هذي ايضا للفكاهة:ماقدرتش نكوpي

[المتفائلة الصغيرة]

ماقدرتش نكوpي

زيرّْني و مكرّ فياّ في الامتحان خلاها عليا

يا عالم جرِيْو لياّ قولولي واش لازم نخدم

ما خلا ّنيش حتىّ نْشوْنجي و التفكير تاعي في كونْجي

الحالة ولاّت دونْجي و دماغي حابس عليه ما نعزم

كي الذّباّنة يحُوم قدّامي كيفاش نقدر نريكْلامي

شْكون رايَحْ يسمع كلامي غير نربط لساني و نبَْكم

كي يخزّر فياّ نتشوكا و المخ تاعي يتبلوكا

وين راهي الهربة دورْكا وكْتاش نَخْلص من هذا الهم

قولولي كيفاش ْندير الوقت بزّاف قصير

الأستاذ غْنانو كبير وقلبو ما يحن ما يرحم

الحالة راهي مريضة و الورقة فارغة و بيضة

الأسئلة طويلة و عريضة تطلعلك السكرّ في الدّم

يجي ْبجَنْبي على غفْلة ْنشوفو تحكمْني الفشْلة

الدنيا توليلي كحلة كلشّ فيها يوليّ مظلمّ

وقف فوق راسي خلعْني و الاجابة طارت منيّ

و قلبي ما ْبقاش مهنيّ ما عندي ما ْنزيد نخممّ

دخل عساّس غير علياّ كيالعسكر والجدارْمية

غير أنا يتفرج فياّ يْبان روبو مْريڤْلي و مصمم

عقلي منوّ رايَح يْروح ورايحة تخرج منيّ الروح

و قلبي ولىّ مجروح المسكين شْحال تصدم

الأسئلة راهي صعيبة و النهاية ولاّت قريبة

يا ناس راني في مصيبة غير ربي بياّ يعلم

الجواب اللوّل والو و الثاني والثالث والو

و حتىّ الرّابع والو الله غالب ماقدرْتش نفهم

كون نتحرك يجي يمْضيلي غير ماكَلاّه لا يطليلي

يا سعْدي معاه يا حْليلي علابالي نْبوجي نندم

عامَليﱢ فيها الشوّنطاج يحوّس غير يلقى الكوبياج

مْنين يجيني معاه الكوراج * و هو باشْ يمضي آو يحلم

هذي بَرْك غير البداية و مازالت طويلة الحكاية

كيفاش جايةّ النهاية كيفاش رايحة تتختم

في الدّوبْلوفاي كلش غاَلط الغاشي كامل آو يتْخابط

المعدل هابط هابط و لْلتتحت راهو يزْدم

الزﱢيرو مصوّر مصوّر باهي و أحمر و مدوّر

عْلاه نغْْلي و ْنفَوﱠر ومكْتوبي معاه مْحتمّ

من تاليفي

[imi02i]

يعطيك ألف صحة أختي على قلمك المميز
ضحكتيني

[ماجدة2009]

صدقتلها انت فعلا مبدع

[nnihal]

شكرا ...........

[الاميرال]

شكراااااااااااااااااااااااااااااااااا

[لولو1000]

شكراااا جزيلا

[la reine24]

hhhhhhhhhhhhhhhhhhhh merciiiiiiiiiiiiiiiiiiiiiii

[ورود القلب]

هههههههههههههههه شكرا يسلمو ضحكتيني

[اللؤلؤة رميساء]

hhhhh fort bezaaaaf welah bayena 3lik malfa b hada ro3br

[فتيحة الإسلام]

بارك الله فيك ....فعلا انت مبدع
مْنين يجيني معاه الكوراج * و هو باشْ يمضي آو يحلم