صبروني ما جبتش الbac

[chedni]

السلام عليكم ياخاوتي منا ليوم الإمتحان ايام تتعد على الأصابع
انا مانيش خايفة عادي راني نراجع و نصلي وندعي ربي يوفقني و نكون من الناجحين بصح هذي ثالث مرة نشوف فالمنام اني ماجبتوش والمرة الاولى لي شت فيها عندها اكثر من شهرين في المنام بديت نبكي نضت نبكي .... من بعد اذن الفجر صليت و ارجعت رقدت
اما المرة الثانية من اسبوع شفت اني رافدة كشف النقاط لقيت روحي جايبة المعدل 8 و خبيتها على والديا و اليوم شفت بلي رحت نشوف في نتائج الباكالوريا لقيت اسمي مع الراسبين ..........
خطرات نقول بالاك ربي ماهوش كاتبلي نجيبو علاش راني نكسر في راسي , وخطرات نبدا عادي نقرا بحيوية وارادة حتى نلقا روحي ننخمم في حاجا اخرى راني نرقد بزاف و اني ما نجيبش الباك هذي الفكرة ديما في بالي .......... والديا موفريلي كلشي حتى لثانوية ما نروحش نمشي روح راكبة حتى لباب , ما ندير حتى حاجا في الدار ناكل و نقرا ونرقد , اي حاجا نطلبها نلقاها قدامي ............. راني خايفة نخذل الوالدين و مانفرحهم



ساعدوني

[امينة 1991]

شوفي اختي الكريمة يقول الله سبحانه وتعالى من ظن بي خيرا فخير ومن ظن بي شرا فشر يعني اذا كنتي دايرة امل في ربي انو ما رحش يخيبك ورح يجازيك على تعبك اكيد رح ينجحك وبالزيادة يعني بمعدل ما كنتيش متوقعتيه والعكس صحيح اي انك اذا ظنيتي انو ربي رح يخيبك وما ينجحكش فلكي هذا اذن احسني الظن بالله ولا تصدقي مجرد حلم لان الحلم من الشيطان ونطمنك بلي هذي ماشي رؤية هذا الشيطان قاعد يوسوسلك باه يفشلك ويبعدك على ربي خاصة اذا كنتي قريبة من الله كثيرا فاذن حاولي تفكري فحاجة وحدة فقط وهي اني نجيب الباك باذن الله تعالى وربي ما رحش يخيبني وبالعكس راح يعطيني اكثر من المعدل الي راني حاباتو وان شاء الله تجيبي الباك ونحي هذه الوساويس ربي ينجحك

[DUOHBO]

ان الله لا يضيع اجر من احسن عملا ثقي بالله و اعلمي ان الحلم ان اولتيه الى خير سيكون خير و ان اولتيه شرا كان شرا اعتبري هذا الحلم حافزا لك لزيادة المجهود كي تنجحي و ان شاء الله تنجحي و ننجحو كااااااااااااااااااامل باذن المولى عز و جل شانه

[toufik-ag]

انا على حساب ما يقولولي بلي كي تشوف حاجة مشي مليحة معنتها العكس انا ثاني شحال من مرة نشوف منامات كيما هاك و كي نسقسي لعجوز تقولي بلي لالا العكس و هي كل واحد و كيفاه و زيد اتكلي على ربي و ديري اللي عليك و الي فيها خير يجيبها ربي ان شاء الله

[ٵڶقًـ۾ًـږღٵڶڝۼےـړ]

يا ختي ،، مثل هاد المنامات يجو من كترة الخوف من حاجة ،،

كاين عفسة تقلقك ،، بيان سور تجيك فالمنام بزاف ،، و هي الرسوب

نورمالمو يكون هدا داااااافع قوي باش تبدلي مجهود كتر و تثبتي أنك تستاهلي النجاح و نص


تفاءلي خيرا تجديه ،، و ان شاء الله يا رب تكوني من الناجحين المتفوقين


ربي يعاونكـ

[omaaar622]

أختي الكريمة إن الشيطان يسعى لأن يذيق المسلم الهم .... و هو يعلم أنك في فترة حرجة و لذلك يعيشك مخاوفك في المنامات لكي تعيشي الهم في يقظتك .... لذلك عليك بالإستعادة و الدعاء قبل المنام لأن أضعف لحظة يكون فيها المرء هي عند نومه .... و الله أعلم .... و ربي ينجحك و ينجحنا ... خلي هاذ المنام حاااافز باش تزيدي الجهد من أجل الباكالوريا و لا تنظري للجانب السيئ

[اسماء 4800]

علابالكي هذا تةسويس و خوف هذا مكان نورمال و تيقن بل قاع رانا هاك انبو دو كالم و ادخلي يوم الباك انا نقدر عليك واش باه يكككككككككككون قولي انا قوووووووووووووووووووووووووية

[fadi3]

ان اكملت في هذا الطريق فنهايتك حتما ستكون الرسوب
لانك بدات بالخوف من الفشل
ثم استولت عليك كل الافكار السلبية
والان سيبدا عقلك بالبحث عن كل الاشياء التي ستقنعك بانك ستفشلين
وستبدئين برؤية الفشل في كل خطوة
واول خطوة حدثت لك
هي انك قلت
بالاك ربي ماحبنيش نجيب الباك




انا انصحك بعكس العملية وهو التفكير في النجاح
لكي يبدا عقلك في البحث عن النجاح
وتكون نهايتك سعيدة

وانصحك قبل النوم مارسي شيئا ليس له علاقة بالدراسة
كمشاهدة فيلم ما او حصة او قراءة قصة او رواية
ثم النوم لكي يبقى عقلك مع تلك القصص عوض الدراسة

[hitkbn]

:vvvvvvvvvvvvvvvvvv

[ayoub msila]

نصيحة من عندي ختي

روحي عند الطالب وديري كتاب

[DUOHBO]

المشاركة الأصلية كتبت بواسطة ayoub msila

نصيحة من عندي ختي

روحي عند الطالب وديري كتاب

اسفة اخي على التعقيب لكن هذه ليست طريقة شرعية انت تزيد من توسويس لعندها لا طالب لا والو توكلي على ربي و ديري الي عليك تغمضي عينك تحليهم تلقي روحك ان شاء في لاليست نتاع الناجحين ان شاء الله كامل ننجحوا

[RAHMA91]

ربي ينحجك ختي متتقلقيش........................... متنسايش اجيبينا القاطو في جويلية ..............

[✗ ┋ وَړْﮃَةُ آلـﭴَزآئـړْ ┋ ✗]

صراتلك كيما أنا مرة حلمت أني نشوف في القائمة
ما لقيتش اسمي
وما عنديش بزاف عاودت حلمت لقيت روحي جبت الباك بمعدل 16 إن شاء الله يا ربي
وراني ديما نحلم راني نعقب في الباك
لقد الله غالب ما نحلمش الأسئلة الخاصة بالمقرر تاعنا ديما تكون أسئلة غريبة عجيبة

خلاصة القول ما تقلقيش روحك المنامات اللي تخليك تشوفي أنك ما جبتيش الباك هي وساوس من الشيطان
خليها دافع واقراي وإن شاء الله تديه ونهار 10 جويلية نباركولك كامل

[chedni]

المشاركة الأصلية كتبت بواسطة امينة 1991

شوفي اختي الكريمة يقول الله سبحانه وتعالى من ظن بي خيرا فخير ومن ظن بي شرا فشر يعني اذا كنتي دايرة امل في ربي انو ما رحش يخيبك ورح يجازيك على تعبك اكيد رح ينجحك وبالزيادة يعني بمعدل ما كنتيش متوقعتيه والعكس صحيح اي انك اذا ظنيتي انو ربي رح يخيبك وما ينجحكش فلكي هذا اذن احسني الظن بالله ولا تصدقي مجرد حلم لان الحلم من الشيطان ونطمنك بلي هذي ماشي رؤية هذا الشيطان قاعد يوسوسلك باه يفشلك ويبعدك على ربي خاصة اذا كنتي قريبة من الله كثيرا فاذن حاولي تفكري فحاجة وحدة فقط وهي اني نجيب الباك باذن الله تعالى وربي ما رحش يخيبني وبالعكس راح يعطيني اكثر من المعدل الي راني حاباتو وان شاء الله تجيبي الباك ونحي هذه الوساويس ربي ينجحك

شكرا اختي كلامك كي العسل وارفع من معنوياتي بزاف
نوعدك ما نخمم في حاجا من يوم من غير النجاح تقبلي كل احترامي و دعواتي لكي بالنجاح بتميز
ربي ينجحني و ينحجك في الدنيا والاخرة
ربي يدخل الفرحة على قلبك و يريحك كيما ريحتيني

[chedni]

المشاركة الأصلية كتبت بواسطة DUOHBO

ان الله لا يضيع اجر من احسن عملا ثقي بالله و اعلمي ان الحلم ان اولتيه الى خير سيكون خير و ان اولتيه شرا كان شرا اعتبري هذا الحلم حافزا لك لزيادة المجهود كي تنجحي و ان شاء الله تنجحي و ننجحو كااااااااااااااااااامل باذن المولى عز و جل شانه

الف شكر و تحية اخي الكريم
اكيد لازم يكون حافز باش نزيد نبذل مجهود اكبر و الواحد لازم ديما يتفاءل بالخير
ربي يجيب الخير و ينجحني و ينجحك و ينجح كل طالب علم و يزيدك خير على خير