تفجير جديد يستهدف محطة لنقل الغاز المصري لإسرائيل شرق العريش

صقر القدس · 2011-07-12, 07:10

الحادث هو الرابع منذ فبراير

تفجير جديد يستهدف محطة لنقل الغاز المصري لإسرائيل شرق العريش

دبي - العربية
وقع انفجار فجر اليوم الثلاثاء في محطة لنقل الغاز المصري إلى إسرائيل شرق مدينة العريش عاصمة محافظة شمال سيناء.

وذكرت مراسلة "العربية" أن شهود عيان أفادوا بأن ألسنة اللهب ترتفع في المنطقة، وأنها شوهدت من مسافة عشرين كيلومترا من موقع المحطة. ورجحت وكالة أنباء الشرق الأوسط المصرية وقوع مصابين في الحادث، مشيرة إلى أن مسلحين هاجموا حارس محطة الطويل للغاز قبل عملية التفجير.
وتعرضت الأنابيب التي تنقل الغاز المصري إلى إسرائيل والأردن لاعتداءات عدة في السابق.

وأشارت الوكالة إلى أن محطة الطويل هي المسؤولة عن ضخ الغاز إلى محطة الشيخ زويد التي يتم منها تصدير الغاز إلى إسرائيل.

وقال مصدر أمني مصري إن مجهولين فجروا خط الأنابيب.

وقبل هذا التفجير وقعت ثلاثة تفجيرات في خط الأنابيب الناقل للغاز إلى الأردن وإسرائيل منذ فبراير/ شباط، آخرها كان قبل أسبوع.

ويلقى تصدير الغاز المصري لإسرائيل معارضة منذ سنوات. ويقول المعارضون إن مصر تصدر الغاز لإسرائيل بأقل من سعر السوق وهو سعر ثابت في عقد يستمر سنوات طويلة.

وقال المعارضون أيضا إن حكومة الرئيس السابق حسني مبارك خالفت الإجراءات القانونية في إبرام العقد، والتي تقتضي عرض العقد على مجلس الشعب
لمناقشته والتصديق عليه أو تعديله.

وبعد سقوط مبارك أحيل وزير البترول والثروة المعدنية الأسبق سامح فهمي وستة من قيادات الطاقة في مصر إلى محكمة الجنايات بتهمة التسبب لمصر في خسارة بلغت مئات الملايين من الدولارات في العقد.

ويتعرض مبارك ورجل الأعمال المقرب منه حسين سالم لنفس الاتهام إلى جانب اتهامات أخرى.

وفي القدس قال مسؤول في شركة غاز شرق المتوسط أمس الاثنين إن المساهمين الدوليين في الشركة شرعوا في إجراءات قانونية لمقاضاة مصر، مطالبين بتعويضات تبلغ ثمانية مليارات دولار، بشأن ما يقولون إنها انتهاكات لعقود توريد الغاز.

وجاء القرار بعدما قام مخربون في شبه جزيرة سيناء الأسبوع الماضي وللمرة الثالثة هذا العام بتفجير جزء من خط الأنابيب.

pak_fa50 · 2011-07-12, 08:21

ههههههههههههههههههههههههههههههههههههههاااااااااااا اااااااى
الخط دا مش مكتوبله يعيش
ههههههههههههههههههههههههههههههههههههههه

pak_fa50 · 2011-07-12, 08:24

https://www.youtube.com/watch?v=pl1VY...layer_embedded

مشهد الانفجار

بنت مصر العروبة · 2011-07-12, 08:39

سبقتنى يا صقرفي الموضوع نزلت انا الموضوع ده بعديك ههههههههههههههههه
والله بقت نكته الغاز ده

وفين المجلس الاعلى
يورونا الشاطرة بقى مش عارفيين يامنو حدودهم !!
ده الا بيحصل زعزعه لامن مصر
والله انا لو منهم كفايه ضخ غاز بقى
ده رائى وكتبته في موضوعى التانى
انا كدا متاكده 100% ان الا بيعمل كدا مصرى
مش ارهاب ولا حاجه ذى ماالحكومه بتقول
الا بيعمل كدا عارف كويس يدخل اللمنظه دى من غير مشاكل وكمان قاصد انه لايؤذى اى حد
والدليل ان مفيش اى خسائر في الارواح
اذا الا عامل كدا بيحاول لايؤذى احد من المصريين
متهيالى كفايه تصدير الغاز لاسرائيل هيتفجر سابع وثامن و100 مرة
كفايه تصدير الغاز للصهاينه بينتفعو بالغاز بتاعنا على حساب فلسطين وكمان احنا بنحتاج الغاز ده

pak_fa50 · 2011-07-12, 08:51

من تعليقات المصريين الساخرة :

وقف الخلق ينظرون جميعا كيف اوقفت تصدير الغاز وحدي

ملثم بيقول لزميله بس احنا فجرنا الخط 3 مرات وكده هاتتكشف فيرد عليه ويقول :
‎- وده اللى مخلينى متمسك بالمهمة اكتر.. ماهى من كتر ما اتهرست تلات مرات قبل كده محدش هيفكر ان احنا هنعملها رابع

عزيزي الملثم و ردتنا اخبار عاجلة ان خط الغاز الجديد حيعملوه بيمر بمستشفي شرم الشيخ ...والله الموفق

اطالب بنقل مبارك للعلاج فى محطة الغاز فى سيناء أو أى أنبوب يوصل إلى إسرائيل

سينا مش بتاعت تصعيدات .. سينا بتاعت تفجيرات .

هيا كلية الملثمين بتاخد من كام السنادي يا جماعة ونبي ؟

مفيش حاجة صعبانة عليا غير الولية اللى فى اسرئيل هتطبخ لجوزها ازاى بكرة

بعد التفجير الرابع بفكر جديا لما أروح أتقدم لواحده أروحلها وأنا ملثم

أنا أفجر إذن أنا موجود !

الملثم أثناء التحقيق معه : تتمكله حالة بكاء هستيرية ويعترف : دي مش غلطتي .. دي غلطة كل واحد ماسك في الأنبوبة ومتبت فيها

بس يا سيدي ومن يومها واحنا علاقتنا على كده ... هو يلحم الأنبوب وأنا أفجره

انا شيف انبوبه بني و دماغي عماله بتاكلني و الملثم عمال يفجر يفجر و المشير عمال يتنطط و الغاز اللي ورايا ادامي و الغاز اللي ورايا ادامي

الملثم دا بجد الله يكرمه دائما ييجي بليل كدا و ينيمنا مبسوطين

البلد اللى مفيهاش ملثمين حقها ضايع

اسرائيل دلوقتى تلاقيها بتغنى دخل الملثم وانا نايمة شوف قلة ادبه

تفجير خط الغاز المصرى للمره الرابعه على التوالى .. والف مبرووك سوبر هاتريك الملثم .. والله حى الخامس جاى الله حى الخامس جاى

بيقولك كده الملثم بعد اربع تفجيرات هايحتفظ بالماسورة للأبد

الراجل ده يستاهل يمسك وزارة البترول والله !! الراجل ده فاهم كويس واهو مش ها يغلب مهو حافظ الخطوط خلاص

صقر القدس · 2011-07-12, 09:43

اقتباس:

المشاركة الأصلية كتبت بواسطة pak_fa50

من تعليقات المصريين الساخرة :

انا شيف انبوبه بني و دماغي عماله بتاكلني و الملثم عمال يفجر يفجر و المشير عمال يتنطط و الغاز اللي ورايا ادامي و الغاز اللي ورايا ادامي

الراجل ده يستاهل يمسك وزارة البترول والله !! الراجل ده فاهم كويس واهو مش ها يغلب مهو حافظ الخطوط خلاص

هههههههههههه

تعليقات رائعة يا مصريين

ana muslem 3arby · 2011-07-12, 10:13

أنا عندي إحساس إن الحكومه هي العامله الحوار ده

doma_boss · 2011-07-12, 14:04

و الله انا جزائري و كبرتو في عيني كتير يا مصريين و الله قصة هالغاز و معاهدة السلام مع اسرائيل احد اسباب تشويه الصورة العامة لمصر يا شباب الثورة انتو قدها انشالله النصر ليكم

قمراية · 2011-07-13, 00:32

بالنسبة لخط الغاز اللى انفجر اربع مرات هناك اقتراح على المجلس العسكرى أنه يشيل خط الانابيب ويركب وايرليس

~~سوكا~~ · 2011-07-13, 04:41

واللهي كويس عشان اسرائيل تبقي تهدد باللجوء الي المحاكم الدوليه اعتقد دلوقتي اسرائيل هتلجأ الي المطافي