهم يتصرفون احيانا بتلقائية تماشيا مع الوقت
فحاولي اختي من جهتك خلق بعض الجو في الاسرة بمساعدة من اخوتك لتلطيف الشحنات السالبة التي في البيت وجعلها شحنات موجبة وترجع البيت مليئ بالسعادة والهناء
وربي يرزقك راحة النفس وراحة البال
حفظكي الله ويسر امركي

ندرومة49 · 2011-07-10, 19:30

ربي يفرّج همّك شدة وتزول

ماكاش في الدنيا هادي لي سعيد 100 ب /100 وكوني متهنية لي عندو الدراهم ماهوسعيد ولي عندو لولاد ماهو سعيد ولي ولي

نحكيلك وحد لحكاية باه تعرفي بلي السعادة عمرها لاكانت في المال مثـــــــــــــــــال فقط
كانت هناك فيلا لعائلة غنية لدرجة لاتوصف التيكي قاوي

ومقابل تلك العائلة هناك دار من العهد الفرنسي ..لإحدى العائلا الفقيرة

المهم

العائلة الفقيرة ديما زاهيين ومهولينها في الدار
الأم حاكمة بيدون
والأب بار تاع حديد
وبنهم قاعد غير يرقص

المهم مهوووووووووولة تاع الصح والضحك والمرح..........عجيــــب

لكن العائلة الغنية الجورني تاعهم فايت 10000 دج مليون سنتيم فالنهار

وديما نايضة لاقار في الدار الأب وينها 100 دج وأنت علاه رحت بالطاكسي وطولت ماجيت
وأنت علاه ماطيبتيش العشاء..................خالية وذارية عليهم

هذه المرة غاضتو داك الغني

قال علاه الفقير داك زاهي وانا لي عندي الدراهم هبلت

تلاقاوفي صلاة من الصلوات
حكمو قالو جاري علابالي راك فقير وتحوّس على الدراهم

هاك 100 مليون دير التاويل لعمرك واخدم
ادّاه الفقير لمرتو وبنو المبلغ الآنف
وبداو في الدراسة
الأب نفتح محل لباس الرجال
الإبن نفتحو مطعم
الأم
نفتحو محل الخياطة ولوازمها

خلااااات عليهم أسبوع وهوما يخطو

وبعدها خمّو مليح وقالو كنّا زاهيين قبل لاتجينا 100 مليون

منين دخلت 100 مليون للدار واحنا خلااااص دخنا

روح رجعها لجارنا وقلو كثّر خير

المخلوق ادّاها

ورجعوا زهاوها في الليل

المهم هذه نكتة باش نخفّف عليك رغم أني طولت عليكم

أدعي بهذا الدعاء

اللهم إنى أعوذ بك من الهم والحزن.. وأعوذ بك من العجز والكسل وأعوذ بك الجبن والبخل وأعوذ بك غلبة الدين وقهر الرجال

الفراشة الرومانسية · 2011-07-10, 20:49

اقتباس:

المشاركة الأصلية كتبت بواسطة اميرة الجزائر2010

السلام عليكم اختي
انا قرات مشكلتك فعلا مشكلة خاصة انها في المنزل فانت تعيشين فيه المهم اعلمي اختي الكريمة انا لا احد في هذه الدنيا مكتملة سعادته فكل واحد فينا له مشكلة خاصة به ,,,,,,,,,
و لن يدوم الحال ان شاء الله استعيني بالصبر و الصلاة و اشغلي نفسك وعليك اتخاذ صديقة احكي لها لا تتركي في قلبك و ربي يفرج ان متبقنة بان فرج الله قريب و هذه هيا الدنيا امتحانات و عليك مواجهة هذه الامتحانات والابتلاءات والصبر عليها لتنالي في الاخير ان شاء الله
وانا اختي اقترح نفسي كصديقة لك و سوف نواجه صعوبات الحياة سويا و لو تعلمين ما في قلوب الناس يهون عليك ما في قلبك وانا متاكدة من ذلك

ربي يفرج عليك ختي و علينا و على جميع المسلمين انا انتظر جوابك

شكرا أختي راكي طلعتيلي المورال و أنا أقبلك كصديقة و أخت نهدرو par m.s.n ou fb كيما تحبي

الفراشة الرومانسية · 2011-07-10, 20:51

نشكركم أخواتي على الردود على الأقل حسيتوني بلي كاين لي راه واقف معايا ربي يهنيييييييييكم

اميرة الجزائر2010 · 2011-07-10, 21:05

اقتباس:

المشاركة الأصلية كتبت بواسطة الفراشة الرومانسية

شكرا أختي راكي طلعتيلي المورال و أنا أقبلك كصديقة و أخت نهدرو par m.s.n ou fb كيما تحبي

اوك عزيزتي لا تقلقي الحياة جميلة اذا اردناها ذلك

imi02i · 2011-07-10, 23:57

يا أختي نقلك حاجة:
متنسايش بلي الدنيا هذي راها أمتحانات وابتلاءات
وكل ماربي حب واحد بلاه
أما مشكلتك فهي والله ليست بالثقيلة بالمقارنة مع ما أسمعه من مشاكل عائلية أخرى
وديما شوفي للهم اللي اكثر منك على خاطر راح تنساي همك
وماعليك إلا تديري ربي في بالك وتصبري
ونأكدلك بلي مكانش إنسان معندوش مشكلة
لكن كاين اللي يدس في قلبو وكاين اللي يحب يفضفض
المهم أنتي كوني فحلة واجتازي الإمتحان
والفرج بعد الشدة
ربي يسهلك أمورك أختي

صُبح الأندلس · 2011-07-11, 07:56

أسأل الله أن يؤلف بين قلوبكم
حاولي التقرب من والديك و إخوتك بالهدايا - مهما كانت رمزية - (تهادوا تحابوا) أو بافتعال جو من المرح و المزاح و لا تنسي الدعاء ثم الدعاء
و تذكري أنت لك والدان و إخوة و غيرك محروم منهم

عادل الجلفاوي · 2011-07-11, 09:32

السلام عليكم
اعلم ان الحياة صعبة مملة مقرفة لحد كبير ونعاني منها كثيرا لوكن علينا ان نحاول صناعة بسمة على اوجهنا بطرق بسيطة وبتفكير سليم
وفقك الله الى ما هو أفضل

looona · 2011-07-11, 10:41

ربي يفرج شدة وتزول