سؤال لمن تخطوا السنة الثانية طب

hsanfcm · 2011-07-24, 17:48

حبيت نطرح السؤال الذي يراود جميع الطلاب الذين تعدو السنة الأولى طب وهم الان مقبلين ان شاء الله على السنة الثانية الا وهو مدى صعوبة الدراسة في السنة المقبلة

لانه وكما يعلم الكل عدد المواد انخفض الى 5 فهل تكون هذه نعمة ام نقمة ؟؟

-وهل السنة الثانية اصعب من الاولى من ناحية الضغط و كذلك من ناحية الفهم ؟؟

-و ماهي المواد التي تشكل عاقا والمواد الاسهل؟
اسف على الاطالة وارجو الافادة وشكرا

أيام مضت · 2011-07-24, 19:20

السلام عليكم

أنا تخطيت السنة الثانية والثالثة يعني العام الجاي سنة رابعة ان شاء الله ههههههههههههه

المهم السنة الثانية هي أسهل بالمقارنة مع السنة الأولى يعني تكون شوة تعودت على الحفاظة بالفرنسية وهزيت مصطلحات بزااااااف ...... السنة الثانية من جهة ساهلة باسك مفهاش بزاااف لي مودول ومشي شارجي بزاف ...مي من جيهة اخرى لازمك تحاول تدي فيهم كل لاموايان باسك معندكش باه تكومبونسي مرة اخرى ....

عندك l'histo et l'anato بازي عليهم بزاااااف خطرش ساهلين ومام حلوين للحفاظة ... اما la physiologie هيا اللي شوية واعرة .... biophysique و biochimie تاني مفيهمش حاجة صعيبة ........ يعني على العموم السنة الثانية ساهلة بالمقارنة مع السنة الاولى والثالثة .....

اي استفسار آخر راني هنا وربي يوفقك انت شاء الله

hsanfcm · 2011-07-24, 21:14

متشكر اختي على المعلومات وربي يوفقك في مشوارك الدراسي والمهني

Diala1 · 2011-07-24, 22:18

كما تفضلت الأخت بالشرح الموفي كذلك أود اضافة بعض التفسيرات لعلها تفيدك
السنة الثانية تسمى السنة الفخ لأنها سهلة وصعبة في نفس الوقت
الأسباب
قلة المواد تحتم عليك التحصل على المعدل في كل المواد ولكن بعض المواد صعبة لدرجة أن التحصل على المعدل فيها صعب
كذلك الوقت الفارغ لقلة ساعات الدروس يؤدي الى السهيان فالكل ينسى نفسه حتى تصل الإمتحانات مع la charge des cours
ولهذا يحتم عليك بعض الخطوات لتتجاوز هذه السنة بسهولة
الخطوة الأولى عليك التركيز التام على الفصل الأول وجمع أكبر عدد من النقاط الزائدة على المعدل
لأن الصعوبة تزداد مع كل فصل اي أنو لي يجيب في الأول يضمن،ركزعلى هذه النقطة جيدا لأنها مفتاح النجاح
ثاني خطوة التركيز على المواد اللي تضمن وراح نقولك كيفية التركيز عليها حسب الصعوبة
اللي كيما تحفظ فيها تجيب هما Histologie و Anatomie
أما Biophysique لازم تجيب في الأول لأنها فصلين فقط مع التركيز على تمارين TD وفيها كذلك بعض الحفاظة
Biochimie راهي حفاظة ولكن ميش مضمونة خاطر يركزوا على أشياء مدققة في الحفظ ويديروا تمارين،بالمختصر يصعبوا شوي
Physilogie تصعب تدريجيا ولو كان تركز كل وقتك عليها وتكسر راسك فيها بزاف راح تخلي وقت الحفاظة لي تضمن بيه
أرجو أن اكون قد أدرجت بعض التلميحات التي تعطيك نظرة على ما في هذه السنة وإن شاء الله توفق فيها

وبالمناسبة أود سؤال الأخت التي تجاوزت السنة الثالثة عن ما يمكن أن تفيدنا به وشكرا مسبقا

~رآقية بأخلآقي~ · 2011-07-25, 19:39

السلام عليكم و رحمة الله وبركاته

أيام مضت و ديالى شكراااااااااااااا لكما على المعلومات و إن شاء الله بالتوفيق ليكما في بقية المشوار يارب..

حبيت نسألكم في الصيف واش تنصحونا نحضرو و اسكو مليح أننا نستغل هالصيف في حفظ بعض الموديلات والا لا..وسؤال آخر إذا كانت وحده فيكم تقرا في باتنة الـ biochimie اتاع الدوزيام واش قريتو فيها لانو البروقرام ماهوش كيف كيف اتاع الجامعات..وشكرااا مسبقا..

أيام مضت · 2011-07-25, 21:11

اقتباس:

المشاركة الأصلية كتبت بواسطة Diala1

كما تفضلت الأخت بالشرح الموفي كذلك أود اضافة بعض التفسيرات لعلها تفيدك
السنة الثانية تسمى السنة الفخ لأنها سهلة وصعبة في نفس الوقت
الأسباب
قلة المواد تحتم عليك التحصل على المعدل في كل المواد ولكن بعض المواد صعبة لدرجة أن التحصل على المعدل فيها صعب
كذلك الوقت الفارغ لقلة ساعات الدروس يؤدي الى السهيان فالكل ينسى نفسه حتى تصل الإمتحانات مع la charge des cours
ولهذا يحتم عليك بعض الخطوات لتتجاوز هذه السنة بسهولة
الخطوة الأولى عليك التركيز التام على الفصل الأول وجمع أكبر عدد من النقاط الزائدة على المعدل
لأن الصعوبة تزداد مع كل فصل اي أنو لي يجيب في الأول يضمن،ركزعلى هذه النقطة جيدا لأنها مفتاح النجاح
ثاني خطوة التركيز على المواد اللي تضمن وراح نقولك كيفية التركيز عليها حسب الصعوبة
اللي كيما تحفظ فيها تجيب هما Histologie و Anatomie
أما Biophysique لازم تجيب في الأول لأنها فصلين فقط مع التركيز على تمارين TD وفيها كذلك بعض الحفاظة
Biochimie راهي حفاظة ولكن ميش مضمونة خاطر يركزوا على أشياء مدققة في الحفظ ويديروا تمارين،بالمختصر يصعبوا شوي
Physilogie تصعب تدريجيا ولو كان تركز كل وقتك عليها وتكسر راسك فيها بزاف راح تخلي وقت الحفاظة لي تضمن بيه
أرجو أن اكون قد أدرجت بعض التلميحات التي تعطيك نظرة على ما في هذه السنة وإن شاء الله توفق فيها

وبالمناسبة أود سؤال الأخت التي تجاوزت السنة الثالثة عن ما يمكن أن تفيدنا به وشكرا مسبقا

أختي ديالي السنة الثالثة وباه منخوفكش مشي صعيبة بزااااف مي صعيبة بالمقارنة بالسنة الاولى والثانية .... خاطرش فيها لاشارج بزااااف بزاااااف وزيد لي مودول بزاف تاني ..........
مي نوصيك على حاجة ..... لازم تبداي تحفظي من النهار الاول وحاولي قد ما تقدري تهزي فالسطاج لانو راح يساعدك بزاف فالسيميو لانها اصعب واطول مودول والمعامل تاعو 6 يعني راهو لاباز .. كي تدي فيه مليح اعرفي بلي خرجتي عامك ... وتاني الفارماكو شوي واعرة وبلاك سامطة للحفاظة مي معاملها 3 الله يبارك ..
باقي المواد عندي l'immunologie et physiopathologie معاملاتهم 1 وتحفظي تدي فيهم نورمال ... l'anatomie pathologie ; microbiologie ; parasitologie ; radiologie ;معاملاتهم 2 وطبعا تحفظي تدي نورمال تاني ....

مي كما قلتلك لازمك تكوني آجوووووور وربي يوفقك واي حاجة اخرى راني هنا

أيام مضت · 2011-07-25, 21:14

اقتباس:

المشاركة الأصلية كتبت بواسطة *السوفية*

السلام عليكم و رحمة الله وبركاته

أيام مضت و ديالى شكراااااااااااااا لكما على المعلومات و إن شاء الله بالتوفيق ليكما في بقية المشوار يارب..

حبيت نسألكم في الصيف واش تنصحونا نحضرو و اسكو مليح أننا نستغل هالصيف في حفظ بعض الموديلات والا لا..وسؤال آخر إذا كانت وحده فيكم تقرا في باتنة الـ biochimie اتاع الدوزيام واش قريتو فيها لانو البروقرام ماهوش كيف كيف اتاع الجامعات..وشكرااا مسبقا..

اختي الصيف تروبوزي فييييييييييييه وخلاص وكي تدخلو ويرحمها ربي ..... كون جيبيها ورا بعضها اكي تكرهي حياتي ..... دركا رتحي وانساي القراية خلاااااااااااص ... هذا واش ننصحك واذا حبيتي شوفي المعاناة تاع اللي يدخلو الرطرباج ..... كي الناس مرتحة هوما يحفظو ومن بعد الناس اللي رتحت تدخل وهي بالها مرتح ولوخرين مساكن من القراية للقراية والله التعب النفسي كثر

Diala1 · 2011-07-28, 09:21

مشكورة أخت مضت
بالنسة للسيميو هل فيه حفاضة بزاف ولا فهامة، وبالاضافة للتركيز على الستاج كيف أتحصل على نقاط جيدة في هاذ الموديل إن شاء الله

وبالنسبة للأخت السوفية فكما ردت عليك الأخت مسبقا من الأفضل أن ترتاحي في الصيف لأن العام يريد طاقة كبيرة لإتمامه

خليل7 · 2011-07-28, 09:29

اقتباس:

المشاركة الأصلية كتبت بواسطة Diala1

كما تفضلت الأخت بالشرح الموفي كذلك أود اضافة بعض التفسيرات لعلها تفيدك
السنة الثانية تسمى السنة الفخ لأنها سهلة وصعبة في نفس الوقت
الأسباب
قلة المواد تحتم عليك التحصل على المعدل في كل المواد ولكن بعض المواد صعبة لدرجة أن التحصل على المعدل فيها صعب
كذلك الوقت الفارغ لقلة ساعات الدروس يؤدي الى السهيان فالكل ينسى نفسه حتى تصل الإمتحانات مع la charge des cours
ولهذا يحتم عليك بعض الخطوات لتتجاوز هذه السنة بسهولة
الخطوة الأولى عليك التركيز التام على الفصل الأول وجمع أكبر عدد من النقاط الزائدة على المعدل
لأن الصعوبة تزداد مع كل فصل اي أنو لي يجيب في الأول يضمن،ركزعلى هذه النقطة جيدا لأنها مفتاح النجاح
ثاني خطوة التركيز على المواد اللي تضمن وراح نقولك كيفية التركيز عليها حسب الصعوبة
اللي كيما تحفظ فيها تجيب هما Histologie و Anatomie
أما Biophysique لازم تجيب في الأول لأنها فصلين فقط مع التركيز على تمارين TD وفيها كذلك بعض الحفاظة
Biochimie راهي حفاظة ولكن ميش مضمونة خاطر يركزوا على أشياء مدققة في الحفظ ويديروا تمارين،بالمختصر يصعبوا شوي
Physilogie تصعب تدريجيا ولو كان تركز كل وقتك عليها وتكسر راسك فيها بزاف راح تخلي وقت الحفاظة لي تضمن بيه
أرجو أن اكون قد أدرجت بعض التلميحات التي تعطيك نظرة على ما في هذه السنة وإن شاء الله توفق فيها

وبالمناسبة أود سؤال الأخت التي تجاوزت السنة الثالثة عن ما يمكن أن تفيدنا به وشكرا مسبقا

تصحيح فقط
biophysique ماكانش في السنة ثانية

طبعا في جامعة الجزائر