لمادا نحن الان هنا؟ يا اعضاء المنتدى ارجوكم جاوبوني!!!! والله راني حايرة !

ل..ب..ن..ى · 2009-01-30, 00:15

أنا عندي الامتحانات يوم السبت ان شاء الله
يوم السبت وماراني مريفيزيا والوووو!!!

يوم السبت وانا في المنتدى ارد على هدا واشكر داك
واناقش هدا وداك؟!!!

سبحان الله
واش هدا !!!
ندخل للنات على اساس الدراسة
لكني اجد نفسي في منتديات الجلفة
........

وانا ارد على موضوع ما
نقول في بالي :
صايي لبنى هدا الرد التالي وروحي لقرايتك
ومن بعد نقول
لا نزيد غير زوج مواضيع نقراهم ونروح
ونكمل وقتي هاك
..........
حتى نلقى روحي قعدت 4-5-... ساعات وساعات
ومرات ما نحسش بالوقت حتى نسمع ماما ولا بابا ناض يصلي الصبح !!!
اي اني نبات مع المنتدى نورمال
بصح باش نقصر مع القراية ...!!!
والله هادي من المستحيلات

واش ندير اعطوني حل!!!
هل المنتدى سحرني؟
ام انني اصبحت مدمنة عليه؟؟

حبيت برك نعرف ادا كنت انا الوحيدة اللي مرضت
بمرض اسمه احبك يا منتداي الغالي

ام انه كاين اعضاء اخرين يعانون من نفس المرض نتاعي

ملاحظة:
المرض اللي راني مريضة بيه هو اجمل مرض لقيتو في حياتي !!!

bogossa hugossa

B.Badis · 2009-01-30, 00:41

و الله أنا مثلك أختي ....راكي تشوفي بلي راني ساهر ...في أتم نشاطي ...و راهي قربت الواحدة تاع الصباح ....و لكن إذا كنت أدرس !! على الساعة التاسعة يجيني النعاس.... أنا أيضا الإمتحانات على الأبواب و ما راني مرفيزي والو ...و والدي حاسنين فيا الظن و حاسبيني راني قاعد ندرس بالأنترنت ...لكن بالعكس راني قاعد نتسلى.... على العموم أنا مالقيتش حل ...لكن راودني حل نجح في بعض المرات ...أنك أنقلي أدواتك تاع الدراسة إلى غرفة أخرى بعيدة عن الكمبيوتر ...كغرفة الأب و الأم أو الصالون ...و راجعي دروسك هناك ...درك تحسي براحة و تنساي على الكمبيوتر...أو إذا تحتمت عليك تراجعي في غرفتك امام الكمبيوتر ..حاولي تراجعي في طاولة خلاف أو فوق السرير ...و ربي يوفقك أختي

سليم_الجزائر · 2009-01-30, 00:43

اختي انكي رائعة وتقرئين الافكار كلنا نعاني ولا نقاوم هذا الفيروس على حد قول الاخ zorro_dz

سليم_الجزائر · 2009-01-30, 00:46

اقتباس:

المشاركة الأصلية كتبت بواسطة zorro__dz

أنضم إليك
نفس الفيروس يسيطر !!! انا دائما أحاول ان اجد مضاداً حيوياً لكن لم أجد

ان وجدته اخي العزيز لا تبخل به علينا ارجوك

tebci · 2009-01-30, 01:37

الحل هو ان تتشجعي 10 دقائق و تقولي لاهلك على هته القصة وانك لم تستطيعي .... وانزعوا عني الانترنات مؤقتا وسوف ترجعين تدريجيا....المنتدى هو اللي يحبك واللي فيه ..ولكن الفائدة في قرايتك وكيما تنجحي قوليلنا باه نجوا نحضروا الوليمة ....ربي يهديك

س..ع..ي..د · 2009-01-30, 08:30

انا يوم الاحد نكمل الامتحنات ومتغيبتش نهار علي هذا المنتدى الغالي
مما يبن انك لستي الوحيدة لمريضا

أختكم في الله · 2009-01-30, 10:14

مع الأسف المرض هدا معدي
وكأنه سحر والله منتدى الجلفة ساحرني وضعت فيه
أتمنى أن أشفى قريبا
يعطيك الصحة حنونة على الموضوع ربي يوفقك

نورالدين17 · 2009-01-30, 10:46

يا اختي اصدقك القول انني قد اصبت بهذا المرض حتى انني

اصبحت عندما افتح الانترنت لا ادخل الا لهذا المنتدى.....

ونسيت كل المواقع التي كنت اواظب تصفحها..................

سلاف26 · 2009-01-30, 10:50

و الله غير عندك الحق أنا أيضا أصبحت مدمنة على هذا المنتدى

وشَـ،ـآحْ الـصـِـبـآا · 2009-01-30, 12:40

لا أستطيع الإدمان عليه إلا في أيام الأربعاء الخميس والجمعة ففي باقي الأيام أبي يقطعه علينا ويعلن حالة الطوارئ

madjid-307 · 2009-01-30, 12:44

والله ختي رانا كامل كيف كيف واش صرا الله أعلم المهم أحب هذا المنتدى وفراااااااااات

ل..ب..ن..ى · 2009-01-30, 16:09

شكرا لكم على مساعداتكم
على الاقل مارانيش وحدي المريضة
ههههههههه
والله العظيم عجبتني صراحتكم
ربي يخليكم ويحفظكم

وان شاء الله ننجح وكامل راكم معروضين
LOL
المهم الجلفة محال نبعد عليها

اختكم
bogossa hugossa

أختكم في الله · 2009-01-30, 16:10

الحمد لله رجعتي كنت نسأل عليك في قسم الدردشة

الصفحة البيضاء · 2009-01-30, 16:18

حتى انا كيفكم لا انا اكتر منكم نقعد فيه 9 - 10 ساعات في اليوم . هبال هدا صرت مدمنة عليه
اظن ان الحل الوحيد هو تقوية الشخصية لازم نتحكمو في انفسنا مثلا نقول :نحبس على الساعة 4:00نطبقها مهما يكن

نعمة الإسلام · 2009-01-30, 16:26