التحرش الجنسي في العمل

[الامل في الله]

بسم الله الرحمن الرحيم
مع احترامي لكل شريفة و هن كثيرات لكن هناك موضوع مطروح للنقاش بقوة و هو:
وعلاث الطفلة تلجأ لجسدها باه تخدم و علاه ما تخليش مستواك و شهادتك تهدر عليك وعلاه تمدي فرصة لواحد يشوف في روحو مسؤول و يستغلك يخلي مرتو في الدار مصانه محترمة بابها مغلوق و طلباتها مقضية و اذا كانت عاملة يوفر لها جو عمل محترم و يجي لمكتب تاعو يستعمل الاخرى خليلة و يختلي بها اختي للأسف هذا الموضوع كاين و كاين بزاف و صارت مود وعلاه تحطيه هو الرزا و الرزاق ربي سبحانه وعلاه تعطيلوا فرصة و مبعد يروح يهدر بيك و للأسف المشكل هذا مطروح بكثرة عند المتعاقدات سواء ادماج وال شبكة و لا تخلو ادارة منه مع احترامي طبعا لكل شريفة ماتطيحش خشمها
ارجو التفاعل

[نورسين.داية]

أنا صراحة الحمد لله الإدارة التي أعمل بها لم يصل الموقف الى هذا الحد
لكن الفرصة أعتقد هي من يتركها . و ان أصلا لا أحب أن أبقى مع المسؤول لوحدي و ذائما بيني و بينه مسافة .سبحان الله الرجل يبقى رجل مهما كانت الظروف
و لو كان سلفي
و المحترمة و التي تصون نفسها اكيد المولى عز و جل لن يتركها بين أيدي مثل هؤلاء و انا صراحتا أشعر بالخوف لما تطرح مثل هذه المواضيع و يذخلني الشك
موضوع مهم بارك الله فيكي عزيزتي ربي يحفظنا و يحفظ جميع بنات المسلمين

[نورسين.داية]

و اقترح أن تطرح الحلول عند معالجة الموضوع . و أن صراحة لا يخطر ببالي أي حل سوى التحويل أو الإستقالة لأن عرضي و حترامي أهم من كل شيئ

[الامل في الله]

اختي اسماء اشكرك جزيل الشكر على التفاعل في الموضوع لكن للأسف الموضوع اكبر مما تصورين فالمشكلة ليست في تحرش فقط بل هناك عرض و طلب فإن كانت الفتاة تريد العمل فلابد لها ان تدفع و ليس العمل فقط فإن ارادت مصلحة لابد لها من الدفع و هي تدفع برضاها حتى صارت الفتاة الشريفة ليس لها مكان و صار مقياس الاختيار هو الجسد مع احتراماتي للجميع

[faryoula]

البنت هي اللي توصّل روحها إذا حبّت تكون خليلة و إلاّ لا، و إذا صانت روحها من المرة الأولى واحد ما يتجرأ عليها، بصّح في وقتنا هذا الله غالب معظم البنات يحبوا اللي يصرف عليهم البرا هذا فلكسي و هذا كسكروت .... المراة هي اللي لازم تخاف على روحها خاطر الراجل ما خاسر فيها والوا عندو دارو و مرتو و ولادو، أما هذيك المسكينة يلعب بيها و بعد يرميها و يولي ما يعرفهاش و عمرو لا شافها.
ربي يهدينا يا رب و يبعد بلادنا على بلادهم

[helen22]

السلام عليكم
الحمد الله انه مازال كاين النساء مثل الجبال لاتزعزع باي شكل كان
الي تسيب روحها هي الخاسرة سمعتها و شرفها و كلش على التربية نتاع الاسرة
الله يسترنا و ربي يحفظنا

[ام ايمان16]

البنت لازم تتعامل مع لي يخدمو معاها بتحفظ يعني كل واحد تعطيلو قدرو وماتجاوزش حدودها مع اي واحد باش يبقاو يحترموها وكي شوفوها حاكمة حدها واحد ما يقيسها
وفرضا انو جاوزو حدهم معاها بالكلام لازم تعرف كفاش توقفهم عند حدهم بلا ماتخصر احترامها ومايزيدوش يقيسوها بحتى كلمة

وربي يستر كل لبنات من ولاد الحرام
شكرا

[ام ايمان16]

البنت لازم تتعامل مع لي يخدمو معاها بتحفظ يعني كل واحد تعطيلو قدرو وماتجاوزش حدودها مع اي واحد باش يبقاو يحترموها وكي شوفوها حاكمة حدها واحد ما يقيسها
وفرضا انو جاوزو حدهم معاها بالكلام لازم تعرف كفاش توقفهم عند حدهم بلا ماتخصر احترامها ومايزيدوش يقيسوها بحتى كلمة

وربي يستر كل لبنات من ولاد الحرام
شكرا

[mr.abdelhafid]

عفو تعف نساؤكم في المحرم وتجنبوا ما لا يليق بمسلم
من يزني في بيت بألفي درهم يزنى في بيته بغير الدرهم
من يزني يزنى به ولو بجداره يا هذا ان كنت لبيبا فافهم
الزنا دين ان أديته كان الوفى من أهل بيتك فاعلم
يا هاتك ستر الأعراض وقاطع سبل المودة
ان كنت حرا من سلالة طاهر ما كنت هتاكا لحرمة مسلم

[mr.abdelhafid]

المرأة مكانها الطبيعي في البيت وليس خارجه فاتقوا الله
وأنا أقول لكل العاملات أدخلوا بيتكم يا مصابيح البيوت