بليز خاوتي فهموني فيما يخص نضام ل م د

أحلام البليدة · 2011-02-14, 21:01

سلام إخوتي
أرجوكم ممكن توضيح أكثر كيفاش نحسب المعدل نتاع السداسي الأول ؟ يعني لازم هيك العشرة نجيبها في سداسي واحد ولا كي نجيب زعما 8 في السداسي الأول و12 في السداسي الثاني!!!
وحابة نعرف معامل مقاييس كل من قانون دستوري ومدخل للعلوم القانونية ومنهجية ومدخل للإقتصاد ومؤسسات وعلاقات دولية

أحلام البليدة · 2011-02-15, 19:46

؟؟؟؟؟؟؟؟؟؟؟؟؟؟؟؟

f-fouad · 2011-02-16, 13:41

؟؟؟؟؟؟؟؟؟؟؟؟؟؟؟؟؟؟؟

bababi · 2011-02-17, 14:56

شوفي يا ختي نتي واش من جامعة تقراي فيها باسكو كل جامعة تحسب المعدل بطريقة تاعها
واغلب الجامعات طبقو فيها العام لي فات هادا النظام الجديد يعني يحسبو معدل السداسي الاول مع معدل السداسي 2 . مي نظن راه مازال قدامك الراتراباج وتقدري تعدلي النتائج تاعك
نورمالمو الدستوري والمدخل والمنهجية يعني لي فيهم كور وتيدي هادو المعامل تاعهم كبير
ممبعد قوليلي واش من جامعة تقراي فيها ونقولك كيفاش يحسبو المعدل

أحلام البليدة · 2011-02-18, 21:11

نقرا في جامعة سعد دحلب البليدة
هل ممكن تعطيلي معامل كل مقياس؟

سعاد.د · 2011-02-19, 17:21

السلام عليكم و رحمة الله تعالى و بركاته

اختي العزيزة درك نشرحلك حسب المواد اللي قريتها ا نا في السنة اولى

بسم الله

الدستوري + المدخل للعلوم القانونية + المنهجية = المعامل تاحم 3
الشريعة الاسلامية + المجتمع الدولي = المعامل 2
اعلام الي + مصطلحات قانونية = المعامل 1

درك المعدل لازمك تخرجي كل سداسي بمعدل 10.00 يولي عندك الرصيد 30 في كل سداسي

اذا جيتي اقل من 10.00 تدخلي لراتراباج و اذا ما خرجتيش السداسي في الراتراباج و كان عندك رصيد السداسيين 36 او اكثر و اقل من 60 يولي عندك كريدي في السنة الثانية ......معناها تقراي مواد السنة الثانية و زيد تقراي معاهم المواد اللي ما خرجتيهمش في السنة اولى

و نفس الشيء بالنسبة للسداسي الثاني

اما اذا خرجتي السداسيين برصيد 60 تنتقلي مباشرة للسنة الثانية

و اذا ما فهمتيش اي حاجة راني في الخدمة اختي العزيزة

و بالتوفيق

أحلام البليدة · 2011-02-19, 20:13

الله يعيطيك ماتتمناي أختي سعاد وربي يجازيك كل خير

سعاد.د · 2011-02-20, 07:43

بلا مزيا اختي العزيزة هذا واجبتي
و كيما قتلك اي استفسار راني هنا
و أذا حبيتي نعطيك الايمايل تيعي باه تتواصلي معايا

darkangel · 2011-02-21, 19:33

شكراااااااا أختي سعاد على الشرح المفيد لأنو بالنسبة لنا نحن طلبة السنة الأولى نظام آل آم دي غامض علينا.

chiekhe benaissi · 2011-03-14, 11:01

السلام عليكم يا انيسة لازم عليك ان تعريفي بانه هنالك طريقة لحساب المعدل و ذلك بضرب امتحان في 0.6 +نقطة الاعمال الموجهة في 0.4 و هكذا تحسبين معدلك و شكرا

ousama09 · 2011-03-17, 01:56

معامل كل مقياس
القانون الدستوري 3
المدخل الى العلوم القانونية 3
المنهجية 3
المؤسسات والعلاقات الدولية 2
تاريخ القانون 2
الاقتصاد 2
المصطلحات 1
الاعلام الآلي 1
طريقة الحساب
نقطة تيدي + نقطة الاختبار في 2 /على 3 ويخرجلك المعدل تاع المقياس
و المنهجية نقطة التيدي في 3

nesrenita · 2011-03-21, 10:17

خاوتي بليز قولولي كيفاه يحسبوا الكريدي باه نعرف ارجوكم!!!!!!!!

علي حفصاوي 44 · 2011-03-22, 22:29

????????????????????????????????????????????,

سعاد.د · 2011-03-25, 16:36

الكريدي اختي العزيزة معناه انك خرجتي السيماستار باقل من 30 رصيد حتى بعد الدورة الاستدراكية

merahiabdallah · 2011-04-05, 22:14

و الله يا الأخت يا مخترمة أنا نقرى في جامعة تبسة حقوق ورلكي تسمعي بتبسة في الدروا .. راهي ماعندي واش نحكيلك ..صعيبة ..المهم ..نحنا في تبسة المعاملات كالتالي :
المدخل 6
المنهجية 6
الدستوري 4
الإداري 5
الجنائي 5
الجمركي 5
تاريخ التشريع 2
المصطلحات و الإعلام الآلي 1
يعني مجموع المعاملات 30
لازم تجيبي 10 بين السداسي الأول و الثاني و تكوني خرجتي المواد ديال الحصة التطبيقية