ذات ليلة ثلجية .. دقدق على بابي ضيف ..

*blanche neige* · 2011-04-18, 08:23

بليله هدير العواصف ما هِدي مجنون
دقدق على بابي! و ضيف تقال دقاتو

والريح صوتو تركني برهبتو مسكون
زارع بعيني أرق ، من جوع سطواتو

و الثلج يللي تركني بغرفتي مسجون
تارك بقلبي البرد من كتر زهماتو

(مترين) عالي أمام البيت مش ممنون
حتى ( بخار الثلج ) زايد في هجماتو

تا صرت قرب ع نار الموقدي وعيون
تقشع حبيب القلب على الموقدي بذاتو!

يا ليل ارعن تركت عيون تحكي ظنون
و تسأل عليها بجنون الليل عتماتو

يمكن بعيدي ، ويمكن وحيدي تكون ؟
والقلب ، يمكن ماعاد يشوف غمراتو

بردان قلبي انا،و على بعد الأحباب محزون
لما حنيني اشتعل ، برماد جمراتو

مهما يا ريح الشتي تهمدر ما فيك تمون
ما بظن صوتك خفى ، من القلب نبضاتو

بقلبي هدير الهوى وحب الحبيب بصون
و عواصف الثلج ، ما بتقوى على لهباتو

تعرف ؟ .. بحب الليالي يكون فيها سكون
و همس الحبيب ، بجمال الليل همساتو

بنظرة عيون الحبيب ، كل الالم يهون
و الرمش ، ياما شفاني بطيب تعبيراتو

نينا الجزائرية · 2011-04-18, 10:14

جميل ورومانسي جدا
باي لهجة كتبتي ثليجتنا البيضاء

*blanche neige* · 2011-04-18, 13:36

اقتباس:

المشاركة الأصلية كتبت بواسطة نينا الجزائرية

جميل ورومانسي جدا
باي لهجة كتبتي ثليجتنا البيضاء

يا هلا بحبوبة
هي كلمآت رآقت لي أن تشاركني عذوبتها و حلاوتها
أنا أكتبُ بقلمي الثلجي الذواقْ لكلّ اللهجات

فينحني لكلّ ما هو ناعم
و صافي صفاء الثلج

تشكراتِ نينا

¨°o.رغـ{د الاسلامـ .o°¨ · 2011-04-18, 18:53

بوح رنان أعجبني كثيرا
سلمت يداك أخيتي
دمت بود

*blanche neige* · 2011-04-18, 19:38

اقتباس:

المشاركة الأصلية كتبت بواسطة ¨°o.رغـ{د الاسلامـ .o°¨

بوح رنان أعجبني كثيرا

سلمت يداك أخيتي

دمت بود

و وجودكِ أعجبني أكثر
حياك الله ..... يا هلا بالغلا