دائما مع اختراعاتي الكوزنية

[رحمة من المولى]

السلام عليكم و رحمة الله تعالى و بركاته
بعد فكرتي السابقة و المتمثلة في:
https://www.djelfa.info/vb/showthread.php?t=1358950
اليوم جتلكم تدبيرة جديدة و هي:
خطرات نديرو السمك ، الحوت، السردين ووو
و نحيرو وين نديرو الرِؤوس و العظام خاصة في فصل الصيف رايحين يريحو حاشاكم
تتمثل الفكرة:
نجيبو قرعة أو قارورة تاع ماء فارغة و لا أي مشروب تكون بالغطاء ديالها
نعمروها ببقايا السردين

و نحكم الغلق

و نغسلها من الخارج لأنو مسيناها بيدينا كي كنا نعمرو في القرعة باش مايجيش ليها الذبان شفتوه يدير حفلة نهار الحوت هههههه

هكذا نربحو على جيهتين:
أولا: نتخلصوا من رائحة السردين حتى و تبقى شهر في الدار مرحاش تطلع الرائحة
ثانيا: عمال النظافة الله يكون في عونهم من رائحة قماماتنا خاصة كي نعملو السردين صح نديروه في أكياس بصح و الله تخرج الريحة
ربي يجازيهم على عملهم

هياااااااااااااااا يا شطرات ان شا الله تعجبكم الفكرة