هيا قالك هذي وحد المدرسة حابسين نتاع الصح من المدير حتى للتلاميذ
وحد النهار جاهم المفتش دخل للقسم نوض واحد سالو في التربية الاسلامية سؤال
قالو : من كسر الاصنام
قالو التلميذ : الشيخ والله ماني انا
المفتش مافهم فيها والو قالو يا وليدي غير سالتك برك قتلك من كسر الاصنام
التلميذ قالو : والله والله والله يالشيخ ماني انا
دار المفتش للمعلم قالو واش بيه هذا
المعلم قالو : عندو الحق ماهوش هو لي كسرهم انا نعرفو طفل عاقل وقراي
المفتش مافهم في والو تقلق طلع للمدير ...لحق ليه قالو واش راه صاير عندكم هنا
المدير قالو غير الخير
قالو المتش : سقسيت التلميذ قتلو من كسر الاصنام
قالي والله ماني انا
سقسيت الممعلم قتلو : واش بيه التلميذ نتاعك
قالي :ايه عندو الحق ماهوش هو
هيا المدير قدم للمفتش وقالو : ماتدير عليهم ماوالو قلي برك وشحال السعر نتاع الاصنام هذو وانا نسلكهم .............
************************
هيا هذي وحد القرية فيها امام يطول بزاف في صلاة الجمعة يحكمهم من 12.00 حتى 2.30
عادو كل ماتلحق الجمعة تحكمهم الخلعة هيا تلاقاو الشيوخ لكبار وتفاهمو ينحيوه ويجيبو امام ثمثم يعني صلي وارفع صباطك
هيا الجمعة الاولى مع الامام الجديد جاو داخلين للمسجد قالهم:
قبل ماتدخلو تعرفو قصة سيدنا موسى ولا لالا ؟؟؟؟؟؟؟
قالو :نعرفوها
قالهم :ملا خلاصت الجمعة نتاع اليوم
جاو خارجين عاجبهم الحال مع الامام الجديد
هيا قبل مايخرجو قالهم :اصبرو اصبرو قبل ماتروحو ؟؟؟
تعرفو قصة سيدنا عيسى ولا ماتعرفوهاش ؟؟؟
قالو :نعرفوها
قالهم :ملا الجمعة الجاية غير ماتجيوش ..................
**********************
جا واحد الطلاب(متسول) قدام عمارة فيها اربعة طوابق وبدا يعيييط على واحد كان ايطل من البالكون في الطابق الرابع .......
ارواااح ارواااااح .....قالو السيد واش تستحق...قالو قلتلك ارواااح لازم اتجي تهبط راني محتاجك...تعجب السيد ومن بعد هبط ليه ..قاللو واش تحووس
...قاللو أعطيني المعروف...قاللو السيد تببعني ....طلعو معاه للكاطريام وكي لحق للباب نتاعو قاللو ........الله اينوب ربي ايجيبلك ان شاء الله.
********************************************
_ قالك واحد قعد فم الباب كلاه
_ قالك واحد جا يحرر فلسطين ملقاش الفلفل
_ قالك زوج قاعدين حذا البيسين واحد عام و لوخر 6 شهر
_ زوج يمشو مع بعضاهم وصلو حذا وحد الدورة واحد دار و لوخر قصر
_قالك مرة واحد زوج ثلاثة
_ قالك عجوز ناضلتلها حبة على نيفها فرحت حسباتو حب شباب
_قالك عجوز طلعت على السرير و بدات تنقز علاجال يقولولها اقعدي يا بنت
_ قالك واحد جا ينشر الدين ملقاش المساسك
_ قالك زوج ركبو طاكسي واحد ساق و لوخر فخذ
_ قالك زوج مرضو واحد برا و لوخر ذراع
_ قالك واحد زرع بذور تحت الأرض توقع تخرجلو وردة خرجتلو أم كلثوم
( تقرير عن مشاركة سيئة )، و الموجودة أسفل كل مشاركة .
2011-05-19, 22:13
نكت هايلة ههههههههههههههه
العرض العادي
