يا خاوتي ادخلو راني في حاجة ليكم

[milka40]

اليوم بالذات اتاكدت 100-100 باللي ما نديش و الله العضيم تعقدت مام الناس نكره نشوفها صحاباتي هاد العام سوتناو و انا راني مورا الباك غاضتني روحي بزاف ناس كنت نقري فيها ولات تهدر معايا على اساس نيفو دبرو عليا واش ندير راني راح نهبل و كي يسقسوني واش تقراي يقيسوني بزاف

[بسمة محبة]

السلام عليكم و رحمة الله و بركاته

سامحيني أختي اذا قتلك بلي راكي مضخمة الأمر على نفسك و ولا الناس محملينها زيادة عن اللزوم

لا يا أختي كوني متفائلة وقوية الشخصية و لازم تقتانعي في قرارة نفسك بلي النجاح أو أي حاجة أخرى في هذه الدنيا إذا ما كانش ربي سبحانو كاتبهالك لن تحصلي عليها و لو صعدتي الى سابع سماء

أما بالنسبة لصديقاتك هذو ما همش صديقات لأننا جميعا قد نقع في نفس الموقف و الصديق الحقيقي هو من يقف بجانبك ليس من يتكبر عليك

أنت ما كتبلكش ربي الباك ديري حاجة أخرى تحبيها و تفوقي فيها بإذن الله كاين بزاف حوايج غير الباك

و كاين آلاف الناس ماجابوش الباك لكنهم في مراكز مرموقة في العمل ،و ذلك نتيجة الجهد الذي بذلوه في مجالات أخرى

لا تيأسي أختي و خلي روحك بعيدة كل البعد عن هذا الظغط و كوني قوية الشخصية أمر كيما هذا ما لازمش يهبط معنوياتك

آآآآآآآآآسف أختي ان أطلت عليك لكني لا أدري و الله حسيت بيك بزاف.

رانا حنا هنا صحاباتك و منتعاملوش على أساس النيفو كيما قلتي

اساسنا هو الحب والإحترام المتبادل

اتمنى ان أكون قد أفدتك و لو قليلا.

سلامييييييييي.

[رغداء]

[quote]اختي لا تهتمي بكلام الناس فكلامهم ياما ضيع ذوى القلوب الرهيفة التي تتحسس بشدة
اردت ان اقول لك لاتسبقي الاحداث ولا تقنطي من رحمة الله فرحمته واسعة واذكريه دائما.
ولا تحقدي على صديقاتك بل تمنى لهم السعادة والهناء وحبي لهم ماتحبين لنفسك وفرحي معهم
وان شاء الله ستتحقق امانيكي باذنه سبحانه ولا تقللي من شانك وثقس بنفسك ولا تياسي ابدا وثابري في هذه الحياة
اتمنى ان اكون قد خففت عليك ولو بالقليل.اختك في الله رغداء.[/quote]

[milka40]

ربي يخليكم ليا انشاء الله علابالي قلقتكم الله غالب مالقيتش اللي يفهمني

[نجمة الجنوب الشرقي]

مكان لاتسريب و لا هم بحزنون

[بسمة محبة]

الحمد لله رانا معاك حنا هنا نفهموا بعضانا و نأزروا بعضنا و كي ما نتلاقاوش في و قت الشدة ويكتا نتلاقاو غير في الضحك و اللعب..

لالا أختي ما تنغالقيش على نفسك عيشي حياتك طبيعية كأنو ماكاين والو و فعلا ما كاين والو
اخلصي الدعاء لله سبحانه و تعالى فإنه يمهل و لا يهمل

و لي جابها ربي سبحانو مرحبا بيها على الراس و العين كيما يقولو

أختي لا تحصري كل همك في قلبك فسوف ينعكس عليك سلبا و انت المتضرر الوحيد

حاولي باه تنساي شوي و اهتمي بحوايج تفيدك و تفيد اسرتك اتحدثي احكي ابكي ان أردت ذلك لكن ما تبقايش دائما في نفس الحالة

و ان شاء الله مرحلة و تمر و رح تضحكي على روحك لي كنت تأمني بحوايج ما كايناش أصلا.

رانا دائما معاك.

[4taher]

متقلقيش روح علاجال وحايد ميسووش بصلة وجووه الرخص
متنسيش ربي معاك لكانك مظلومة

[milka40]

مام العسة بقى غير يجيبولنا العسكر انت تتحرك هو يتيري عليك احنا ولاد الزواولة مي اللي باباه مرفه يدير واش يحب

[difa]

عسى ان تكرهوا شيئا وهو خير لكم وعسى ان تحبوا شيئا وهو شر لكم

يا اختي ديري ربي في قلبك شدة او تزول او ما تعرفي منا الغدوة واش راح يسرا

[mimo lord]

السلام عليكم
قاعدة في الحياة
الدنيا تخلاص و كلام الناس ما يخلاصش

[سيف الله القاطع]

اختي انا والله فاهمك مليح علاخاطر انا تاني فتت بمرحلة كيما تاعك اختي ننصحك خرجي الناس من حياتك وصلي صلاة الاستخارة وجامي تفكري ففي الناس يكفيك الخسائر لي جات من هدا التفكير السلبي انا قريب قتلني ومن نهار نسيت هم الناس قدرت نسلك راسي اختي والله حاس بيك وانا انسان عاش واش عشتي تعرفي قلبي عاد يضرب بقوة كي قريت موضوعك نتمنى يكون تقارب بيناتنا. وشكرا.

[mohamed888]

اكره حاجة عندي هي الجاميعة
راهو حبك ربي وما رحتيش شفتي الميزيرية لي فيها

[Rida1148]

سلام
أختي أريد أن أذكرك فقط..... الحياة ليست بكلوريا .... و أزيدك معلومة، و الله و والله أن الجامعة الجزائرية ذات المستوى المنحط 0000 لا تستحق تعب البكلوريا و عناءها .......إنه أكبر خطأ إرتكبته و سأندم عله طيلة حياتي( تعب البكلوريا)، المستوى 00 دون كلام، الطلبة ينجحون بالغش و الرشوة والمعريـــفة و.و.و.و.و....، القانون يطبق على الفقراء، نسبة الطلبة الذين يدرسون بجد 1% نسبة الأساتذة الذين يدرسون بمعنى الكلمة 0.1% ، الطلبة تهمهم الوثيقة المختومة التي لا تستحق إسم شهادة، و الأساتذة همهم الوحيد الجري وراء المال و الإمتيازات و العطل الصيفية خارج الوطن، تم القضاء على الطلبة المتمدرسون ضمن النظام الكلاسيكي، نطام جديد ألامدي- ل.م.د.... لا أحد يعرف إلى أين يقود و من يدري في الغد يأتون بـ نظام جديد يقضي عليه... طلبة حاصلون على شهادة مهندس دولة في 2005...عاطلون عن العمل أو يعملون بعقود ما قبل التشغيل...يعني مستقبل مجهول......الشعب العلمية كعلوم المادة التي تدرس فيها الفيزياء و الكيمياء و يتخرج منها علماء و باحثون في الفيزياء النووية تخيلي معي الفيزياء النووية إنها شعبة يدخل إليها النوابغ لكن في الجزائر معدل القبول فيها10 (يعني يدخلولها غير الناس لي الله غالب عليهم..... و يبغيونا نظورو!!!!!) و الشعب التي لا تحتاج تفكير و إبداع يعني حفض و تطبيق و إنتهى الأمر تحتاج إلى معدل 15 و 17 لن أذكر شعبة محددة لإجتناب البلبلة ....توجد شعب يدرس بها مواد لا معنى لها على سبيل المثال شعبة رياضيات و إعلام آلي تدرس بها كهرباء ميكانيك إقتصاد... مواد لا معنى لها بإسم الشعبة( ياو كنت باغي نقرا إقتصاد راني درت شعبة إقتصاد!!!!!!!!)......... إسمها سياسة حراوبية لتعمير الفراغ و.و.و.و.و.و.و.و.و..و.و.و.و.و.و.و كي تسألي طاب تقوليلو واش تقرى إقولك طالب جامعي و هو فرحان مسكين، أنا و الله العطيم غير إشفوني.. يهدر معاك زوج كلمات بالفرنسية و تبالو راهو قاري و هو مسكين كي....راني راح نعيط فرد عيطة كبيــــرة على الهم تاع الجزائر00000

أختي أسمحيلي إذا قلقتك كثر، راه قلبي معمر كثر منك نتي ....... و الله في بلادنا هذي راه كلش ماشي باللهف، العساس تلقايه يخدم مدير و المدير تلقايه يخدم عساس.... يعني ما تقلقيش روك ختي رانى في الهوى سوى كيما قلت الفنانة .....راني نسيتها
أنشطاين و جاب الباك في المرة 11
أختي ربي إسهل إن شاء الله

[milka40]

ربي يخليكم ليا و الله نقصتو عليا و نوعدكم نحاول نتبدل مارسي خويا سيف و انشالله يبقى بيناتنا تواصل و خويا رضا راك فرحتني كيما انشطاين جاب الباك على المرة 11 ههههه و مراحش ننسى خاوتي بالدعاء

[milka40]

مغلطش خويا رضا المستوى راه منحط و هذا واش راه غايضني انا نهدر 4 لغات و ما جبتش الباك و بنات مام اسمها ما تعرفش تكتبو بالفرنسي تهز روحها عليا و ما تقيمنيش