شكون تقدر تساعدني

[couture]

لسلام عليكم لبنات يا رب تكونو بخير
يا ريت اللي تعرف تعمل طمينة بالفرينة و مجربتها و تخرجلها مليحة و ماشي يابسة تعطيني الوصفة الله يرضى عليها

[amel...]

سمحيلي و الله منعرفها ... ان شاء الله يعاونوك الاخوات

[كاتي حياة]

انا نخدم انتاع الدقيق برك شوفي الوصفة انتاعي
https://www.djelfa.info/vb/showthread...D8%E3%ED%E4%C9

[ouissamak]

ان شاء الله يفيدوك الاخوات انا مانعرف لا تاع الدقيق لا تاع الفرينة ههههههههههههه

[عبير الحـب]

وعليكم السلام ورحمة الله الطمينة نتاع الفرينة اللي نعرفها انا نديرو حوالي كاس زيت في طنجرة نضيفه الفرينة وعلى نار هادية نخلوها تحمر مرة على مرة نخلطو كي توجد نزيدو السكر الناعم والمكسرات ،،، وخسارة الجهاز راه معطل عندي كنت حطيتلكم صور كل انوااااع الطمينة من شمال الجزاير الى جنوبها

[ام زهر]

اختي الكريمة لو كان تلقي لجيبلك لبسيسة تع الشوية خير صحية وبنتها هييييييييييييييييلا

[ouissamak]

اختي الوصفة اني سرقتهالك من موضوع الاخت كاتي تسمحلي صاحبة الوصوفى بيبا 2012
سلام اختي انا شفت عمتي بقسنطينة ديرها بالفرينة وجي روعة وجربتها جي هايلا شوفي ديري الفرينة محمصة قليل ومن جهة اخرى حطي كاسرونة فيها العسل او ماء وسكر وخليهم يغليو زيدي الزبدة اي مارقارين يعني لك الاختيار سوى استعمالها بالعسل والزبدة اي المرقارين او طريقة الماء والسكر اي يعني السيرو والمرقارين وعندما يبردوا مليح زيدي الفرينة المحمصة اندار مترميش الفرينة على العسل اي السيرو وهو سخون وكاين طمينة الطراف يعني الفرينة محمصة زيدي عليها كاس متوسط من السكر الرطب وخلطي مليح واخيرا الزبدة الدائبة او الرقارين تكون دافئة ولمي بها هديك الفرينة ثم قرصيهافوق ورق الالمنيوم وقطعيها des losange ou des carres وتقدري تعملها اشكال بالطابع الي بغيتي راهي فيساع تجمد مكان لاه تحطيها فالفريجيدار والله روعة راهي تجمد من السكر الرطب وشهية طيبة

[أمـــــــــــــــيرة]

للأسف لا أعرفها

[جوهرة الغرب.]

اختي انا نخدمها تخرجلي روعة نموت عليها رايحة نعطيك الوصفة والمرة الجاية نحطها كموضوع مستقل بالصور
اديري قد عبار الزيت كيفو الزبدة بعدما يذوبوا زيديلهم الفرينة غير بشوية حتى توليلك عجينة من بعد نقصيلها شوية النار ومرة على مرة حركيها حتى تاخذ لون ذهبي فاتح ...نحيها على النار وضيفيلها المكسرات انا ندير الجلجلان والكاوكاو مدشين من بعد فرغي فيها السكر قلاصي وحركي ...ذوقي وشوفي لحلاوة اذا خاصتها زيديلها بشوية ...السكر قلاصي يزيد يعطيها اللون ...بالصحة والهنا

[ام انفال الاء لجين]

السلام عليكم و رحمة الله.....اختي هده وصفتي لطمينة الفرينة الخاصة بمنطقتنا..........اولا حمصي الفرينة و عبر نتاع لحظة محمصة كدلك .ثم ضيفي علبة نتاع شوكو غبرة (الشوكو الحلو).خلطي الكل مع بعض .ثم دوبي الزبدة و ضيفيها للخليط
.تجي بنينة و حلوة .ضعيها في الصحون و زينيها بالمكسرات او حلوة دراجي او القرفة حسب الموجود .انا نزينها بالمكسرات و حلوة الترك.

[kari yacine]

[b]حمصي الفرينة فالفرن و خليها تبرد ذوبي المارغارين وضيفي عليه العسل
و ديريه فوق الفرينة وخلطي وزيدي المكسرات لي تحبي وخليها تتشرب
وشوفي لجاتك ناشفة زيديلها خليط المارغارين والعسل [/b]

[اماني البتول]

هذك لقالو عليها الاخوات تشبه لزرير اما الطمينة بالفرينة اتحمص الفرينة وتخيها تبرد امليح وم المستحسن تعملها ليلة من قبل واحبك الزبدة جيدا مع السكر الناعم وحلوة الترك وقليل من العسل وبعدى ذالك زيد الفرينة تدريجيا مع الحك جيدا ومتشيحاش بزاف على خطرش اتشيح وحدها خليها اشوية اطرية وهذه الطمينة متخلهاش اطول يعني تتكل في يومين او ثلاثة ربي اوفقك
ملاحضة يمكنك ان تضيف قليل من البسيسة مع الفرينة تعطيك نكهة اخرى

[couture]

شكراااااااااااااااااااااااااااااااااااااااااا لكن جميعا على الإهتمام يعطيكم الصحة