علوم إقتصادية ، التسيير و ع تجارية

* إبتسامة الأمل * · 2011-07-30, 23:05

السلام عليكم و رحمة الله تعالى و بركاته
أخواتي إخواني ...كل من وجه لهذا الفرع "علوم إقتصادية ، تسيير و ع تجارية" أردت أن أفتح هذه الصفحة لكم
هنا سنضع جميع المعلومات المتعلقة بالفرع المذكووور ... لذا أرجوا التفاعل .
المطلوب هو مايلي: كل عضو يذكر مكان التوجيه (الجامعة ) و التخصصات المتوفرة بالنسبة للسنة الثانية *أكييد باه نبداو نخدمولو من درك ، عمبالكم كلش يتبنى على السنة الأولى * و أيضا المواد لتدرس في السنة الأولى و تاع التخصصات تاني ..
بصح تكون المعلومات خاصة بالنظام الجديد L m d
يعني كل عضو يساهم بالمعلومة لعندو مهما كانت بسيطة ، يا ربي يقلنا أنو من الجامعة الفلانية برك
و أكييد لعندو أي تساؤل أو إستفساار ..أنا في الخدمة(انشاء الله) .
ممممممم..نبدا انا - جامعة سكيكدة -
السنة الأولى ندرسوا في الجزائر كاملة جدع مشترك * علوم إقتصادية ، تسيير و علوم تجارية *
و السنة الثانية نخيروا إختصاص من 5 :
- تجارة دولية
-تسويق
- محاسبة و ضرائب
- مالية و بنوك
- إقتصاد ......
على ما أظن هادو هومة التخصصات و طبعا ماش الجامعات كامل تقى فيهم جميع التخصصات .
****
طولت عليكم ... على كل نتمنى أنكم تتفاعلو باه نثبتو الموضوع و يكون نافذة لينا
أيا صح رمضانك و تبقاو على خييير

djihade · 2011-07-31, 00:20

مرسي ليك اختي .. وانا عملت اقتصاد بصح مش مقتنعه بيه لان اهلي مش موافقين عليه مانعرف اذا نكمل ولا نبدل وانا ممكن نعمل لغة فرنسية

* إبتسامة الأمل * · 2011-07-31, 08:39

1. مشكووورة اختي على مرورك العطر
2. مننصحكش خلاص تبدل الفرع تاعنا مليح بزااااف ...من بعد كنبداو نقراو راح تكتشفي المهن لمكنن تخدميها ( حابة نقل خدمتنا تجيب الخبز )

* إبتسامة الأمل * · 2011-07-31, 08:40

أنت واش من جامعة تقراي ؟؟؟

fatouma zohra · 2011-08-10, 15:06

السلام*عليكم*من*فضلكم*انا*هذا*العام*جبت*الباك*و*عط اوني*علوم*اقتصادية
زودوني*بمعلومات*عليها*وينهم*المواد*اللي*تقروهم*بال عربية*و*وينهم*اللي*تقروهم*باللغة*الاجنبية
و*شحال*المواد*اللي*تقروهم
تقروا*بزاف*تدييات*ولا*ليكور*اكتر
او*هذا*يختللف*حسب*الولاية*اللي*تقراي*فيها§