كم اكره المدير

[علالينو]

السلام عليكم قصتي تبدا من يوم الي تغير فيه المدير السابق و جاء هذا الجديد و كان هذ اليوم هو نهار الترسيم نتاعي المهم قالي المفتش ساعات الترسيمالي كانو من 3 الى 5 ديرهم من 9 حتى 12 و ساعة للمناقشة يعني خرجت على ا1 و ماجيتش في المساء على نية عوضتهم في الصباح
المهم مرت الساعات جيدة و ترسمت الاولى على الولاية بنقطة 12 من 20 و كان المفتش و لي معاه فرحننين بزاف.
في الصباح تجيبلي المراقبة استفسار على الغياب قلتلها عوضهم الصباح و لكن المدير خصمهملي ماعليش
بعد اسبوع كان عندي درسcomment protéger le nature طلبت من تلاميذي يجيبو البذور و نغرسوها في الساحة للعلم ان ساحتنا قاحلة ما فيها و لو سبولة و خاصة في و لايات الجنوب ثم خرجتهم . غرسو التلاميذ و هم فرحنين و عاجبتهم الحة بزاف و بعدها نشوف سي المدير جا و قفلي كهتلر و بدا يشوف في غير بنص عين . انا والله ما فهمتش .دق الجلس .يستدعيني المدير و الله العظيم بدا يوبخ كالطفل الصغير حتى بغيت نبكي و شا قالي مانيش عارف كيفاش ترسمتي .كنت مصدومة بزاف بزاف و الغد قلت التلاميذي ..خبرتو والديكم ما قالولكم والو .. الكل قالولي ..بالعكس عجبتهم الحالة بزاف و هما لي عطاونا الزريعة المهم كملت العام الماضي معاه في الجحيم
هذا العام كان ادهى و امر و ذلك اني حامل و غياباتي كثرة بزاف كيما قال و كلها مبررة و حدة حامل كيفاش تشك في التبريرات المرضية تاعها
و لما دخلت من عطلتي المرضية الي دامت 75 يوم و انا ممدة في الفراش .اول شييء داره المدير غيرلي الاقسام .ماعليش .عطاني 5 اقسام اي بمعدل 27 ساعة في الاسوع .لا نصف يوم تربوي كل يوم من 8 حتى 12 و من 2 الى 5 و كانه يعاقب في و كي شكيتلها قالي لما عجبكش الحال قعدي في دارك.قتله حسبي الله و نعم الوكيل الخدمة و دار و المدير و الصحة و الله بزاف الحمد لله
و في الاخير دخلت الى المستشفى في عين صالح لسبب احتمال الولادة المبكرة و بقيت 16 يوم و كنت اتصل بالمؤسسة شبه يوميا و خبرتهم بحالتي و في المستشفى لم يقدمو لي اي تبرير حتى يوم خروجي .نهار لي خرجت من المستشفى و الله الي كانت ايام عذاب بالنسبة لي جحيم عشته فيها .وجدت في دالي اخطار بعتهلى المدير اني لم التحق بوظيفتي و بعثه الاكاديمي
رحتله الصباح و كنت في حالة خطيرة لازم مانمشيش اكثر من 10 امتار و طلبت منه يفهمني واش هذا
قالي ما جيتيش تخدمي من 25/4 و ليوم 11/5 .قلته كنت في المستشفى و علابالك خبروك في الاستشارة و درولك تقرير قالي ماكنش لي يثبتلي و انا بعت الاكاديمي و خبرتهم و بقى يتكلم بوحد اللهجة انت دايما مريضة شاهو ذنب التلاميذ و الله صدمني في الاخير قدمتله شهادة طبية و العطلة الاستشفائية و المرضية و قتلها تبقى على خير و الله ما تزيد تشوفني في هذه المؤسسة و لكان نحبس قاع الخدمة
سامحوني اذا طولت عليكم و لكن كنت بحاجة نفرغ ما في قلبي و نقولكم علاش نكرهه و اذا كنت ظالمته يوكل علي ربي هو نعم المولى و نعم النصير

[سفير الهضاب]

عطلة الأمومة من حقك المهم تقومين بالإجراءات المعروفة وراتبك تخلصيه من الصمان الإجتماعي إن شئت دفعة واحدة مقدمة أو مؤجلة أو على دفعات ، واعلمي أن له مفتش إدارة اتصلي به ، أو اتصلي بالفرع النقابي لتسجيل تظلماتك ،

[الخاطر]

كان يجب على المدير يستفسر قبل ما يبعث غيابك ،لكن يظهر ان للمدير رأي اخر،
الله أعلم ورسوله والمؤمنون.

[ابو صهيب]

25/4 و ليوم 11/5 لم تلتحقي بالمنصب و لم تقدمي وثائق ثبوتية خلالها؟؟؟؟ الاشعار شفويا لا ينفع اختي الكريمة بل يجب عليك تقديم الوثائق الثبوتية و الا تعتبرين متخلية على المنصب ........لا تنتضري حتى تخرجي من المستشفى لتقديمها ..........هذا ما فهمت من قولك

على كل حال نتمنى لك الشفاء العاجل ان شاء الله

[kif]

.....اولا..... ربي اكون في عونك .....ثانيا........ من حقك 12 نصف يوم غياب غير مدفوعة الاجر ..... ثالثا..........الغيابات اذا كانت مبررة بشهادة طبية هذا جيد واذا لم تكن كذلك تكتبين ملاحظة غياب لغرض شخصي قولي للمدير دز امعاهم.......رابعا.... كل غياب لم يبلغ عنه في مدة اقصاها48ساعة يعتبر تخلي عن المنصب ....خامسا .....الغيابات التي مكثت فيها بالمستشفى تعوض مئة بالمئة بعد تقديمك لشهادة ثبوتية.... سادسا ..وهي الاهم عندتقديمك لملف التعويض عن فترة الامومةاطلبي من المقتصد ادراج المبلغ الذي تتقاضيه في المردودية مع الاجرة في شهادة الاجر والعمل سيكون التعويض اكثر ب18000.00 ومن حقك استدراكها حتى ولو بعد حين .... استهلي في مزيودك....

[ammar3955]

أختي هذه الاشكال موجودة في كل زمان وفي كل مكان أنا غيرت محل عملي وأنتقلت الى مدرسة بالقرب من بيتي بعد مدة11 سنة وكلها من أجل تجنب هذا المدير، ولكن هو كان يترصد لي وقررت أن لا أعطبه اي إهتمام خصومات بمجرد التأخر خصومات حتى بالمبرر وكل ذلك وأنا صابر ولم أعد اتحدث حتى معه ،وفي مرة أظن أنه مل من هذه الوضعية وفي قاعة الاساتذة وكنت متأخرعن الحصة الاولى وهذا الحوار جرى في وقت الراحة بحضور كل الزملاء وقال أنت راك خدمت وراني نحتلك النهار وأنا بكل برودة قتلوا ما عليش يأخي تخلينا الليل نرقدو فيه وتنرفز وأحمر وجهه وقال نعطيك أنذار ونحطوا في الملف قتلو الملف الي فيه إنذار يترقى صاحبه بسرعة ،ومنذ ذلك الحين كأن شيئا حدث له تغير معي كلية ،فأنا انصحك بتجاهله واصبري واحتسبي .

[salimfarid]

والله فكرتيني في madame لعور دارت فيا رايها في بداية عملي في التعليم ...

[BENALI]

قم بوجبك وريح ضميرك وإتبع القانون في تعاملك معه ولاتتخاصم معه امام الزملاء بل الاحسن في المكتب ولا ترفع صوتك اثاء المشاجرة حتى لا يتخذ ذلك ضدك واطلب دائما الامر كتابيا وتعامل معه كتابيا في كل شيء حتى تجد الدليل في حالة ما إحتجت لدليل ضده

[abou wassim]

اذا كان الامر كما ذكرت فانت مظلومة جدا

[courpassion]

اي مدير يشم فيك رائحة الخوف والاستسلام سيتفرعن
كان عليك من يوم الخصم الاول تكتبي بيه تقرير

[fat-21]

مدراء المدارس الابتدائية حاسبين نفوسهم أوباما أو عندتا وحد الفرعون بلا أدب

[علي ساعد]

هل هكذا تعامُله مع الجميع أم معك أنت فقط ؟

[KhAlEd-12]

يأختي

أعتقد أنك أعطيته أكثر من حقه خلي كل تعاملاتك قانونية وعلى قول القذافي طز فيه وطز في الي حطوا مدير

من حقك العطلة لكن يجب عليك التبرير في ضرف 48 ساعة

وهو يدير وش يحب هو يقري التلاميذ ولا يجيب ليهم أستاذ مستخلف وأنت وقت متحبي ترجعي أرجعي

[علالينو]

شكرا جزيلا على هذه المداخلات و الله طلعتولي المرال بارك الله فيكم

[fat-21]

مدراء المدارس الابتدائية حاسبين نفوسهم أوباما أو عندتا وحد الفرعون بلا أدب