راتب شهر افريل 15000 دج

[حسينة 36]

السلام عليكم ورحمة الله تعالى وبركاته
اخواني اخواتي ليوم سمعت خبر مليح حبيت نوصلو ليكم اليوم تلاقيت مع صديقتي المقربة وهي دايرة ادماج قاتلي باللي هذا الشهر تدخل الزيادة ويصبح الاجر من 12000 دج الى 15000 دج قالتلها اختها تخدم في مديرية التشغيل قالتلها الراتب تاع شهر افريل خدمناه على 15000 دج
انشاء الله تكون حقيقة هاذي المعلومات كاش ما يكون نخبركم
انا هذا الخبر فرحني في حاجة وحدة واكيد ماشي الزيادة لانها ماهيش من مستوى اي شاب جامعي ولكن فرحتني من ناحية انهم بداو فعلا في تطبيق القرارات الي اقروها وانشاء الله بعد الزيادة يطبقو الترسام وحققو الادماج الحقيقي كل حسب اختصاصو بلا معريفة وبلا تحايل ولا محسوبية وبكل شفافية
الي يسمع كاش خبر ينورنا باش نكونو كامل في الصورة
ربي يسهل انشاء الله

[sabrac]

هذا اكيد ان شاء الله وعلى بالي بيها شهر مارس يدخل في افريل واجرته 15000ج

[3asil]

انشاء الله الإدماج الحقيقي

[fatehgtu]

الله يستر الجميع

[sabrac]

لكن لازم 10افريل2011 امام رئاسة الجمهورية للمطالبة بالادماج ولا شيء غيره،لان هذا الاجر 15000دج نعرف ناس ما قراوش قاع راهم يدو 30000دج في سونلغاز مثلا والامثلة عديدة يعني ما يحشوهالناش

[حسينة 36]

بالتاكيد رانا معاكم في اي وقت وفي اي مكان

[بن جابر]

المفروض هذا أجر مارس وليس أفريل....من ناحية التطبيق أكيد رايحين يطبقوها، ماهم ناقصين وجع راس.

[شمس الدين485]

شكرا جزيلا على هذه المعلومة

[عبد الجليل 34]

شكـــــرا ....... و مع ذلك نطالب بالإدمــــــــــــاج

[كلمات_قاسية]

ولاداس؟؟؟؟؟؟

[عبد الجليل 34]

المشاركة الأصلية كتبت بواسطة coloniali13

ولاداس؟؟؟؟؟؟

نورمالمون تكون 10000 دج

[كلمات_قاسية]

ياخويا المهبول....هههه درك رانا نخلصو مليون-ليسانس جامعي- يزيدو ولا لالا

[البوعزيزي]

ههههههههههههههههههههههههههههه

وبعد 3 سنين تلقاي روحك فالشارع وتقولك صحبتك لي قالتلها ختها لي تخدم في مديرية التشغيل بالي راني لقيت صحبت دور فالشارع

[حسينة 36]

المشاركة الأصلية كتبت بواسطة البوعزيزي

ههههههههههههههههههههههههههههه

وبعد 3 سنين تلقاي روحك فالشارع وتقولك صحبتك لي قالتلها ختها لي تخدم في مديرية التشغيل بالي راني لقيت صحبت دور فالشارع

عندك الحق خويا البوعزيزي بصح نقلك حاجة انا اصلا ضد الادماج لاني مستحيل نخدم ونهمبر على الدولة بالفتات ونزيدك انا صح دايرة الادماج بصح وقاعدة في الدار ومسوريا روحي من دراهمي يعني مانيش خاسرة والو نخدم بجدية ومسؤولية في حالة الترسام وبرك

[البوعزيزي]

المشاركة الأصلية كتبت بواسطة حسينة 36

عندك الحق خويا البوعزيزي بصح نقلك حاجة انا اصلا ضد الادماج لاني مستحيل نخدم ونهمبر على الدولة بالفتات ونزيدك انا صح دايرة الادماج بصح وقاعدة في الدار ومسوريا روحي من دراهمي يعني مانيش خاسرة والو نخدم بجدية ومسؤولية في حالة الترسام وبرك

والله العظيم هم يبكي وهم يضحك وكل هذا بسباب الحكومة المعوقة

الله يجيب أصحاب الخير لكل شباب وشابات الجزائر وأما الخير راهو موجود وما ينقطعش ليوم القيامة