ملجأ اللي جابو الباك 13 وحايرين يدخلوا ان شاء الله نفيدو بعض

وشَـ،ـآحْ الـصـِـبـآا · 2011-07-12, 08:15

السلام عليكم ورحمة الله :

*انا وحدة منكم جبت الباك ب13.71 وحايرة تاع الصح

المهمـ
حابين نفكو المشكل هذا
شخصيا انا حايرة بعد واش ندير
دورتها هندسة معمارية وعمران
ولا شبه طبي
ولا طيران تاع خلاص فالبليدة

في كل حالة انا ماعندي حت ميول
المهم الخدمة كي نخلص تكون مضمونة وتعيش
كانش اختيارات خيرتوها

nina-haifa · 2011-07-12, 14:21

السلام عليكم ختي
مبروك عليك الباك
حبيت نشارك في الموضوع انا جبت الباك العام اللي فات 14.54 درت رياضيات واعلام الي مي ما عجبتنيش قعدت في الدار وعاودت الباك العام هادا جبتو 13,57 وراني حايرة paramedical قالولي ماشي مليحة راني نخمم في chimi pharmaceutique ولا هندسة معمارية
اللي عندو نصيحة يرشدنا من فضلكم

dana1993 · 2011-07-12, 18:04

انا نخمم في هندسة معمارية و عمران
اختي ماهو اختصاص chimi pharmaceutique لم اصادفه قبل...على ما اظن فرع فالبيولوجيا؟

bessma D · 2011-07-12, 19:53

تخصص المدرسة العليا للأساتذة
و اما المدرسة الشبه طبي احسن تخصصص في الوقت الحالي

nina-haifa · 2011-07-12, 21:16

chimi pharmaceutique هي اختصاص normalement في علوم المادة تقراي جذع مشترك من بعد تخيري فيزياء او كيمياء والكيمياء فيها هاذا الاختصاص و تخرجي تخدمي الدواء مثلا في صيدال و الله اعلم
انا عندي ميول الى الصيدلة فقلت ربما ندير هاذا الاختصاص
الي عندو اقتراح احسن يساعدنا

ح ـكآيه م ـبدع · 2011-07-13, 00:01

باراميديكال هي المضمونة فيهم
يخلصو 35000 دينار

وشَـ،ـآحْ الـصـِـبـآا · 2011-07-13, 11:43

لحد الان
مخيرت حت خيار وأكدتو بخلاف الهندسة المعمارية والعمران
بصح قالولي قرايتها صعيبة بزااااااف

jakela · 2011-07-13, 15:03

سلام عليكم عندي معدل 13.44 هل من اختصاص يناسب معدلي شرط ان تكون الخدمة مضمونة بعد الدراسة او بالاحرى يكثر الطلب فيها ولا تهمني صعوبتها المهم الخدمة بعد الدراسة

hasouna · 2011-07-13, 16:37

اقتباس:

المشاركة الأصلية كتبت بواسطة nina-haifa

chimi pharmaceutique هي اختصاص normalement في علوم المادة تقراي جذع مشترك من بعد تخيري فيزياء او كيمياء والكيمياء فيها هاذا الاختصاص و تخرجي تخدمي الدواء مثلا في صيدال و الله اعلم
انا عندي ميول الى الصيدلة فقلت ربما ندير هاذا الاختصاص
الي عندو اقتراح احسن يساعدنا

سلام انا ثاني جبت 13.24...بصح جبت عامي في البيولوجي علوم المادة في سطيف ممممممممم عيانة و يحسراه غير طويل العمر لي يقدر يدير الشعب المليحة الواحد يدخل حاب يقرا ويتبع مليح....و في الاخير يقول ندي 17 يدي 7؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و يعشي في الراتراباج ..........المهم معدل المواد الاساسية اللي يقدر يمدلكم شعب جيدة ...ربي يوفقكم

بسام 11 · 2011-07-13, 16:42

أنا جبت الباك بـ 13,82 شعبة رياضيات الحمد لله خيرت وانتهى الأمر ممكن أغير فقط موضع شعبتين أو شعبة

ويمكنكم الاستفادة من خياراتي

1:AERONAUTIQUE [BLIDA]
2: HYDROCARBURES & CHIMIE [BOUMERDES]
3: ARCHITECTURE & URBANISME [CONSTANTINE]
4: SCIENCES DE LA MATIERE [USTHB]
5: GENIE MARITIME [USTO]
...6: Ecole National Supérieure D'Informatique [ALGER]
7: MATHEMATIQUES INFORMATIQUE [USTHB]
8: ARCHITECTURE & URBANISME [USTO]
9: SCIENCES DE LA MATIERE [USTO/UNIV ES-SENIA]
10: MATHEMATIQUE & INFORMATIQUE [USTO/UNIV ES-SENIA]

الحمد لله أنا مقتنع بهذه الخيارات بنسبة
85%

-تيتو-تقي الدين · 2011-07-14, 08:51

بسم الله
اختي أنا طالب سنة اولى هندسة معمارية وعمران جبت الباك لعام لي فات وعاودتو العام هدا وزدت جبتو مي مرارحش نبدل لبرونش وراح نكمل الهندسة.
بخصوص استفسارك حول الهندسة المعمارية...هي فعلا صعبة وتعتمد بالدرجة الأولى على الموهبة وفن الرسم...إذا فالهندسة المعمارية ليست بعلم دقيق...كما أن تكاليفها باهضة جدا...حيث أن المشروع النهائي والذي أتممته بتوفيق من الله عز وجل وقدمته يوم 04 جويلية قد كلفني زهائ ال700 دينار **700 ألف *** وهو مشروع بسيط...اما الدراسة فهي ممتعة ومشوقة وتستطيعين من خلالها التطلع إلى الأفضل على الرغم من صعوبة بعض المواد المشكلة لهذا التخصص على غرار HA. GE .TMC .Theorie de projet
ولكنني أظن أن فرص الشغل ضئيلة مقارنة يالسنوات الماضية وعلى حد علمي فتونس تمتلك 96 مهندسا معماريا والمغرب تمتلك حوالي مئة اما الجزائر فالألاف منهم بطالون...أي أن فرص التحصل على عمل ليست مضمونة مئة بالمائة...اما الطيران فقد وصل معدله العام الماضي إلى 17 وفرص التحاقك به ضئيلة جدا..ولكن غن وفقت في ذلك فهو أفضل خيار لك لأن افاقه المستقبلية واسعة شاسعة...وبخصوص الشبه الطبي فهو كحل بديل ممتاز فسهولة المضمون وفرص العمل المتوفرة يدفعان الكثير من الطلاب وخصوصا فئة البنات للاتحاق به...والله ولي التوفيق
تقبلي مروري
أخوك:مباركة تقي الدين:متحصل على الشهادة الورقة

ESMA84 · 2011-07-14, 13:55

أنا جبت الباك بمعدل 13.67 و رايحة ندير علوم اقتصادية , التسيير و علوم تجارية ’ مضمونة الخدمة فيها 100 بالمئة , أما بالنسبة للطيران فهو اسم فقط لأنك لن تصبح طيارا pilote يعلموكم كيفاه تصلحوا المحركات تاع الطائرات و أشياء أخرى لا علاقة لها بالتحليق

nani2593 · 2011-07-15, 22:35

ana tani jebt l bac b 13.55 w ani hayrra wech ndiiir besah a jma3a astakhirou rabiiiw li dirouha rabi ywafe9koum fiiiha ..... 3la l khadma kayna wela makanech lazem l wahed ykoun l hadef ta3ou l 9raya barek aprèè l khadma byad rabi soubhanou w rabi ywafe9nna kamel sallammmm

mostapha sed · 2011-07-16, 12:27

لينا ربي سبحنو

الحبيب 1960 · 2011-07-16, 12:54

اقتباس:

المشاركة الأصلية كتبت بواسطة ~* بسمة ألم *~

السلام عليكم ورحمة الله :

*انا وحدة منكم جبت الباك ب13.71 وحايرة تاع الصح

المهمـ
حابين نفكو المشكل هذا
شخصيا انا حايرة بعد واش ندير
دورتها هندسة معمارية وعمران
ولا شبه طبي
ولا طيران تاع خلاص فالبليدة

في كل حالة انا ماعندي حت ميول
المهم الخدمة كي نخلص تكون مضمونة وتعيش
كانش اختيارات خيرتوها

رانا كيف كيف كامل حايرين ما لقينا ما نديروووووووووووووو