ارقام راحت من البورتابل

الأمنيات · 2013-12-14, 18:34

انا هاتفي samsung
تاع شريحتين تقريب نصف الارقام تاع موبيليس الي درتها مند اشهر راحت والي كنت ماسحتهم من مدة طويله رجعوا في مكانهم
حتى بعض الاشخاص نسيتهم وكنت ما سحتهم رجعولي
حتى واحد ماخرب فيه ولا مسه انا ما نعرفش نخرب في الهواتف كان حدايا منين جيت نطلب ولدي موبيليس مالقيتش رقمه
وين راه المشكل وكيف اعيد الارقام الي راحوا
علما فقط الي سجلتهم في شريحة موبيليس

knives66 · 2013-12-14, 21:05

لا اعتقد هناك طريقة ارجاع ارقام قديم

خلاص راحوا راحوا

حنين الدلال · 2013-12-15, 07:44

أنا تاني صراتلي في رمضان اللي فات كان عندي سامسونغ وبدلته بنوكيا ومن بعد رديت سامسنغ ولاو وحدهم غي ماتخربيش دوك يولو

islamboot · 2013-12-15, 10:16

في هذه الأمور ، إذهبي إلى أقرب محل لصيانة الهواتف لأنه من الأحسن أن تأخذيه إلى تقني مختص ، فمثلا لو جربت أي شيء على الهاتف فسوف تلومين نفسك ، وتقولين لماذا لم آخذه له من الأول

dahby83 · 2013-12-15, 13:42

انا ثاني صراتلي من قبل اختي لوكان راكي متاكدة بلي الارقام مسجلين في الشريحة وليس في الهاتف اتاكدي انهم راح يرجعو فقط عليك استبدال هاتفك سامسونج بهاتف نوكيا عادي ومن بعد مدة قصيرة تلقايهم رجعوا عن تجربة لانها كيما قلتلك صراتلي وغيرت الهاتف من غير قصد وبعد ايام تفاجات الارقام المختفية ظهرت من جديد موفقة

سميرة2 · 2013-12-17, 08:14

السلام روحي لربارطوار بلوس تاع موبيليس ديري ريكوبيراسيون درك يطفا البورطابل وحدو ويعاود يشعلك ويرجعو جميع الارقام تاعك عن تجربة وديمة يسرا لحباباتي ونقلبهولهم

الأمنيات · 2013-12-19, 15:16

اقتباس:

المشاركة الأصلية كتبت بواسطة سميرة2

السلام روحي لربارطوار بلوس تاع موبيليس ديري ريكوبيراسيون درك يطفا البورطابل وحدو ويعاود يشعلك ويرجعو جميع الارقام تاعك عن تجربة وديمة يسرا لحباباتي ونقلبهولهم

ما فهمتش اختي ممكن ترشي اكثر وين هاد الريبارتوار

diyaa-alger · 2013-12-19, 15:28

أختي الأرقام عندك في الهاتف وما راحت أكيد الهاتف اللي عندك أنت يحتوي على نظام الأندرويد قلتي كان هناك أرقام قديمة ورجعت وغير ذلك المشكل بسيط أنت أتصلت بالنت، عندك نسخة تع الأرقام في gmail لهذا أخدتي نسخة بدون ما تشعري هذا الأمر الأول.
الأمر الثاني خصية الهاتف تأخد الأرقام من الفيسبوك و gmail وبطاقة سيم والهاتف يمكن أن تختاري كلهم أو أي واحدة تخترينها أنت، وأكيد أنت نزعتي من خصائص قائمة الأرقام الخاصة بالشريحة أو الهاتف وفي نفس الوقت طلعتي أرقام gmail أو الفيسبوك.
أنزلي نوع الهاتف اللي عندك، أعطيك الطريق بالصور إن شاء الله شكرا