تغيير عقد التوظيف؟؟؟عااااااااااجل

[المتفائلة7]

السلام عليكم..

هل ممكن تغيير الوظيفة في لانام ؟؟ يعني انا اشتغل عون اداري ليس في مجال تخصصي لكن الآن لقيت وظيفة في مجال تخصصي قالي نديرلك عقد ادا قبلوا لانام يبدلوك..

السؤال نقدر نبدل الوظيفة؟؟يعني نلغي عقد العون الاداري ونعطيهم يمضيولي في عقد آخر..ممكن؟

ادا كان لا مفيش مجال باش نغير الوظيفة؟ معجبتنيش

[sabrac]

المفروض أنه غير ممكن التغيير إلا إذا تغير القانون فالله أعلم

[عاشقة السكـون]

السلام عليكم
انا شخصيا سالت قالولي حتى ينتهي العقد ديالك اذا ماقبلوش يدمجوك تقدري التغيير
والله اعلم احسن شي اسالي لانام واسالي كذا واحد لانه احيانا واحد يعقدهالك والآخر يسهلها وآخرين يجيبوا بيك الوقت طبعا
ربي يسهل لك

[zinebio]

انا عندي صحابي بدلو معريفة

[tataalouche]

نعم تستطيع ان تغير نوعية العقد وذلك :

اذهي الى لانام وقلهم ان يغيروا لك العقد هناك احتمالين :
1- ان يغيروا لك العقد دون اي تعرقيل.
2- رفض التغيير وفي هذه الحالة اذهب الى اقرب محطة بنيل واشتري 2 لتر بنزين جزائري الصنع ثم عد الى لانام وهدد المدير انك ستحرق نفسك .................وعندها سوف يقبل المدير .....................

نتمنى لك التوفيق اخي و الاحتمال الاول.........................................

[sabrac]

ههههههههههههههههههههههههه

[lila z]

نعم بمقدورك ذلك
لكن بالمعريفة

[حسينة 36]

اختي اذا كان راح تغيري المكان في نفس القطاع اداري لانك انتي في الاداري حسب علمي ممكن
فقط انك تكتبي طلب قبول في المكان الي لقيتيه يمضيه مدير الادارة
وزيدي اكتبي طلب تحويل ويمضيه مدير الليسي الي راكي فيه
واديهم لمدير التشغيل للولاية الي تابعة ليها وقوليلو يوافق ويمضيلك كي يقلك واش السبب حاولي توضحيلو بدون تجريح بطريقة لائقة بلا ما تروحي للانام لانهم راح يرفضو لان هذه السلطة ما هيش بيديهم وماهمش راح ينصحوك تروحي لمدير التشغيل
عندي الكثير من الصديقات دارو نفس الاجراء وقبللهم المدير ودفعو الطلبات وحكمو نسخة على كل وحدة والاصلية دفعوها في الملف وهوما راح يديرو الازم ويغيرو اسم الهيئة المستخدمة في السيستام ومن باعد انشاء الله تبدي والبوانتاج يولي يمضى في الادارة الجديدة
ولا يمكنك تغيير العقد من الاداري الى الاقتصادي او العكس
لانهم راح يقولولك افسخي ومن باعد عاودي والا فسختي وانتي كنتي قد استفدي من العمل وتقاضيتي حتى اجر واحد راح يرفضولك مباشرة لانك راح تعتبرين مستفيدة وانتي تخليتي على العقد بارادتك
وربي يسهل انشاء الله

[top o7]

الله اعلم
المهم ربي يجيب الخير