راني خايفة اعطوني رايكم

[دموع الورد1]

السلام عليكم واش راكم والله راني حايرة بزاف انا اتخطبت من شهر تقريبا والان راني نتكلم مع خطيبي فالهاتف وظهرلي انسان مليح المهم انا من فترة غيرت رقم الهاتف انتاعي على جلوا لخاطر ماشي شبكة وحدة المهم هو يعرف الرقم القديم انا نحيت لبيس الاولى وعدت نهدر معاه بالجديد في هادو الايام اتصل بيا وقالي عندك 2 تليفونات وانا ماشي تاع تمسخير وهكدا ومخلنيش اندافع على روحي انا تخلعت وقتلوا كيفاش قلي متكذبيش عيطتلك البارح وسوناو لزوج انا غضتني عمري ومقدرش ومبعد قتلي اعطيني نومرو الي عيطت فيه سبتوا ماشي نمرويا اقلب نمرو تالي يعني هو الغالط والله راسي حيحبس يعني اتهمني على باطل وقالي هذي حاجة عادية بصح انا الي قلقتني هو تسرع انتاعوا وحكم عليا بلا ميخليلي فرصة ندافع على روحي وراني خايفة خاصة هذا زواج تقليدي ومعرفتوش من قبل

[imi02i]

يأ أختي إذا أنتي متأكدة بلي الرقم القديم عندك وكان مغلق

راجعي نفسك وتأكدي وين خبيتي الشريحة الثانية

لخاطر مشكيتش يتهمك في الباطل

أطلي منو الإعتذار ... وهذا الحل

لكن إذا اتهمك في الباطل وكذب ... متستاهليش واحد يلصق فيك حاجة مكانش

أعذريني أختي على هذا الأسلوب

لكن هذا الصح

لي عوده

[أبو هشام 75]

أنصحك أن تقللا من إستعمال الهاتف
خليو رواحكم عزاز عند بعضاكم
هذا إذا كنتم عاقدين، لانه إذا كانت مجرد خطبة، فالهاتف ممنوع شرعا إلا لضرورة
و الضرورة ليست كل يوم

[الامل في الله]

التمسي له الاعدار فما نسمعه من حكايات يجنن لكن ان بقي و تمادى و صار الموضوع شك ثم توسويس فانصحك خمي مليح حانوت مقفول و لا كرية مشومة ثم من الاحسن ان كي تعملي حاجة تعلميه لكي لا ندع مجال للشك

[خالد1971]

السلام عليكم و رحمة الله :
أضيف إلى نصائح إخواني : يجب أن تسامحيه لأنه اخطأ و هذا من غيرته طبعا ، و من الغيرة ما قتل ، إذا ساد الصدق و التسامح فإن الحياة تكون أجمل .....و الله الموفق.

[المتوكل محمد]

الغيرة موجودة في كثير من الناس ولا تخافي من هذا الامر
ولو خبرتيه بأنك ترغبين الزواج منه ولاتريدين غيره ربما تخففين من غيرته
ولو تستطيعون الاستعجال في الزواج يكون الافضل
وفقنا الله تعالى لكل خير

[راجي الصّمدِ]

عادي ما فيها شيئ

تصرا للجميع

لكن حذار من كثرة استعمال الهاتف كما ذكر الإخوة

ماشي مليح بزاف

[imane1]

أحسن الاخوة قبلي في الرد عليك

لكن أغفلوا نقطة أود تسليط الضوء عليها



ليس كل زواج تقليدي محكوم عليه بالفشل




وطبعا ماشي من اول موقف تخمي في الانفصال

الاخطاء هادي واردة بزاف ، وفي بداية فترة الخطوبة تكون كاينه حساسية كبيرة من الطرفين

يولي كل واحد يسكاني في الاخر ، ويتصيد الأخطاء ديالو خطئا بخطئ

باش يشوف اذا يوالمو ولا لالا ..

وللاسف نتيجة هاذيك الحساسية نولو نضخمو في الأخطاء (ولا أقصدكِ في موقفك هذا )

ونبنو من لاشيء شيء ..



نصيحتي :

قللي من استعمال الهاتف ، خلو بيناتكم القدر ، افرضي عليه الاحترام باحترامك له وبتصرفاتك المنضبطة

واستغلي الموقف لصالحك ، يعني قوليلو بلي ماعجبكش الحال كي تسرع في الحكم عليك

قوليلو المفروض تسقسيني قبل وتتأكد مني اذا صح رقمي ولا لالا

هكذا باش ما تتكررش اخطاء من هذا النوع

ومادام صدقك وما بقاش يتحدث في نفس الموضوع c'est deja حاجة مليحة




أسأل الله لك التوفيق

[صُبح الأندلس]

يا أختي لا يخرب علاقات الخطوبة إلا الهاتف و الاسترسال في الحديث فحاولي أن تقللي كلامك معه و اجعليه في الحد الأدنى حتى تريحي و تستريحي

[difa]

لا تتسرعي بالعقل

[hakim002]

هو علابالو راكي تتمسخري بيه و هو في لحضات يراقب فيها كل صغيرة و كبيرة لذالك شيء عادي .

[mohamed160]

المشاركة الأصلية كتبت بواسطة دموع الورد1

السلام عليكم واش راكم والله راني حايرة بزاف انا اتخطبت من شهر تقريبا والان راني نتكلم مع خطيبي فالهاتف وظهرلي انسان مليح المهم انا من فترة غيرت رقم الهاتف انتاعي على جلوا لخاطر ماشي شبكة وحدة المهم هو يعرف الرقم القديم انا نحيت لبيس الاولى وعدت نهدر معاه بالجديد في هادو الايام اتصل بيا وقالي عندك 2 تليفونات وانا ماشي تاع تمسخير وهكدا ومخلنيش اندافع على روحي انا تخلعت وقتلوا كيفاش قلي متكذبيش عيطتلك البارح وسوناو لزوج انا غضتني عمري ومقدرش ومبعد قتلي اعطيني نومرو الي عيطت فيه سبتوا ماشي نمرويا اقلب نمرو تالي يعني هو الغالط والله راسي حيحبس يعني اتهمني على باطل وقالي هذي حاجة عادية بصح انا الي قلقتني هو تسرع انتاعوا وحكم عليا بلا ميخليلي فرصة ندافع على روحي وراني خايفة خاصة هذا زواج تقليدي ومعرفتوش من قبل

سلام عليكم راكى حاب تتعرفى عليه هههههههههههههههه بنات اخرى زمان جى يخطبك وسميته زوج تقليدى ربى يهديك

[دموع الورد1]

المشاركة الأصلية كتبت بواسطة mohamed160

سلام عليكم راكى حاب تتعرفى عليه هههههههههههههههه بنات اخرى زمان جى يخطبك وسميته زوج تقليدى ربى يهديك

انا نقولك الله يهديك
ان بعض الظن اثم
وانت متعرفنيش باش تحكم عليااااااااااااااا الله يسامحك

[abdel02]

يا اخت نصيحة من اخ لاخته...فترة الخطوبة فترة (ملغمة)لدا يوصى بان تكون قصيرة لاسباب عديدة...اهمها ان الزوجان تبدى تدور في دهنهم افكار كثيرة و الغيرة التي قد تصل الى حد الشك...علماء الاجتماع...صنفوا هده الفترة في المرتبة الثانية من حيث عدد حالات الانفصال بعد فترة العام الاول من الزواج...الحل الوحيد...لاكلام في الهاتف الا للضرورة...ربي يكمللكم على خير

[abdel02]

فقط اسمحيلي نسيت حاجة مهمة...قوليلو يطلب منك السماح لانك نجرحتي من سوء ظنه بك...واكديلو بانو كل شيء في حياتك و...و...(اكثري من العبارات الرومنسية)رايح وحدو يطلب السماح...الغاية من هدا...لازم تعلميه ثقافة الاعتدار...لان الراجل يخاف من كلمة (اسف)...وراح يحاسب نفسو قبل ما يصدر الاحكام في المرات القادمة...تقبلي ارائي