طلب عاجل ارجوكم

*امة الله* · 2012-02-08, 13:37

عندي ضياف اليوم ومنيش عارفة واش نطيبلهم واش ندير رانا في اخر الشهر ومعندناش فلوس وبصراحة منحبش نحط بابا في احراج لانو كي يكون في نهاية الشهر ميعرف حتى واحد وميحب حتى واحد يطلب منو حاجة يا حليلو مسكين عندي جاجة وحبيت ندير بيها قداه نحاجة شابة وتليق عشا كامل راني نستن في ردكم في اسرع وقت

قطيطوشة · 2012-02-08, 14:36

ربي يوفقك اختي وجزاك الله خيرا ماتحيش تقلقي والدك
راح نشوف واش تقدري تديري بدجاجة كاملة ونرجعلك ان شاء الله

اختي تقدري تديري قراتان و تديري شخشوخة او كسكسي او تليتلي

مقدسية · 2012-02-08, 14:37

اختي الحبيية عندك دجاجة الخير والبراكة.
تقدري الصدر ديريه غراتان جلبانة او طاجين جبن ،ولي كويس وماتابعهم ديريهم بيري بلاصوص بيضاء وفي التقديم حمري قطع الدجاج وزيني بيهم،واللي بقا من الدجاجة الجنين والرقبةو..... ديريهم شربة فريك او حريرة او شربة خضار
وبصحتكم وبصحة ضيافك .

*امة الله* · 2012-02-08, 15:17

جزاكم الله خيرا والله غير فكرة مليحة نشالله نطبقهم يعطيكم الصحة

my lamis · 2012-02-08, 15:34

أفكار الأخت مقدسية روعة
و من جاجة دارت عشا بارك الله فيك

ام ظافر · 2012-02-08, 15:45

تقدري تعملي المورسوات الملاح مثل الرجلين والصدر تليتلي او رشتة اواي نوع من هذو الاطباق والباقي طيبي بيه شربة مثل حريرة او فريك ومن بعد نحيهم من الشربة وفتتيهم واعملي بيهم قراتان او خبزة محشية او لي تورت وزيدي معاهم سلاطة وديسار الموجود والتحلية اعملي كرام ديسار عادي وربي يوفقك

*امة الله* · 2012-02-09, 15:04

يعطيكم الصحة راني سلكتها درت شربة خضرة ودرت كراتان بطاطا ودرت سلاطة نتاع روز جا وحد العشا معندي منقلكم خسارة مصورتش واش درت لانو راكم تعرفو حالت الضياف نشكركم الكل وبالوحدة على اهتمامكم ومشاركتكم

rafik-12 · 2012-02-10, 13:06

اختي تقدري تعملي شوربة وشخشوخة ومرقة زيتون