قعدة الخزانه ولاجوازة الندامه

مصريه جدا · 2011-04-08, 21:48

السلام عليكم ورحمة الله وبركاته

زمان كنا بنسمع المثل المشهور ضل راجل ولاضل حيطه
لكن فى الزمن ده اصبح المثل يقل شويه عند البعض مش الكل

اما المثل الاكثر شهره دلواتى هوا
قعدة الخزانه ولاجوازة الندامه
يعنى لما اقعد فى بيتنا وسط اهلى احسن بكثير لما اتجوز شخص غير مناسب لمجرد الهروب من شبح العنوسه

احنا بقى مع اى مثل فى دول
المثل الاول ضل راجل ولاضل حيطه
المثل الثانى قعدة الخزانه ولاجوزاة الندامه

بصراحه انا مع المثل الثانى
معاه ان مش عشان نهرب من كلام الناس نتجوز اى جوازه والسلام جوازه غير متكافئه

بس حاليا بقى الاغلبيه مع ضل راجل ولاضل حيطه

والسبب فى ده المجتمع الى بيعامل البنت الى اتاخر سنها فى الزواج على انها شخصيه غير مرغوب بيها
ومش بس المجتمع الخارجى المحيط بيها يعنى الجيران والناس العاديين

لا كمان بعض الاسر بتعامل بناتهم الى اتاخر سنهم فى الزواج معامله قاسيه جدا
وكانهم اجرموا جرميه اساسا هما ملهمش دخل فيها

المجتمع ده بيجبر البنت على الارتباط باى شخص والسلام شخص ينجيها من المجتمع وشبح العنوسه الى الناس بتعاقبها عليه

وبعد الزواج من الشخص الغير متكافئ وبعض الانجاب
تحصل المصيبه الكبرى

ان الاثنين اصبحوا مشفاهمين بعض
مش متفقين وتبدا رحلة المعاناه للفتاه

هل تطلب الطلاق فى وجود اطفال ام لا
هل تستحمل هروبا من كلام الناس ام لا

قصه بسيطه قريتها

فتاه جامعيه اتقدملها شخص معاه اعداديه طبعا رفض تام من الفتاه
وقبول من اهل الفتاه وبعد فتره تم الارتباط رغما عن الفتاه كان الزوج بيعاملها على انها خادمه كان بيكره انها تذكر مؤهلها الجامعى لاى حد لدرجة انه طلب منها انها تتنازل عنه وكان المؤهل عربيه يمكن التنازل عنها لارضاء غرور الزوج
طيب الزوج ده قبل الزواج مكنشى عارف انها جامعيه
ليه اتقدمت لفتاه جاميعه وانت عندك العقده دى ولا انت كان عندك عقدة نقص حابب تعوضها
وذنب الفتاه دى ايه عشان تعاملها كدا

المهم بعد فتره كبيره من المشاكل وكلامه الجارح للفتاه قالها انها خادمه ليه ولامه فقط لاغير
طبعا كاى امراه عربيه عندها اولاد من الزوج جات على نفسها وتحملت عشان خاطر ولادها
لكن للاسف لم يتوقف جبروت الزوج عند هذا الحد
فى مره اتصل بيها
روحى لامى البيت عشان تنضفيه
الزوجه لظروف ما مقدرتشى تروح
التصرف الى عمله انه خرج من شغله على دراجته البخاريه قابل الزوجه فى الشارع كانت بتجيب طفلها من المدرسه
صدمها بالدراجه فى الشارع دون ان يستفسر عن سبب اعتزراها اولا

طبعا الغلطان هنا مش الزوج
الغلط الاكبر على اهل الزوجه

الى فكروا فى ان ضل راجل ولا ضل حيطه وفكروا ان بنتهم لو مش بسرعه جوزوها هتحمل لقب ...........

يعنى البنت ضحيه من المجتمع ومن اهلها ومن الناس الى بتحملها كل الظروف

اجبروها على تقبل مثل ضل راجل ولاضل حيطه

وقصص كثير فى مجتماعتنا العربيه بتدل على قسوة المجتمع
فى الوقت الى كثير اوى بينادوا بحرية المراه ترتكب ابشع الجرائم ضد المراه

حتى حقها فى الاختيار حرمها المجتمع منه

kateb · 2011-04-08, 22:50

السلام عليكم ورحمة الله وبركاته
اعتقد ان الزواج حلم اي شاب وشابة في وطننا العربي
اما فيما يخص ان البنت تبقى في بيت اهلها فهذا مش مليح لها لانه بهذا تحس ان الزمن ضلمها وتوسوس
فبما يخص الشباب فعلى اهالي البنات ان يراعو الغلاء والبطالة ويحاولو يقللو من الاعباء التي ترهق الشباب
الزواج في وقتنا هذا اصبح كالحلم
زماننا هذا صعب جدا
كلنا اتخذلنا من طرف محبوبينا وخذلنا من احبنا كذلك هذا بقصد او بغير قصد
لكن الحياة جميلة لما كل شب يجد البنت التي يكون معها اسرة رائعة
ربنا يرزق كل الشباب العربي بزوجات صالحات
ربنا يرزق كل بنات الامة العربية بازواج صالحين
تقبلي مروري اختي ساره
وشكر لطرحك لهذا الموضوع الحساس الذي يؤرق كل الشباب العربي
تحياتي سلام

مصريه جدا · 2011-04-09, 23:04

وعليكم السلام ورحمة الله وبركاته

جزاك الله خيرا ياخالد على المرور
ربنا يرزقنا جميعا الزواج الصالح يارب

نورة · 2011-04-10, 23:13

وعليكم السلام
صراحة مثل هذه المواضيع اصبحت تصدعنى ههههههه وانت تعرفى السبب يقول النثل عندنا قعدة عند الولدين ولا زواج الشين
اما بخصوص صورة الامورة بنتك فهى اجمل مما كنت اتصور ومن ساعة ما رئيتها لم تفارق مخيلتى ولا لحظة
ماشاء الله لا قوة الا باالله ورانى قريت عليها اية الكرسى الله يحفظها من كل مكروه
ويحفظكم جميعا ويرزقكم من حيث تحتسبو ومن حيث لا تحتسبو امين امين

مصريه جدا · 2011-04-11, 19:37

اقتباس:

المشاركة الأصلية كتبت بواسطة نورة

وعليكم السلام
صراحة مثل هذه المواضيع اصبحت تصدعنى ههههههه وانت تعرفى السبب يقول النثل عندنا قعدة عند الولدين ولا زواج الشين
اما بخصوص صورة الامورة بنتك فهى اجمل مما كنت اتصور ومن ساعة ما رئيتها لم تفارق مخيلتى ولا لحظة
ماشاء الله لا قوة الا باالله ورانى قريت عليها اية الكرسى الله يحفظها من كل مكروه
ويحفظكم جميعا ويرزقكم من حيث تحتسبو ومن حيث لا تحتسبو امين امين

والله ياراويه معاكى حق بقينا بنصدع من المواضيع دى بس للاسف مضطرين نناقشها
هههههههههه

وحلو المثل باللهجه الجزائريه بس صعب يتحفظ

بخصوص بنتى ربنا يخليكى ياقمر ويحفظك يارب
كلك ذوق والله وان شاء الله رب العالمين ربنا يرزقك ذريه صالحه يااااارب

وربنا يرزقنا جميعا يارب ياقمر

ان شاء الله هغير الصوره قريب احطلك صورتها بالحجاب

لما صاحبتى تدخل هخليها تغيرها احسن انا مش بعرف ليا صديقه جزائريه هيا مسئوله عن تغير التوقيع بتاعى
هههههههههههه

ميرسى ياقمر على المرور ربنا يبارك فيكى يارب