شكون مادرتش فطور ولا راهي تخمم للعشى ادخلواااااااااااااااا وشوفوا معي طبق سهل واقتصادي ومفيد جداا للاطفال وبنين

نبيلة المهبولة · 2011-04-17, 11:46

السلام عليكم اخواتي
حبيت اليوم نجبلكم وصفة مفيدة وراني عارفة بلي مفيدة ومجربة في كل بيت من بيوتنا وناجحة وبنينة بزاف
المقادير :
جزر حسب الرغبة
ملعقة طماطم مصبرة
شوية ملح
وتوابل حسب الرغبة وماء
وثوم
طريقة التحظير : نقشر الجزر ونديروه يفور ولا كيما تحبوا ديروه يغلي ولا يفور عادي
ولما يطيب ويبرد نقطعه الى دوائر ونخلوه بجهة
وبعدها نضع ثوم مع الملح ومغرف زيت وتوابل وتقريبا مغرف اكل طماطم ونقلوهم على نار هادئة منخلوش ثوم ينحرق
وبعدها نضع ماء ونخلطوا ولما تجي تغلي نضع الجزر مقطع الى دوائر ونخلوها تتشرب هديك لصوص وتقريبا تكون رايحا تنشف جيبي 2 حبات بيض ضربيهم مليح وفرغيهم كامل على الجزر وكي تنشف نحيها
وكل واحدة واش تقدر تزيد للطبق انا موالفة نفتت صدر الدجاج ونديروا يطيب كمع لصوص او لحم مرحي
اخواتي انصحكم ان تجربوها وارجوا ان يكون شرحي وافي وكافي واي سؤال انا هنا ولما تجربوها قولولي انا اسفة مقدرتش نصورلكم الطبق
وشهية طيبة للجميع
وجزاكم الله خيرا

زنجبيل11 · 2011-04-17, 11:58

تبان وصفة شابة ان شاء الله نجربها

أم القادة · 2011-04-17, 14:07

بارك الله فك

موالفة نطبخها ولكن في طنجرة الضغط مع كبدة الدجاج وهي مفيدة جدا خاصة للحوامل والذين يعانون من فقرالدم

نينا الجزائرية · 2011-04-17, 17:57

يعطيك الصحة خنا مضارين نطيبوها بالكون
ونسموها جزر مشرلم
لكن انا منحبهاش