عاجل الى غير المتعاقدين

[ralf3219]

الى كل من ليس متعاقدا السنا جزائريين السنا حاملي نفس شهادة المتعاقدين
هذه المناصب التي سيدمجون فيها هي مناصبنا كلنا فباي حق ياخذونها
ان حصل الادماج فلن تكون هناك مسابقات لعدة سنوات و ان كانت فلن تتعدى 10 مناصب في اي اختصاص
وانتم يا طلبة السنة الرابعة الذين ستتخرجون السنة هذا الامر يعنيكم
انا فقط اريد ان افهم شيئا واحدا باي حق ياخذون هذه المناصب
هل نقوم نحن باحراق شهاداتنا
اخواني و اخواتي لا استطيع ان اتكلم اكثر لقد ضاعت الكلمات لكن فكروا في مستقبلكم و مصيركم و تعب اوليائكم حتى تحصلتم على هذه الشهادات
يجب ان نحدد تاريخا قريبا و نعتصم نحن ايضا و نحتج و نطالب بانصافنا يجب الان ان نترفع عن اي صغيرة و نوحد صوتنا و نجتمع على كلمة واحدة
انا فكرتمطلب و انتم اقترحوا مطالبكم حتى نجتمع على مطلب موحد
1-الغاء الادماج و فتح عدد كبير من المناصب على شكل مسابقة
ارجو التفاعل مع الموضوع و ليوفقنا الله لما فيه الخير لنا و شكرا.

[raouf1981]

و المتعاقدون هل درسو خلف أسوار الجامعات هل شهاداتهم تحصلو عليها من جامعات يهودية ؟ و الله كلامك يحمل الكثير من الغيرة و الحسد و أكثر من ذالك أيام انت كنت في مقاعد الدراسة كانو هم يدرسون بكل تفاني و اخلاص و من بعد ذالك تاتي مسابقات خرشي المليئة بالرشوة و المعريفة لينجح فيها المتخرجون الجدد و يطرد من عمل و ضحي و الله عيب عليك هذا الحسد اتقي الله و اعلم انك لن تأخذ الا ما كتبه الله لك و انتظر دورك في النجاح و لا تطمع في مناصب الاخريين

[tahar000222]

لا لا لا لا لا للحسد

[نور التفاؤل]

خلوهم مساكين هوما تاني عانوا وحنا مازال ما يجي دورنا
مبروك الادماج

[mohbelkacem2008]

على حساب ما راني نشوف راهي الناس حاسدة بعضها بعض
خليهم بصحتهم واعلم أنك في الجزائر كل يوم يخرج قانون جديد
بالاك كي تكمل قرايتك وخدمتك الوطنية ربي يفتح عليك بعمل خير من التعليم
وش تعرف هذو حوايج ربي سبحانو
شكرا

[géo-mourad]

يأخي من حق أي جزائري الحصول على وظيفة عمل و المتعاقدون جزائريون و الإحتياطيون جزائريون أيضا و الراسبون أيضا جزائريون

[dix 10]

هل يعني ان من عمل لمدة شهرين او ثلاثة او حتى سنة متعاقد هذا ظلم خطرة انا رحت لثانوية وقدمت ملف للاستخلاف مع وجود منصبين شاغرين لكن المدير خير زوج بنات فهل هذا هو الحق

[القدس تنادينا]

حب لاخيك كما تحب لنفسك

[khaled-19]

مبروك عليهم
ومن حق اي جزائري ان يستفيد من تلك الملايير التي تسرق يوميا
لماذا لا نقوم بالاعتصام للمطالبة بالكشف عن كل اللصوص الذين ينهبون الخزينة يوميا
والقضاء على الرشوة والبيروقراطية ومحاسبة كل من يتسبب بهذا
مبروك على كل من تحصل على الادماج رغم اني للاسف راكم عارفين بلادنا حتى في الاستخلاف وبالنعريفة
ومننساش الشخص المسؤول عندما وجدت منصب وكيفاه همشني وربي يغفرلي كرهته كرها شديدا الله غالب هذا هو الانسان كي يتقاس

[charachoucha]

غالبية اللي اخذو العقود اخذوهم بالمعريفة و الرشوة و اليوم جايين يقولو حقنا انا لما مدفعتش الرشوة محبوش يعطوني العقد و اعطوه لواحدة اخرى و يزيدو يدمجوكم و الله حرام هاد الشيء
هل يعقل انا عندي ليسانس فرنسية مناخذش عقد لادرس اللغة الفرنسية و تاخذه بنت دارسة الحقوق لان عندها معريفة او مدت رشوة
كلنا جزائريين لازم يديرولنا مسابقات تعمها الشفافية و اللي ينجح بعرقو و بقرايته ماشي اللي عندو معريفة يتدمج
كونو نتاع حق و قولو اذا ماشي غير اللي معريفتو قادرة هو اللي ياخذ عقد كونو صريحين و متكذبوش و قولو الحق

[charachoucha]

المشاركة الأصلية كتبت بواسطة khaled-19

مبروك عليهم
ومن حق اي جزائري ان يستفيد من تلك الملايير التي تسرق يوميا
لماذا لا نقوم بالاعتصام للمطالبة بالكشف عن كل اللصوص الذين ينهبون الخزينة يوميا
والقضاء على الرشوة والبيروقراطية ومحاسبة كل من يتسبب بهذا
مبروك على كل من تحصل على الادماج رغم اني للاسف راكم عارفين بلادنا حتى في الاستخلاف وبالنعريفة
ومننساش الشخص المسؤول عندما وجدت منصب وكيفاه همشني وربي يغفرلي كرهته كرها شديدا الله غالب هذا هو الانسان كي يتقاس

اذا انت كرهته يا اخي انا اول مرة دعيت على واحد من قلبي كان اللي يمد العقود في مديرية التربية نتاع البرج اتخيل العقد مكتوب باسمي و لما محبيتش نمد الرشوة قطعو تقطيع

[sabrac]

في حياتي لم أرى شخصا حسودا مثلك يا اخي لماذا هذا الحسد والعياذ بالله ،ومن قال لك بأن الدولة ستدمج المتعاقدين وكأنك تعيش في كوكب آخر ،انت كمل قرايتك بعدا وممبعد تكلم على العمل هل راك ضامن روحك تعيش منا لداك لوقت؟ الله يهديك وقلة الايمان هادي خطرش الرزق على ربي ماشي على الادماج ولا على الدولة،ولي ربي كتبله منصب عمل ما تقلعهله لا نتا ولا غيرك

[vontoum]

الاخ لايقصد مافهمتم فهو يقصد التساوي في التوظيف وفقا لقانون الوظيفة
لكن اوجه لاخ ان توظيف الالاف منهم ينقص من الضغط في المسابقات
وبالتالي العدد ينقص
وانا ارى ان الحل في تضييق عدد الناجحين في البكالوريا كما كان سابقا

[احمد مستغانم]

المشاركة الأصلية كتبت بواسطة dix 10

هل يعني ان من عمل لمدة شهرين او ثلاثة او حتى سنة متعاقد هذا ظلم خطرة انا رحت لثانوية وقدمت ملف للاستخلاف مع وجود منصبين شاغرين لكن المدير خير زوج بنات فهل هذا هو الحق

اقسم لك هذه هي المشكلةالبنات ..................يموتو على البنات قسنطينة 190 منصب 180للبنات و10 للرجال غليزان 60 منصب مقابل8 رجال8 -نخدمو راجل باه نبنو عايلة لا هم العكس والله العظيم قالهالي مدير مدرسة قالي
انا خاصني بنت لي دير بارفان تاع 300000 مشي راجل للاستخلاف مشي قاع كاين بنات الحلال راه في البيت تطلب العلم وتقرع الزوج الصالح قولنا صالح اللهم ارحم هذه الامة ......امين شكرا 10

[بيان 5]

هوما عندهم حق وحنا ثاني عندنا حق ربي يكمللهم مبصح ما تكونوش انانيين انا وحدة من الناس تخرجت 2010 ب معدل 13 كي ما يديرولناش كونكور واش ندير بديبلومي اسمحولي مبصح ماتخموش غير في رواحكم لازم حتى حنا يشوفولنا يالوكان بكونكور سلااام