سر نجاح الجوزية

[chekired]

اتمنى من الحرائر المتواجدات فى منتدى الطبخ مساعدتى فى السر الذى يجعل الجوزية تتعالك فقد حضرتها بنفس الطريقة الموجودة فى المنتدى لكنى لم احصل على النتيجة المرجوة من فضلكن التى تملك السر لا تبخل علينا ولها كل الشكر.

[ريحان الجزائر]

السلام عليكم و رحمة الله تعالى و بركاته يا أختي الله أعلم قالك السر في العسل لازم يكون عسل حر و زيدي في طريقة التحريك و ما نعرف يمكن لبنات يزيدو يفيدوك

[chekired]

شكرا لك اختى على الاهتمام بخصوص التحراك ساعة ونصف وانا نحرك حتى يدى جاها شلل اما العسل الحر فهو صعب المنال ولا اضن انو الجوزية لتتباع معمولة به يبقى السوءال مطروح اشكون الفحلة لتعرف سر نجاح الجوزية اتفيدنا وجزاها الله كل خير.

[chahinez_alg]

اختي ما علاباليش اذا هاذي هي الطريقة لي راكي متبعتها ولا لا انا قريت بللي لازم تستعملي petrin هاذي الوصفة
المقادير :200غ جوز محمص و مكسر باليد وانصاف جوز للتزيين...300 غ عسل...3بياض بيض ...75غ ماء.....250غ سكر عادي....فانيلا
التحضير :
نضربو البياض مع الفني ورشة ملح حتى يولي جامد
نحضرو سيرو بالماء والسكر ونخليوه يغلي ........نسخنو العسل على نار هادئة وكي السيرو يجهز (135درجة ) نضيفوه للعسل ونخلطو شوي فوق النار ثم نحيوه ونصبوه بشكل خيط رفيع على الميرانغ لي حضرناه بصح بلاما نحبسو الخلاط



....نبقاو نخبطو حتي نتحصلو على ميرانغ ايطاليان ( هاذ الميرانغ يستخدم في دهن لي تارت كلّي كريم شانتي )
نرجعو للموضوع... لما تبدى الجوزية تجمد نحطو الوعاء في حمام مريم على نار هادئة (الوعاء لازم يكون إينوكس إذا كنا نستعملو خفاق كهربائية أو يكون الوعاء تاع العجانة هو أصلا إينوكس ) نستمرو في الخلط بملعقة كبيرة او سباتولا كيما قلت بدون توقف باه تنشف الجوزية

وهاذ المرحلة تدي شوي وقت وجهد حوالي ساعة ونصف
لما تجهز الجوزية نحيوها من حمام مريم ونضيفو الجوز المكسر ونخلطوه ونفرغو المزيج في بلاطو مغلف بورق سولفيغيزي ونعدلو السطح بوضع ورقة أخرى على الوجه ونملسو باليد ونوزعو أنصاف الجوز

[ام تسنيم.]

لا أعرف..... آسفة

[chekired]

يااختى العزيزة هى نفس الخطوات المتبعة ماعدا البيتران او العجانة استعملت يدى ووعاء اينوكس لكنى فشلت ولن استسلم حتى اعثر على السر باذن الله شكرا لكم جميعا .

[☆★ أَمِيـرَة ★☆]

شكراااااااااااااااااا

[الضمير العربي]

السلام عليكم اختي الغالية المشكل ليس في العسل انا استخدم كيلة عسل عادي و نصف الكيلة عسل حر السر يكمن في
لازم تكون الحاجة المستعملة ثقيلة انا استخدم كوكوط ولازم يكون بياض البيض طالع مليح .والله اعلم موفقة ان شاء الله

[yarasmin26]

واشن هي الجوزية هل معروفة باسم اخر باه انفيدكم اذا امكن

[فـرح]

اختي لازم تطلعي البيض بالباتور مليح حتى يجمد
وتاني كيما ديري على حمام مائي لازم تكون حاجة تقيلة كيما قالت الاخت الضمير العربي وانا ايضا نسعمل كوكوط اينوكس
و حركي بملعقة خشبية كبيرة وعلى حمام ممريم على نار هادية
وان شاء الله تصلحلك
بالتوفيق