أريد حلا

nooriman · 2011-04-29, 15:29

السلام و عليكم اخوتي أحببت ان اضع مشكلتي بين يديكم

يمكن الا تعتبروها تصل لحد تسميتها بالمشكلة لكني اعتبرها كذلك

انا أدرس الكفاءة المهنية للمحاماة عندي تطبيقات كل يوم سبت ...و انا أحب الدراسة كثيرا دائما أحضر المواضيع و اريد مناقشتها مع الأستاذ و أعضاء المجموعة و ادهب كل سبت بحماسي و ارادتي لكني سرعان ما أصل تتبخر طاقتي

لأني ارى الخمول و الجمود على وجه زملائي يعني يجو بسيف عليهم غي باش ما يكونوش غايبين pointage و ادا بدأت أنا المناقشة مع الأستاذ ينظرون لي نظرة غريبة يحسبوني اتظاهر بالمعرفة ....و خطرات حتى الأستاذ يجي كاره حياته باغي يفوت نصف ساعة و يخرج

كرهت هدا الوضع كيف اتعامل معهم حتى أتعايش معهم

نورسين.داية · 2011-04-29, 16:14

هههههههه
و الله عزيزتي قضيتكي مشابهة لي تماما حتى أسموني : أسماء لي تحب تقرا
المهم أبقي كما أنتي و فجري طاقاتك في شهادة الماجستير في البحث لا أقل و لا أكثر و إعلمى أن العلم من أرقى الأشياء في هذا الوجود و تأكدي أنكي دوما على حق
وفقكي الله عزيزتي

tadj eldin · 2011-04-29, 16:19

ربي يعطيك الصبر ويرفعك درجات يوم القيامة بعلمك والمهم مالديريش عليهم المهم أنك تقراي وتحقي أحلامك والي ماعجبوش الحال ديري روحك ماشفتيهش والنطرة الي يخزروها فيك هي نطرة غيرة برك وماديريش عليهم وإدا صبتي جماعة خيرمنهم بدلي وروحي قراي معاهم ولاكاين غير هد الجماعة وربي يحفظك ويعزك ويعطيك ماتتمناي وؤبي يجعلك ذخيرة خير على الأمة العربية قليل أمثالك تقبلي مروري

nooriman · 2011-04-29, 16:30

شكرا على ردودكم ...

غدوة عندي بحث غادي نقدمه عليهم ... و السبت للي فات قالولي غي ماكان لاه طولي علينا و تبقاي تفهمي فينا ...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

1954مريم · 2011-04-29, 16:40

السلام عليكم اختي ربي يكون في عونك راه بلوى عامة من الاستاذ لطالب انا لما كنت في الثانوية كانوا يسموني النحلة

والجامعة يسموني المكتبة وكي تخرجت وعملت في التعليم بنفس الحماس والنقاش قالوا عليا زملائي اعلاه راك اتعبي في روحك باطل

ومرات يقولوا راك متكبرة بشهادتك وهي مجرد ليسانس ؟

هذا العام امرضت ومريت بضروف صعبة نقص مجهودي عدت في نظر زملايئ مليحة وعاقلة وترونكيل

المهم اختي لا تسمعي لهم رب يوفقك واعلمي الشجرة المثمرة ترمى بالحجارة ؟

ولا يهمك نقيق االضفادع ............وهذا الذي جعل المستوى متدني

ربي يهدي

abdel02 · 2011-04-29, 17:27

سلحي نفسكي بالشجاعة ولا تلتفتي ni gauche ni adroiteفانت في الطريق السليم

sabrina el-chark · 2011-04-29, 17:55

ربي يهديهم حتى لي حاب يقرى مخلاوهش في حالو
انت اقراي و زيدي و ربي يكون معاك و يوفقك

مطيعة الرحمن · 2011-04-29, 22:00

نتي واش دخلك فيهم
ديري واش يقولك ضميرك
نصحيهم و لكن ردي بالك تتراجعي على واش راكي ديري

الدلفين · 2011-04-29, 22:10

بارك الله فيك
المهم... أنت على صواب والبقية راهم متهاونين
هوما يشوفو فيك بنص عين على خاطر أنت خرجتي على الجماعة هوما كامل راقدين وأنتي حابا تقراي
وأنا نقولك النتيجة:
نهار التوظيف أو مسابقة الماجستير تلقايهم حالين فامهم ، على خاطر عارفين بلي مارايحينش ينجحوا، ويرجعوا السبب لل.....و....و........الخ
وينساو بلي سنوات الجامعة قضاوها في الرقاد
المهم عليك أن تكوني العضو الإيجابي دائماً مهما حدث، لا تلتفتي لمن لا يستحق
والله لن يضيع أجر من أحسن عملاً
وفقك الله... ربي ينجحك

عُضو مُحترم · 2011-04-29, 23:39

اقتباس:

المشاركة الأصلية كتبت بواسطة الدلفين

بارك الله فيك
المهم... أنت على صواب والبقية راهم متهاونين
هوما يشوفو فيك بنص عين على خاطر أنت خرجتي على الجماعة هوما كامل راقدين وأنتي حابا تقراي
وأنا نقولك النتيجة:
نهار التوظيف أو مسابقة الماجستير تلقايهم حالين فامهم ، على خاطر عارفين بلي مارايحينش ينجحوا، ويرجعوا السبب لل.....و....و........الخ
وينساو بلي سنوات الجامعة قضاوها في الرقاد
المهم عليك أن تكوني العضو الإيجابي دائماً مهما حدث، لا تلتفتي لمن لا يستحق
والله لن يضيع أجر من أحسن عملاً
وفقك الله... ربي ينجحك

نهار التوطيف

هما يفوتو

و هي تبقى

رانا عارفين البلاد كيفاه تمشي

بالمقلوب

nooriman · 2011-04-30, 17:55

شكرا على مساندتكم جميعا اليوم فوت البحث تاعي و فات غاية بزاف ...........

فالأول هما كانو راقدين و انا نهدر و نشرحلهم و من بعد حتى لقيتهم بداو يتحركو و يبغو يفهمو خلعوني حسبت روحي غلطت في الفوج

الحمد لله