تخرجت هدا العام .....؟ماذا بعد

imiouss · 2011-06-28, 22:28

السلام عليكم احبتي في الله
انا من المتخرجين هذا العام اختصاص المالية يعني انهيت مشقة الدراسة والان سابدا باذن الله مشقة البحث عن عمل ارجو من من يعاني او تعاني من نفس المشكل تحطلي رد بطموحاتها البعدالدراسية ههه
باه نطلعو المورال لرواحنا برك ربي يصبرنا ويجعل لنا مخرجا نحن اصحاب الشهادات
ايا السلام عليكم........

عُضو مُحترم · 2011-06-28, 22:44

نلتقي في بيرو موندافر

المجهـول · 2011-06-29, 01:27

السلام عليكم

ان شاء الله ربي يجيب الخير ويسهلك

المهم عدم الياس

سلام

نورسين.داية · 2011-06-29, 07:36

أهلا بك في عالم يبدأ سنة أولى بطالة و عالم البحث عن الشغل من خلال المسابقات

الميعادي · 2011-06-29, 07:40

الله الله الله الله الله الله الله

nasma belle · 2011-06-29, 10:21

وعليكم السلام
اولا مبروووووووك عليك التخرج
ثانيا كل منا طموحاته الخاصة بعد التخرج هناك من يريد البحث عن عمل مباشرة وهناك من يريد اخذ قسط من الراحة بعد عناء الدراسة وهناك من يريد اكمال الدراسات العليا.عن نفسي تخرجت واخذت قسط من الراحة ثم شاركة في مسابقة الماجستير وبعون الله تحصل عليها والان انا بصدد اكمال الدكتراء ولكن لا اخفيك وليت فنيانة كبيرة تجيني الدراسة ثقيلة ولكن راني معاها للاخر.وربي يعطيك ما تتمناي

أيمن عبد الله · 2011-06-29, 10:24

أولا نبارك لك نجاحك وقعك تأشيرة التخرج

لإن شكرتم لأزيدنكم

هذا قول ربنا عزوجل

أريد أن تعود معي بالذاكرة عندما كان عمرك 06 سنوات

دخلت المدرسة الابتدائية كم كان عدد زملائك التلاميذ ؟ 30 أو 40 أقل أو أكثر

كم من هؤلاء سهل اللهم لهم اكمال دراستهم الجامعية وتخرجوا ؟

هذا أول سؤال تطرحه على نفسك وتجيب عنه لأن الإجابة عندك وليست عندي

بعدها لو بقيت تشكر الله تعالى عمرا كاملا ما وفيت شكره على هذه النعمة لوحدها

*إذا أنت اشكر ربك على هذه النعمة *قولا وفعلا ويقينا *وهيء الأسباب وابحث عن العمل

وإليك هذه كذلك (( هيء الأسباب وكأنها كل شيء ...ثم توكل على الله وكأن هذه الأسباب ليست بشيء))

ربي يوفقك ويوفقك كل شبابنا لما فيه الخير

أم حامل القرءان · 2011-06-29, 11:54

أنا رايي نسجل فالماستر ونكمل قرايتي وإذا كتب المكتوب نتزوج ونكمل الدراسات العليا في نفس الوقت رغم أن همي جل همي هو طريقة تربية أبنائي على المنهج الإسلامي الصحيح والخدمة نخليها على ربي وزيد بالزيادة يقول الرسول صلى الله عليه وسلم "لو توكلتم على الله حق توكله لرزقكم مثلما يرزق الطير تغدو خماصا وتعود بطانا"

imiouss · 2011-06-29, 14:24

يا جماعة متى مسابقة الماجستير

abdel02 · 2011-06-29, 15:54

congratulations

hajer.joujou · 2011-06-29, 17:14

الف مبروك اختي التخرج انت مثل اخي تخرج هذا العام تخصص مالية هو ايضا بدا سنة اولى شوماج هذا شيئ طبيعي لازم كل متخرج جزايري يعدي عليها
اختي ما تتقلقيش كل شي يعدي و الخدمة انشا الله تلقاي ربي كبير
موفقة

رؤوف 99 · 2011-06-29, 17:27

اقتباس:

المشاركة الأصلية كتبت بواسطة imiouss

السلام عليكم احبتي في الله
انا من المتخرجين هذا العام اختصاص المالية يعني انهيت مشقة الدراسة والان سابدا باذن الله مشقة البحث عن عمل ارجو من من يعاني او تعاني من نفس المشكل تحطلي رد بطموحاتها البعدالدراسية ههه
باه نطلعو المورال لرواحنا برك ربي يصبرنا ويجعل لنا مخرجا نحن اصحاب الشهادات
ايا السلام عليكم........

سبحان الله طليتيلي على قلبي
انا ايضا ادرس السنة الثالثة تخصص مالية و من الان افكر عندما انهي دراستي ان شاء الله كيفاش ندييييير
حسبما سمعت انه كل طالب يكمل دراسته فعليه بزيارة (الحيط) لفترة
و لكن نتكل على الله و هو الرزاق
و شكرا

manels · 2011-06-29, 17:41

اقتباس:

المشاركة الأصلية كتبت بواسطة nasma belle

وعليكم السلام
اولا مبروووووووك عليك التخرج
ثانيا كل منا طموحاته الخاصة بعد التخرج هناك من يريد البحث عن عمل مباشرة وهناك من يريد اخذ قسط من الراحة بعد عناء الدراسة وهناك من يريد اكمال الدراسات العليا.عن نفسي تخرجت واخذت قسط من الراحة ثم شاركة في مسابقة الماجستير وبعون الله تحصل عليها والان انا بصدد اكمال الدكتراء ولكن لا اخفيك وليت فنيانة كبيرة تجيني الدراسة ثقيلة ولكن راني معاها للاخر.وربي يعطيك ما تتمناي

والله صح نعرفك فنيانة كبيرة

manels · 2011-06-29, 17:43

السلام عليكم يا اختاه نقولك حاجة خليها على ربي هو دك يوجهك انا ماكانتش في بالي طول نقرا التخصص الي راني فيه بصح ربي الي وجهني وحتى المرتبة الي راني فيها دكة ماتوقعتش نوصلها لكن يا اختاه نصيحة مني ديري هدف في حياتك وواضبي عليه وتاكدي توصليلو يعني ماتتهاونيش فقط
بصح بيناتنا البطالة فيها فيها رانا كامل جربناها
هههههههههه
تمنياتي بالتوفيق

ing_salah · 2011-06-30, 21:58

ألف مبروك التخرج ولعقوبة للمنصب ان شاء الله العلي القدير.
لكن حبيت نقولك اذا فيه امكانية تكملي دراستك وتحوسي على شغل وعريس مرة وحدة هههههه . والله من باب النصيحة ....أكيد رح تحكيلي انو هاذا مكتوب لكن أنا نصحتك من باب أني متخرج منذ سنتين وأنا أبحث عن شغل وأطمح في الدخول لمسابقة الماجيستير لهذه السنة ان شاء الله .
والحاجة اللي جات من عند ربي نسميوها مكتوب وان شاء الله تاخذيهم في ثلاثة فرصة شغل محترمة وتكملي ماستر وتعملي دكتوراه وتصيبي وليد حلال يرضى عليه ربي .