معا لنكون متميزات خلال رمضان2011

[ام نسمة]

مرحبا بكم جميعا بما ان شهر رمضان الكريم على الابواب ما رايكم لو نتضامن جميعنا ونعد قائمة من الاطباق بكل انواعها من مقبلات الى التحليات ونعمل هاده القائمة حسب متطلبات الفصل ونعد قائمتين قائمة خاصة بالايام العادية حيث تكون العائلة وحدها وقائمة بمؤكلات مناسبة لاستقبال الضيوف بما انه شهر الزيارات واخيرا نتضامن ايضا من اجل اعداد حلوة العيد معنا وهاكدا نستفيد من بعضنا البعض ونكون متميزات خلال هادا الشهر الكريم ويكون ايضا لدينا وقت اكبر للعبادة بما اننا منظمين رواحنا ارجو التفاعل معي والبدء في ابداء الاقترحات مثلا مدة اسبوع للاقترحات وبعدها نبدء في اعداد القائمة النهائية طبعا كل سيدة تختار واش يناسبها وكل اقتراح يكون بالمقادير والطريقة و صنف الطبق وشكرا انتظر منكم الردود وكل واحدة عندها اقتراح اخر منظم اكثر للعمل تتفضل به مشكورة

[البلبلة]

فكرتك هايلة

انا راني معاكم

ربي يوفقنا

[*سماح 94*]

فكرة هايلة انا معاكم

[ام نسمة]

يلا يا نشيطات نجمع المزيد من المشاركات ونبدء العمل

[majda archi]

اول حاجة نبداو بشربة ولا جاري ولا الحريرة كل وحدا تعطينا طريقة التي تعتمدها

[ام نسمة]

بالنسبة ليا انا طريقتي في الحريرة هي كاالاتي 1-المقادير قطعة صغيرة لحم خروف يكون فيها عظم باش يبنن *-2حبات بصل كبار+حبة كبيرة طماطم تكون طايبة +حبة زرودية+حبة صغيرةجدا بطاطا+حبة قرعة+حبةلفت صغيرة+حفنة حمص منقوعة في الماء ليلة قبل+ربطة كاملة قصبر+وريقة رند +ملح +حرور(انا نستعمل حرور ابيض باش ماتجيش الحريرة غامقة)+راس الحانوت+زعفران+زنجبيل طري +ثوم+كمون+كروية+حشايش لحريرة+جمبو دجاج+ 4مغارف صوص تومات جمبو+غرفية متوسطة تشيشة رقيقة اما بالنسبة للتحضير هي **في قدر (انا نستعمل قدر تا ع طين واتبع طريقة نرمي بكري ونطيب على نار هافتة) سخني شوية زيت ومغرف كبيرة سمن (انا نستعمل سمن فاما في جميع اطباقي)ونرحي البصل بالطريقة التقلدية ثم نعاودله بالمكسور حتى يرجع سائل ونقلي اللحم مليح مع الملح ما تكتريش على خاطر با تزيدي جومبو ثم نظيف البصل عليه و الحمص ونقلب بملعقة خشب ثم نضع الطماطم في ماء مغلي وننزع عنها القشرة ثم نرحيها بالمكسور مع الثوم وشوية قصبر ونضيفها للقدر ثم نضيف الخضر كاملة بدون تقطيع وربطة القصبر كاملة نظفيها واحزميها بخيط غذائي وظيفيها وبالنسبة للتوابل ظفي الحرور والزعفران وشوية تاع راس الحانوت وشوية قرفة وورقة الرند ورحي فوقها شوية زنجبيل ومرقي بماء ساخن وكي يغلي القدر الغلية الاولى نقصي النار وغلقي وخليها تطيب مدة ساعة ونصف على نار هادية ثم بعدها نفتح وننزع القصبر والخضر واللحم والحمص نصفيه ونخليه على جنب و ورقة الرند ونضيف التشيشة مدة نصف ساعة كي تطيب ناخذ من الحريرة كسرونة على جنب ونظيفلها شوية راس حانوت شوية كمون حبة جومبو دجاج+صوص تومات+كروية+فص ثوم+شوية قرفة ومبشور زنجبيل طري ونرحي كلشي بالمكسور ونظيفو للقدر ونعاود نرحي كامل ما في القدر ونرجع الحمص ونفتت اللحم ونرده ونحك شوية قصبر بين يدينا ونخلوها تغلي غليتين ونطفي عليهاونظيفوها اخيرا ملعقة صغيرة حشايش وادا ما تحبوهمش ممكن ماتديروهمش في القدر وحطوهم في زرف وتقدم مع الحريرة والي يحب يظيفهم في طبقه وتقدم مع الفلفل المرقد تجي بنينة وبصحتكم ملاحظة الي ماتحبش ترحي التشيشة كي تطيب كيما تحب تظيف محتوى الكسرونة دون اعادة رحي محتوى القدر وانتم كيفاش اتحضروها وعلى فكرة الطهو عندنا في رمضان في اواني من الطين ما كالتو بنينة بزاف خاصة كي تعتمدو طريقة الطهو البطيئ

[ام نسمة]

حسننا ما رئيكن لو نقسم العمل نصنف اولا هناك المقبلات والسلطات والاطباق الرئيسية والعصائر والحلويات الخاصة برمضان و التحليات كل وحدة فينا تختار صنف وتعمل عليه بحث لاجدد الوصفات و تقدمها وها كدا نستفيد من بعضنا دون تعب وجهد كبير ما رئيكن ولا تنسو رمضان راه في الصيف يعني نعملو ماؤكولات مناسبة للفصل انتظر الردود وتفاعلكم معي

[المعلم78]

مرحبا بكل الاخوات في منتدانا العزيز انا متابعه هدا منتدى بكل شغف ومجربة كل وصفات الاخوات الكل لكن المشكل لديا انه لديا مجموعة من الاطباق والوصفات الاقتصادية والسهلة في متناول كل اخت ونستفيد ونفيد من بعض لكن المشكل ليس لديا صور لكل وصفة وانا لا اعرف كيف ادرج الصور ههههوالله مند5سنوات واعمل بالميكرو ولا اعرف ادراج الصور ومعضم الاخوات يحببن الوصفة بالصور وانا راني معاكم في كل عمل وشكرا

[البلبلة]

المشاركة الأصلية كتبت بواسطة المعلم78

مرحبا بكل الاخوات في منتدانا العزيز انا متابعه هدا منتدى بكل شغف ومجربة كل وصفات الاخوات الكل لكن المشكل لديا انه لديا مجموعة من الاطباق والوصفات الاقتصادية والسهلة في متناول كل اخت ونستفيد ونفيد من بعض لكن المشكل ليس لديا صور لكل وصفة وانا لا اعرف كيف ادرج الصور ههههوالله مند5سنوات واعمل بالميكرو ولا اعرف ادراج الصور ومعضم الاخوات يحببن الوصفة بالصور وانا راني معاكم في كل عمل وشكرا

اتفضلي ختي

هذا الفيديو يسهللك كل شي

https://www.youtube.com/watch?v=V9ZJdpqjM7M

[سوسو الطموحة]

انا ثاني نزلت الفكرة على خاطري .....مدام كاين الوقت.ورانا في لستاع.

[ام شرفو]

انا راني نجمع في الوصفات وحابة نعمل بروقرام وفرحت كي شفت عذا الموضوع المهم يكونوا وصفات مجربين

[soussou_saida]

merci bente belada zouhour el fol
allah yatik saha

[ام نسمة]

يلا وين الهمة سيداتي وانساتي

[*سماح 94*]

انا مستعدة لكن كيفاش نقسمو الخدمة

[ام نسمة]

المشاركة الأصلية كتبت بواسطة nokia2007dz

انا مستعدة لكن كيفاش نقسمو الخدمة

اختي لحد الان رانا ثمانية عضوات واصناف الاكل هي مقبلات 2-سلطات3-اطباق رئيسية4- اطباق جانبية 5- عصائر(بما انه موسم الحر)6- تحليات7-حلويات رمضان اذا احببتن البدء في العمل اليوم اذن على كل واحدة فينا تختار الصنف المحبب لديها لتجمع لنا اكبر قدر من الوصفات الحديثة وان جمعنا المزيد من المشاركات فتعمل كل عضوتين او اكثر في صنف واحد انا عن نفسي احب المقبلات كثيرا لذا سا اعمل جاهدة للبحث عن جديد الوصفات في هاذا الصنف وان اردت مساعدتي فلا بااس ففي النهاية شعارنا هو الفرد من اجل الجميع والجميع من اجل الفرد وفكرت ان نفتح موضوع جديد مخصص للوصافات التي بحثنا عنها فقط وياريت كل وحدة تجد وصفة جديدة تجربها في بيتها قبل طرح الموضوع وعلى كل وحدة فينا لما تحدد قائمة ماؤكولاتها لشهر رمضان تعمل جاهدة لتطبيقها قبل حلول الشهر لتجنب المتاعب و الوثوق في النتيجة وشكرا لكن عزيزاتي وسا افتح موضوع تحت اسم وصفات رمضان