lتكاليف الزواج؟؟

[SAFIRE77]

كم يبلغ تكلفة الزواج في كل الولايات الجزائرية
ماهو مقدار المهور في كل ولاية.
حيث ان المهور تحتلف من ولاية الى اخرى نحن فغي ولاية بسكرة 10 ملاين زائد الذهب 40 غرام

[وئام الروح42]

اخي هل تسال لتبحث عن المنطقة التي يكون المهر فيها قليل لتخطب من هناك
نحن عندنا بارير ذهب و10ملاين وعشاء يعني كبش سميد خضرة او فاكهة و...........................هدايا وفاليزة تاع خطبة او خاتم تاع خطبة او خاتم تاع لاليونص

[ناصرالدين الجزائري]

.... ثم يلومون الشباب لعزوفهم عن الزواج
المهر بين 50 و 100 الف دينار زائد طقم ذهب 120 الف دينار على الاقل
يعني 17 مليون سنتيم كاقل تقدير غير فالخطوبة
لما يغلقوا ابواب الحلال على الشباب فكيف لا يسقط في الحرام ....

[نورسين.داية]

صدقني لي حاب يعيش على قدر خطوته سوف يجد بنت الحلال و الدي يريد إرضاء العرف و الناس سوف لن يتزوج
و كاينين عائلات زوجو بناتهم بأبسط التكاليف و راهم عايشين حامدين ربي و شاكرينو
أنا في ولايتي بين 10و 15 كل عائلة و كفاش و صدقني أمشي على قدر خطوتك و لا يكلف الله نفسا إلا وسعها
و لا تهمك الأعراف و التقاليدلا هي قرآن منزل و لا قانون و أكيد ربي وصلك لما تريد بارك الله فيك أخي ووفقك لما فيه الخير

[ing.lakhdar]

في وهران منحكيلكش والله ماتتزوج اخر عرس باجمالي 60 مليون
الهبال

[عوماري]

تقريبا كل الولايات بي 10اللى 15مليون
ما يتزوج الا طويل لعمر يا اخي

[أم احمد3]

شوف المهر هو ليس داخل في التكاليف وحده محدد 5000دج
والفليزا أنت ومشترياتك إشتري واش تحب
العرس كبش وخضار كما قال الأخ والدقيق
إن شاءألله بصحتك الزواج

[halim40]

نحن في ولاية خنشلة حدث ولا حرج الشرط اقل حاجة 10 ملاين والذهب اغلب العائلات تطلب المقياس الضعيف ب 15 مليون وخلي الصوف الكبش الجهاز انا مقبل على الزواج الله يكون في عون الشباب المغبون

[بريكية]

أما عندنا حنا المهر 8 ملايين وخاتم خطبة وخاتم فيونساي والله يربح

[sousou4513]

انا طلبت 10 ملاين وخاتم العرس وهو قالي نزيد نجيبلك كاراكو من عاداتهم
والكبش ما ننساهش انا واحدة ما نبغيش التكليفات

[SAFIRE77]

تكملة للموضوع
احنا عندنا عادات غريبة بدأت تطفو للسطح.وليمة العرس زمان كان الكسكسى زائد الشرية فقط الأن اضيف لهم طجين لحلو الكفته......عيش لافى ولي مايديرهمش ماعندو مايسمع من لكلام الزين.

[شموخ الونشريس]

في الشلف المهر بين 10 الى 15 مليون
بالاضافة الى خاتم الفيونساي و خاتم لاليونس

[SAFIRE77]

يا سيدى وعلاه احنا عندنا يزيدو الذهب فوق الشرط ؟؟؟؟؟؟؟؟؟؟؟؟؟؟؟؟؟؟؟؟؟؟؟

[وئام الروح42]

شوف يا اخي الصح هو المفاهمة وليسونسيال انت والمراة متفاهمين
واهم شيء نهار الخطبة ىتكون واضح نقدر نعطيلك مبلغ محدد ما تقوليلي زيد ما نقص
مي رانا نشوفوا فيهم هذه الاونة الزوخ والفوخ
يقوللها نديرلك ونديرلك باش تقبل وكي تبدى تدوموندي واش وعدها يقوللها ما عنديش
كل واحد يمد رجليه حسب بساطوا
ما نزوخ ما نطبح بروحي