إليكم .....ما رأيكم

[intell22]

بسم الله الرحمان الرحيم
الصراحة غبت كثيرا عن منتدى الجلفة لكني دائما وفي للمنتدى حتى و إن كانت مشاركاتي قليلة .....
يا إخوتي الأعزاء المشكل ليس في الدولة المشكل فيمن يدعي أنه إطار متخرج من الجامعة و أنا واحد منكم لكن التفكير هو تفكير شخص في عمرو ما دخل المدرسة .....يروحو مكاتب التشغيل يقولو تخدم و لا تخدمي ب 12000 تقولو ب 5000 نخدم أيا قولولي هذا مش رخس .....وين المشكل أيا قولولي ......معليش يا سيدي نخدمو ب 12000 دينار تروح عند واحد حاشا الداب ملياردير يوقلك تخدم بشروطي مرحبا ...قلت لالا أيا تقدر تروح في رايكم واش يجاوبو يقولو كيما تقول سيدي هاذي سمعتها و كنت حاضر فيها .....
أيا قولولي وين المشكل ....في الدولة و لا في الإطارات عقلية كارتون .....
إطار متخرج من الجامعة كي يدخل للإدارة يصرخ فيه الحارس يخاف ......
زيد مشكل أخر عندي صديق يخدم في شركة تأمين قالي les factures proforma مدايرين رايهم قالي واحد ما جابلي مشروع يرفع الراس الجماعة كلها حابين يتمعلمو يعني من نهارو معلم ...أيا قولولي كراء السيارات هذا مشروع ......شاحنة يديرلها سائق و الشاب راقد في الدار هذا مشروع ......
نزيدلكم مشكل أخر ......لما واحد حاصل على شهادة ليسانس يروح مقهى أنترنيت يخدم ب 12000 في إطار عقود الإدماج أيا قولولي وين يدمجوه ولا كيما قالها عثمان عليوات يا شيخ براهيم أحنا واش ننتجو.....و الفاهم يفهم .....
أنا ضد تكسير أملاك الدولة لكن مع الكرامة و الشرف للجميع....لأني أخوكم ...و تغيضني عمري كما أنتوما ...لكن ربنا كريم ...
أنا نقولكم رأي و ربما مخطئ و ربما صحيح .....
من وجهة نظري لازم المطالبة بالعمل في مؤسسات الدولة و الجهد لي نخسروه عند الخواص تستفاد منو الدولة أحسن من مصاصي الدماء هاذو ......
لازم معاملة تاع إطارات دولة ماشي قال راهم من جماعة pré emploi
لازم نوقفوا ضد أي واحد حاب يزعزع البلاد من أجل مصلحتو ....
درك الأهم لازم مانكونوش إنتهازيين و أنانيين تهمنا نفسنا برك يعني لكان أحنا لباولنا طلباتنا الجماعة لي من دون شهادات ننساوهم بالعكس راهم خاوتنا .......
و أخيرا لازم نطلعو النيفو شوية يا جماعة ما نبقاوش بالعقلية تاع نقبلو كلش ....و لا كلمة نووووووورمال ....كلش نورمال .... نورمال هاذي لي أزمت الأمور .........
أظن تكلمت بلغة بسيطة تفهمني الطبقات كلها و الأطياف كلها .....نقولكم العقلية تاع نحرق نفسي حرام يعني لازم لي فاسد هو لي يتحرق ماشي أحنا الشباب .........
أنا ضد جماعة لي جايبينها بالعقلية تاع الأقدمية و هو نيفو رابعة إبتدائي و الغيرة ماكلة قلوبهم من الشباب ياو لي فاتو وقتو ما يطمع في وقت الناس .....و السلام