L'activation . . . واش رايكوم فيه ؟؟

محسن غطاس · 2011-04-25, 05:18

السلام عليكم

كثير من الناس يستعمل خاصية liberté01 بخط الهاتف النقال والذي تعرفونه ، (لأني لا أريد ذكر الشركة المتعاملة لئلا يحذف الموضوع أيضا ...)

ثم يبدأ بالحديث مع أصدقائه .... وارواح انت وشوف الهدرة البايخة والكلام الذي لا طائل منه على مدى ساعتين أو أكثر لمن استطاع إليه سبيلا ...

هو يقولك : واش لحوال .. لاباس .. الحمد لله .. واش أسيدي كاش جديد ؟؟ أسيدي توحشناكوم بزاف .. واقيلا نسيتنا ؟؟ ولا سيبريميت النيمرو ؟؟

و و و و و و و و الكلام الطويل والتافه ......

أنت مشغول وتبقى تليكيدي فيه وتقول : أمالا تهالا في روحك و لعل ماعندكش ليزينيتي هاك تعرف .و . . . يقاطعك هو ويقولك : والو أهدر براحتك راني ماكتيــــvي ....

راك تشوف في اللباقة ..... أنت تم وين يبدا الغاز يطلع .. وتلعبها تقول : أنعم .. راني جاي راني جاي .. كومكوا راني مشغول ..

تقولو : أيا احبيبي راني مشغول شوية ومبعد نتعاودو ...

يرد عليك هو ويقولك : نورمال .. ياخي قتلك راني ماكتـــيvي .. ماتقطعش وروح أفري القضية وانت تهدر نووووورمال حبيبي ...

أنت هنا تحل البورتابل من تالي وتلوح الباتري باش تقولو problèm de connexion au réseau على الأقل مايقولش راك كوبيت في وجهو ..

وراكوم تعرفو لا سويت ..... غير يتلاقاك يزيد يبهدلك .. وانت تبرر وهو يعاود وانت تبرر .. وهي ماشية مع كل واحد يخدم بالــ

activation

نورسين.داية · 2011-04-25, 06:04

ناس ليس لديهم ماذا يفعلون يحبو يجيبو بيك الوقت
فعلا ظاهرة منتشرة
شكرا أخي على الموضوع الهام

*ابو محمد الجزائري* · 2011-04-25, 06:38

عندك حق شكرا عن الموضوع

ع.جمال · 2011-04-25, 07:29

حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ...