رايكم ياجماعة رايكم

[djoseph]

و الله غير راهي حاكمتني الخلعة من بعض المدراء اللذي يظنون انفسهم انهم هم الذين ساهموا في حصولنا على هذه المناصب ’ إذ أني ماإلتقيت بمعلم او استتاذ مدمج إلى و طرح امامنا موضوع الزردة الذي يطالب به معظم المدراء. و في بعض الاحيان المفتشين
فهل أصبح نجاح اي معلم مرتبط بزردة? و الادهى من ذللك الكلام الخسيس الصادر عن المدير الخسيس الذي قال لي بالحرف الواحد و الله على ما اقول شهيد ’’’ يا إما تديرنا زردة او نعطوهم للدولة,, و المقصد هو rendemment أي إذ لم البي طلبه فإنه سوف يقلص في النقطة ’’
فما رايكم???

[bilel07]

اذا كان يقصد هذا حرام عليه

[ملاك من البليدة]

انا مانيش عارفة اذا حرام ولا لالا بصح نتا خرج باروك على روحك مليح باش ربي يباركلك في خدمتك

[lamiah]

المشاركة الأصلية كتبت بواسطة ملاك من البليدة

انا مانيش عارفة اذا حرام ولا لالا بصح نتا خرج باروك على روحك مليح باش ربي يباركلك في خدمتك

c'est bien dit.

[bilel07]

يا اختي حرام عليه يقلص في النقطة

[داودي اسماعيل]

يا اخي احنا الحمدلله الزردة درناها وان شاء الله تكون لوجه الله
لازمك ادير الزردة لكن ليس تحت الضغط . احنا درناها في جو عائلي واحضرها كل عمال مؤسستنا

[الملك لله]

الزردة للفقراء مش للجيعانين نتاع المدراء

[fremaro02]

شخصيتك تبنى من اليوم الاول كلام المدير معك بهذه الطريقة يدل على شخصيتك و الفاهم يفهم سلام .

[حنين 2011]

المشاركة الأصلية كتبت بواسطة داودي اسماعيل

يا اخي احنا الحمدلله الزردة درناها وان شاء الله تكون لوجه الله
لازمك ادير الزردة لكن ليس تحت الضغط . احنا درناها في جو عائلي واحضرها كل عمال مؤسستنا

بصحتكم انا راني ناوية كي يسهلولي انتوما نبدا بيكم يا اخ اسماعيل وانتوما درتوا الزردة ومتفكرتوناش

[bba_ess]

في قطاع التعليم هناك عادة حسنة كل واحد يعطيها اسم و لنقل الزردة كما يقول بعض الإخوة هذه العادة تتمثل في اقامة حفل صغير بالمؤسسة للزملاء بعد نجاح أحدنا في مسابقة ما و تكون خاصة بعد الترسيم و هي عادة حسنة حسب اعتقادي و من دامت عادته دامت سعادته .
يقدم في هذا الحفل الحلويات و المشروبات و تقدم للجميع دون استثناء أو تمييز .
ادماجكم يا زملاء يستهل أكثر من هذا فأنتم حققتم انتصارا باهرا يشهد على شجاعتكم و صبركم و لذا يجب إكرام زملائكم الآن و بعد الترسيم إن شاء الله .
مبروك عليكم

[مراد حاج كولة]

السلام عليكم يا خي انويها لوجه الله وحده فقط لانها زكاة نفس والله ولي التوفيق

[سليم عبدو]

ممكن المدير قاعد يقصر معاك وعادي الامور هاذي عادية كل واحد وين يتحصل علي حاجة مليحة يدير زردة لحبابو واصحابو

[ملاك من البليدة]

صح باينة بلي قصرة بصح نتا خرج على روحك مليح

[زيزو0771]

هي فعلا ممكن المدير يبسط معاك . وإذا كانت منو بالصح واش رايح تعمل أملالو عينيه عفوا (كرشو ) أحسن ما توليو في صدامات أنت في غنى عنها .

[djoseph]

يا جماعة انا و الله ما راهي غايضتني الزردة و لا و الحمد لله ربي فاتح عليا بكل خير إنما المشكل لكه راه في هذه العادة السيئة التي سنها اصحاب البطون الجائعة .أما فيما يخص المدير انا نعرفو . جييييييييييييييييييييييييييييييععععععععععععااااااا ن من الكبار و ما راهيش همتني النقطة تزيد ولا تنقص و بارك الله فيكم اجمعين و راكم كل معروضين الاسبوع القادم عندي لكن المدراء لا