أحوال مابعد النتائج...الدخول كرما لا أمرا ... للإفادة

[ورثان الجنان]

السلام عليكم

حياكم الله أحبابي

إن شاء الله تكونو ب100000000000000 خير وعافية ودائما في طاعة الرحمان

والله لطالما حبيت ندير هذا الموضوع

والحمد لله جا في وقتو

على بركة الله :

أولا : الكل في المنتدى راهو على أعصابو

صراحة اللي يشوفنا يقول بلي جوزو إمتحان يدخلو بيه للجنة أو ماشابه

لاواللله بل جوزنا إمتحان صح أهم إمتحان عند الشعب الجزائري بصح هذا مايخليناش نتقلقو لدرجة كيما هاذي

ثانيا :

راني حاب نعطي نصائح للناس اللي جوزو الإمتحان وتاكلين على النجاح (يارب ننجحو كامل)

راني عارف بلي إيمان جميع الأعضاء راهو طالع وراهم غير يدعيو ويصليو ويذكرو

أو ما أسميها أنا فترة الذروة يعني الإيمان يكون فووووووور وماكاش كيفاه يهبط إلا بالنتيجة

هاذيك النتيجة اللي يستناها الكل

ومابقاش الكثير باش تظهر

وكي تظهر يكون الإنسان مستني حاجة فغذا جا واش كان متوقع يفرح

وإذا كان العكس ينهار نفسيا ... وخصوصا إذا كان من الراسبين

لربما ينسى كامل الصلاة أو واش كان يدير ويتقرب بيه لربي

+

هاذيك هي الغلطة الكبيرة

الرسوب مايعنيش الخمول والياس ... لاوالله بل هو أمر من عند ربي باش تتقوى وتحصل على أفضل من كان واش

راح تحصل عليه

والرسوب تانيك بالنسبة ليا والله هو تشجيع باش نقرى

لأنو الإنسان تعب ومرض خصوصا الفتيات منهم

هذا أمر دنيوي وتانيك دعى ربي هذا الأمر ديني

يعني ماقراش وقال راني ناجح خلاص

وماشي ماقراش وبقا يدعي ربي وقال ربي يستجيب

لالا رانا غالطين في هاذي الفكرة

مي الحمد لله كاين ناس فاهمين

أنا الهدف نتاعي في الموضوع ماشي هذا

حبيت نوصلكم لفكرة حسن الظن برب العالمين

لأننا والله لو حققناها لما واجهنا صعوبات ومشكال في حياتنا

مما يعني إذا الإنسان ما نجحش مايقولش ربي ماحبليش الخير

لا بل العكس

يكفيك شرفا بأنك مسلم وغيره فضله من الله

ياجماعة كلمتي الأخيرة

أن الإنسان إذا ماصابش نفسو في قوائم الناجحين صح يغلب عليه شوية حزن

بصح لازم يقول أولا أني راضي يبقضاء الله وقدره

ويشوف السلبيات اللي دارهم خلال العام بهذا والله يتحقق النجاح

وربي يجيب الخير

إليكم هاذي الفيديوهات هي تفسير لكلامي :

https://www.youtube.com/watch?v=vtXvPGojfk4

https://www.youtube.com/watch?v=GS4yeXciig8

https://www.youtube.com/watch?v=gtOkl...eature=related

وهاذي تلاوات مهداة إلى أعز أعضاء الجلفة :

https://www.youtube.com/watch?v=pRuie...eature=related

https://www.youtube.com/watch?v=xMhPV...eature=related

https://www.youtube.com/watch?v=nLSPCnteo1o


وفي الأخير اسمحولي على الإطالة

ربي يوفقنا كامل باش نكونو من الناجحين بالمعدلات اللي رانا حابينها

+

ملاحظة : والله ماكنت نقصد بالكلام أني نوجهو ليكم

بل والله الكلام لي ولكم

دمتم في رضى الرحمان

حياكم الله وبياكم وابقاكم لما أحياكم

[fadi3]

عندما تذهب الى الطبيب فيعطيك دواء هل تجادله فيه ؟
طبعا لا فهو اعلم بمصلحتك منك ؟
الله عز وجل خالقنا وهو ادرى بمصلحتنا
واما بخصوص الصلاة
فالصلاة فرضت عبادة للاخرة بدرجة اولى ثم الدعاء لطلب نعيم الدنيا
فان دعا شخص ما بالنجاح وكان قد اخذ بالاسباب ولم ينجح
فلا يقلق
فالله يعوض له ذلك بما يخدمه
من يدري ماذا سيحدث لي ولك بعد 10 سنوات او بعد مماتنا ؟

[قاصِرَةُ الطّرْف]

السلام عليكم أخي
و هل بعد كلامك كلام
لا أظن ذلك
بالفعل كلامك جد منطقي
سبق و إن قلت لك ذلك
احييك على هذه اللفتة المميزة منك
جعلها الله في ميزان حسناتك

[ورثان الجنان]

المشاركة الأصلية كتبت بواسطة fadi3

عندما تذهب الى الطبيب فيعطيك دواء هل تجادله فيه ؟
طبعا لا فهو اعلم بمصلحتك منك ؟
الله عز وجل خالقنا وهو ادرى بمصلحتنا
واما بخصوص الصلاة
فالصلاة فرضت عبادة للاخرة بدرجة اولى ثم الدعاء لطلب نعيم الدنيا
فان دعا شخص ما بالنجاح وكان قد اخذ بالاسباب ولم ينجح
فلا يقلق
فالله يعوض له ذلك بما يخدمه
من يدري ماذا سيحدث لي ولك بعد 10 سنوات او بعد مماتنا ؟

بارك الله فيك خويا كلام معقول 100/100

[ورثان الجنان]

المشاركة الأصلية كتبت بواسطة شمس الوئام 93

السلام عليكم أخي
و هل بعد كلامك كلام
لا أظن ذلك
بالفعل كلامك جد منطقي
سبق و إن قلت لك ذلك
احييك على هذه اللفتة المميزة منك
جعلها الله في ميزان حسناتك

جزاكي الله كل خير على كل كلمة قلتيها أختي

ياخاوتي أدعو لي في سجودكم باش يوفقني ربي باش ندخل لجامعة أم القرى بمكة المكرمة

واللله تلك أمنيتي في الدراسة

نفع الله بكم الإسلام وأهله

[العلم حياتي]

كلامك جواهر ربي يوفقنا
والي تجي من عندو نستقبلها بصدر رحب
مشكور

[^^prIncessA]

aweddi la3sab la walo hallijat dik hia

[ليلى خانم]

بارك الله فيك شكرا

[imed-federer]

الله يحفظك ويحفظ جميع المِمنين و المِؤمنات
يا حبذ الجنة ولقائها طيبة وبارد شرابه
إنشاء الله يجمعن المولى تعالى مع حبيبنا محمد
أمين يا رب العالمين