مساعدة ارجوكم

طالبة مساعدة · 2012-02-20, 17:20

ارجو من الاخوات ان يفيدوني مثلا لما تاتي ام شاب لرايت بنت لرايتها ليس لخطبتها ماذا ستحظر لها كل وحدة تفيدني لانني حيرانة

طالبة مساعدة · 2012-02-20, 17:43

لمذا هكذا افيدوني ارجوكم

miri_27 · 2012-02-20, 17:47

اهلا عزيزتي اذا كان الشاي يعرفك يبعث لك معها هدية مثلا الريحة و زهور و حلويات اما إذا كان الشاب لايعرفك تحضر معها الزهور و الحلويات

طالبة مساعدة · 2012-02-20, 17:50

شكرا لكي اختي مري لكن سؤالي هو ماذا سنحضر من ماكولات ارجوكي افيديني الا انها ستاتي في فترة المسائية كحلويات مثلا ماذا ستفيدوني ارجوكم

*ام رامي* · 2012-02-20, 17:57

شوفي حبيبتي كل منطقة وعاداتها وتقاليدها اولا حطي عصير وفاكهة وفيما بعد وقت القهوة ديري قراوش او حنيفيات ما يديوش الوقت في التحضير وحاجة معسلة مليحة وزيدي نوع اخر انا رايي ديري سويسرول يجي هايل
وتحبوا تزيدو تاي ومكسرات

طالبة مساعدة · 2012-02-20, 18:05

شكرا لكي اسعدتيني ربي يهنيك يا اختي ام رامي

بسمة حنان · 2012-02-20, 18:13

السلام عليكم اختي الكريمة متكلفيش روحك بزاف لانها هدي مشافة برك مزال الخطبة اذا كان كل وحدة تجي تشوفنا نكلفو روحنا هكدا مفراتش رايحين تقعدو غير نخدمو عليهم ههههههههههههههههههههه و تعرفي كاين شي بنات الخطابة الي يجو يشوفو يوصلولها في بعض الاحيان الى زوج الى ثلاثة في السمانة و هدا ماشي معناه مترحبيش بيهم خلاص يلزم يعرفو بلي انت بنت كرم و اصول و تعرفي لقيمة الضيف
انا في المشافة نتاعي مثلا درت زوج انواع قاطو خفاف و ملاح و يحمرو الوجه كي جاو حطيتلهم فاكهة مع العصير و من بعد حطيتلهم القهوة و الحليب مع القاطو كيما يجوك ضياف و من بعد كي عجبتهم و رجعو باش يتكلمو و يقطعو الشرط تم درت تويلي درت قاطو بالشان و الطبع و انواع كتيرة و باهية و العصير و حوالو و الرفيس مع اللبن لانو هادي الحاجة تجي مرة برك اما المشافة تجي شحال من مرة و اسمحيلي طولت في الكلام و ربي يسهل و يجعلو من نصيبك و يجعلو الرجل الصالح الي تتمنايه و شكرا

طالبة مساعدة · 2012-02-20, 18:16

شكرا لكي يا اختي بسمة ربي ينورها في طريقك ويسعدك حتى نتي يارب

manal47 · 2012-02-20, 18:39

سلام ختي انا نقولك حضري القهوة ديري المقروض و قاطو خفيف مثل صابلي ومسكوتشو مع عصير هدا غير الضيافة الاولى مزال الخطبة و الخير القدام وربي ايتمم على خير انشاء الله

my lamis · 2012-02-20, 19:07

نقول لختي ربي يزين سعدك و نشالله تكونو من نصيب بعضاكم و يكون ولد حلال اللي يقادرك و يصونك
ختي الغالية كيما قالو خواتاتي صح هذي غير الشوفة و قاع نصنعو زوج نواع خفاف واحد معسل و الآخر ناشف
و كان غير ديري ليتارت كيما اللي حطتها أم كوثر تارت الليمون نتي ديريها حبات فردية تسربيهم مع القازوز و الجو هذي تقطعلك بزاف
و القاطو المعسل ديري قريوش ولا مقرقشات و الناشف معرفتش نخيرلك راهم بزاف هههههههه
القريوش ثان تاع أم كوثر بزاف هايل

طالبة مساعدة · 2012-02-20, 19:07

شكرا لكي منال ربي يهنيك

طالبة مساعدة · 2012-02-20, 19:09

ربي يهنيك my lamis شكرا على فكرة الجميلة سافعل بها

natacabell · 2012-02-20, 19:13

bon ki yjou diri sniwa fiha hadik lkar3a ta3 jus b kisanha ou kar3a gazouz bach li hab yachrej gazouz wela jus zidi maaha kach les roulée kayen les recette hnaya la3jeb men 3and l akhawat rabi yadkarhoum bel khire fi mayakhoss el kahwa diri k3ik3at msakrine ou kack haja khra khfifa ou rabi ou rahamtou nchalah ykoun mensib dyalak wida raki haba rabi yzeyen saadek nchalah kount khfifa alik hanouna

طالبة مساعدة · 2012-02-20, 19:35

ربي ينورك يا natacabell ويسعدك في دنيا والاخرة