وكأننا بدون مستوى دراسي

[abdelkader_2010]

سلام عليكم

أولا أردت أن أعرف هل صحيح درسنا وهل لدينا مستوى جامعي لاننا كل مرة نتكلم عن حقوقنا ولا نتفق أبدا مع أن جل الحرس البلدي لا مستوى لهم مع انهم إتفق على يوم للإعتصام لتحقيق مطالبهم وحققوها أما نحن كل مرة يأتي شخص ويتكلم عن حقوقنا وعن عقود العار ويقترح يوم ولا واحد يرد أويوافق على ذلك كل واحد في طريق مسدود أتمنى أن نتناقش في هذا الموضوع ولكم مني جزيل الشكر وآسف على الكلام إن كان غير لائق .

[aminosaidi]

حقيقة لا مستوى لنا ... منعرفوش نجيبو حتى حقنا والله لعيب

[abdelkader_2010]

شكرا أخ على المرور ولكن علينا أن نتناقش ونتكاتف حتى نأتي بنتيجة

[aminosaidi]

صدقني أنا تعبت من هادا الموضوع ... لا حياة لمن تنادي la jeunesse pardu

[طالب رضا الله]

ربي فتح عليك بكونتلرا كول الخبز واحمد ربي وما يلحقك غير مكتوبك وما تعجلش على رزقك وادا كاتبلك ربي تاكل مليار في حياتك ماتموتش حتى تكمل داك المليار وادكر صاحبي بان الرزق متلهف لصاحبه اكثر من تلهف صاحبه له .استغفر الله واتقي الله يجعل لك مخرجا ويرزقك من حيث لا تحتسب

[abdelkader_2010]

الحمد الله على كل حال ولكن الحق الحق وهل اللذين أخذ حقوقهم جزائريين واحنا .......... ونحن لسنا نطالب بشيئ اكبر من حقنا في الحياة الكريمة

[عبد الغانى الخنشلى]

انا اقول لك ااخى الكريم....................من يابى صعود الجبال ...يموت ابد الدهر فى الحفر

[fOrZaLgeRiA]

ماشي المشكل في المستوى
وانما المشكلة في الخوف و الجبن الي تقول درسناهاا في حياتنا الدراسية
الجامعيين مجرد جبناء و مشجعين للروح الاتكالية كل واحد يتكل على خوه ويقولك كي يخرجواا البقية يعتاصمو ندي حقي معاهم كي يدو هوما

[sarl02]

واش خصكم ..راكم قاعدين او تخلصو 15000.00 فالشهر ..او زيد واش قريت حتى تحوس تخدم 20 مليون بنادم قاع ليسانس فوتو 4 سنين قالجامعة قاع ريستو او تكحال ..او ذرك قاع تحوسو تخدمو عند الدولة ...او زيد ما تقارنش روحك بالحرس البلدي ..او ما تيحش بيهم ..هذوك ثاني تعبو او قد ما يخلص حقو..مالا كول بابا وارضى ب 15000.00 واسكت حتى يفتح ربي بحاجة خيرمنها دير حسابك راك تدي 500دج فالنهار او راقدو و تمونجي ..هذيك 500دج كاين الي راه يغرق عليها تاع الصح بالش يديها مالا خلونا مالتبهليل.

[mehenni83]

عيب عليك 15000دج هي منحة عقود ماقبل التشغيل وهل يمكن لك مقارنتها بمنحة المقدمة للبطال في فرنسا و هل فرنسا لها النفط و الغاز
الجزائر لها النفط و الغاز و الشباب 30 سنة لا خدمة لا زواج لا دار
حرام

[zara2011]

لوكان تجي للصح دراهم البترول تكفي باش تعيشنا حنا وبلاد وحدخرا بصح واحد راه ياكل في خوه الحسد راح يدور عي على مولاه

[comp29]

الى متى هدا السبات

[ابن-الجزائر]

مساء الخير
أحبابنا الرجاء الإلتزام بقوانين المنتدى والإبتعاد عن التلفظ بالألفاظ النابية
والنقاش يكون بهدوء ويكون نقاش بناء لإيجاد الحلول بعيدا عن النقاش العقيم والخارج عن قوانين المنتدى

[siham16000]

يكفينا من حقرة وتهميش لازم نديرو يد في يد ونخرجو نطالبو بادماج