شكون الي تعطيني اطباق من الغرب الجزائري

yarasmin.26 · 2012-04-06, 11:03

يسعد صباحكم حبيباتي راني حابة تعطوني وصفات تاع اطباق تندار في الوليمات ويكونو وجبة شابة وعفسات شابين راني محتاجتهم عندي وليمة وراني حابة انطيب في عرس
وخيرها ماننساهش تحياتي وقبولاتي الصباحية

helen22 · 2012-04-06, 15:45

اي وليمة اختي عرس او فاتحة او طهارة حددي اختي

yarasmin.26 · 2012-04-06, 15:52

عندي فاتحة

helen22 · 2012-04-06, 16:00

تارتلات بالحليب و البيض ة الفرماج و المعدنوس
الحريرة
المحمر مالح بالبرقوق معمر باللعقدة نتاع اللوز
المحمر بالزيتون و الفقاع صوص بيضا
سلاطة خضرا
مارايك اختي

yarasmin.26 · 2012-04-06, 16:04

اعطيني وصفة المحمر بالبرقوق والعقدة وراكي تقصدي الفقاع نزينو بيه مع الزيتون

helen22 · 2012-04-06, 16:20

نعطيك
كيلولحم من الفخد

يصلة ماتقطعيهاش غي قشريها و رميها في الكوكوت
ززعفران ملح
مغرف صغيرة سكينجبلر
قليهم 2 دقايق و مرقيهم بالماء حتى niveauنتاع اللحم و خليهم يعقادو

البرقوق بلا علفة
3 كيلات لوز مرحي مليح
قرفة كيلة سكر شوية ملح و لمي العقدة بالما زهر و farci البرقوق
من بعد فوريه في الكسكاس

helen22 · 2012-04-06, 16:24

طيبي المحمر عادي

زيتون غليه 3 غليات و صفيه و زيديه الفقاع و ويده لاكريم فراش و حرور

yarasmin.26 · 2012-04-06, 17:47

الا انت من سيدي بلعباس تقدري تعطينى الحريرة انتاعكم قالي راجلي سقسيها راه اكلاها عند واحد من سيدي بلعباس كي راح عندو ضيف وقالي شابة ولون انتاعها جاي بالأصفر اذا مكان عندك حتى مانع وشكرا مسبقا

helen22 · 2012-04-06, 21:34

الحريرة
3 حبات بصلة
1/2جزر
1 بطاطا
1كاغ طماطيس
كمشة حمص
كمشة عدس
4 حتى 5 مغارف كروية
3مغارف طماكيس معلبة
1 مغرف ملح
1 مغرف حبة حلاوة
3مغارف حرور
1 مغرف سكينجبير
1 مغرف لهر فلفلة حلوة و كيفكيف حارة
bouquetقصبر و معجنوس
و شويى زيت و 2 مغارف صغار زعفرن

في قدرة كبيرة ضعي المحتويات و نزيدك هادي بجون لحم و مانديروش لحم هدا هو سر

و خلي المحتويات تتقلى مع كاس ماء لمدة 15 دفيفة

من بعد مرفي القدرة حتى للاعلى

كي تغلي لمدة ساعة طفي عليها و اطحنيها بالطحانة اليدوية هدا تاني سر

رجعيها في القدرة ة نزبدوها

3cuil farine +2 cuil tchicha rgiga+2 cuil karwiyaضربيهم ي في اناء مع نصف اتر ماء fouet manuelle

زيديهم للقدرة و ماتتوقفيش عن التحريك فوق النار حتى تغلي مليح طفي بالهنا و الشفا

yarasmin.26 · 2012-04-07, 09:56

يعطيك الصحة 10000

helen22 · 2012-04-08, 09:13

salem *
wach rayek!!!!!!!!!!!!!!!!!!!!!!!!!!!!!!!!!!!!!!!!!

3imad22 · 2012-04-15, 14:17

يعطيك الصحة

3imad22 · 2012-04-16, 13:04

انا عضوة جديدة من الغرب و بالظبط من مدينة سيدي بلعباس
غادي نعطيك وصفة المحمر بالزيتون
أولا بسم الله
تكوني شريتي الزيتون نتاعك بيتيه في الماء و الفرينة ليلة كاملة
في اليوم الموالي صفي الزيتون وغسليه ثم وجدي بصلة بغيتي ترابيها أو توضعيها حبة كاملة مع اللحم وقليهم مليح +ورقة رند+مغرف صغيرة سكين جبير+شوية ملح شوية برك خطرش الزيتون يكون فيه باقي الملح من بعد حطي الماء قد ما يتغطى اللحم وضفي الزيتو وغلقي الككوت نتاعك مين تحسي بالمرق نقص الشويا
خذي فنجانمن المرق وخليه يبرد حطي فيه مغرف كبيرة نتاع مايزينة حليها ورديها في المرق 5د قد ما تشوفي المرقة خترت شويا
ممكن تحطي مع الزيتون الفقاع يجي شبلب وتكوني قليتي البطاطة وحطي الزيتون من التحت و البطاطة من الفوق و اللحم
هدا سر الزيتون كي حطيناه في الماء و الفرينة يحافظ على لونو الطبيعي و الفرينة تمتص لك الملح لي فيه يبقى شباب
انا زوجي ما يحب الزيتون لكن عدما طيبتو بهذه الطريق كلاه و حتى قالي جا جباب مشي موالف يشكرني لكن هدي المرى شكرني بزاف
وشهية طيبة

yarasmin.26 · 2012-04-16, 13:32

شكرا لكي 10000 مرة على الطريقة والسر