فستان فرح ...ب 150 دينار فقط ؟؟

[رهام87]

تتهاطل علينا ملابس الشيفون من مختلف انحاء العالم المتقدم ..ولا ندري إن كانت تلك الملابس لأناس مصابين بأمراض معدية ..أو لأموات ..أو أي شيء آخر ..والمهم فإن الزوالي يجد ظالته في أسواق الشيفون ..فبإمكان القافز أن يجد له أحسن الملابس ويستولي على قلوب التائهات بدراهم معدودات ..وعليه فإن الزوالية بإمكانهم من خلال توفر خدمة الشيفون أن يتزوجوا ولا حرج ...فالعريس الزوالي بإمكانه إقتناء كوستيم هايل ب 200 دينار ..وحتى زوجته الزوالية تقدر تلقى فستان فرح هاي هاي ب 150 دينار..أيا واشكون قال الشيفون ماشي مليح ماعطاه غير الله بصح لازم تبكروا ...وهاكدا نقضوا على مشكل غلاء الجهاز قصدي غلاء المهور ويتزوج قاع الغاشي ...
متزعفوش مني أنا تاني زوالية كيفكم ياك قاع رانا أعضاء منتدى واحد ولازم نتقاسموا الأفكار ولا كيفاه ؟؟
خيتكم رهام87تستنى تعليقكم

[بنت سكيكدة]

انا نفضل نبقى بلبسة واحدة و ما نلبسش 10 من الشيوفون

و طبعا هناك من يخالفني الراي طبعا


شكرا على موضوعك المعاش فعلا من واقعنا بارك الله فيك

[ل..ب..ن..ى]

الشيفون = قش البالا ؟؟؟؟؟؟؟؟؟
ههههههههههه

والله غير ضحكتيني اختي
رهام

شكرا لك على الموضوع

بصح راني ماشي معاك
لوكان نصيب روحي ماناكلش 10 سنين ومانشريش قش البالا !!!

شكرا لك
والله غير عندك الصح بالاك يكون تاع كاش واحد مريض ولا !!!!


رانا كامل زاواليا
واش هو والله بزاااف مازال ماعرفوش بلي انفلونزا الخنازير
وامراض كيفها
راهي تجي في قش البالا تانيك

هههههههه


سلااااااااااااام

[حًٱجَز≈ ٱلصِمتُـ ♥]

انا نقولك الحقيقة
رغم انني اعيش في عائلة راقية و لدي ملابس فاخرة الله يبارك الا انني اشتري ملابس روعة من الشيفون سعات يجيبوا وش نقولك
شكرااااااااااااا

[رهام87]

ماتخافيش يا أخت منال محبة الخضر أنا تاني كاين وين نلقى لبسا الله الله من البالا بصح بيناتنا نقول شريتها من الحانوت راكي فاهمة ؟؟

[1954مريم]

السلام عليكم الزواج ليس في البس وليس في المظاهر راهاكثر مم نتصور
المهم اختي انا الحمد لله عندي حساسية لوكان يجلس بجانبي يلبس الشيفون عيوني يحماروا ونعطس ونكح وحالة ولا امر حتى بجانبه وكيما يقولو بالدارجة اتهنات القرعة من حك الراس والسسسسسسسسلام

[imene08]

مافيها والو و ماشي عيب لي يلبس من الشيفون و الله نعرف بنات لاباس بيهم بزاف و مرفهين بصح يصبحو في بومعطي و يحكو عادي و عندي لي يخدمو معايا (صراحة عمري مالبست من الشيفون ) لكن حكايات زميلاتي في العمل خلاوني نبدل النظرة و يلبسو غير الماماي
و عندهم أيام معينة يجيبو فيها السلعة لكن و الله ما شفيت واش من نهار
الشيفون يلبس الزوالي و لمرفه
صدقوني وحدة تخدم معايا جابت صاك كوير و بالتيكي ب 100 دج فقط (يعني جديد و شباب و رخيس) و حنا نداربو مع السكاي لي يتقشر بـ 1200 دج

[مجنونة بخيالي]

المشاركة الأصلية كتبت بواسطة imene08

مافيها والو و ماشي عيب لي يلبس من الشيفون و الله نعرف بنات لاباس بيهم بزاف و مرفهين بصح يصبحو في بومعطي و يحكو عادي و عندي لي يخدمو معايا (صراحة عمري مالبست من الشيفون ) لكن حكايات زميلاتي في العمل خلاوني نبدل النظرة و يلبسو غير الماماي
و عندهم أيام معينة يجيبو فيها السلعة لكن و الله ما شفيت واش من نهار
الشيفون يلبس الزوالي و لمرفه
صدقوني وحدة تخدم معايا جابت صاك كوير و بالتيكي ب 100 دج فقط (يعني جديد و شباب و رخيس) و حنا نداربو مع السكاي لي يتقشر بـ 1200 دج

عندك حق انا ثاني منيش موالفة نلبس من الشيفون بصح عندي حباباتي كيما قلتي مرفهين ويلبسو غير الشيفون
وماشي عيب الشيفون المهم يكون نظيف ومن اماكن نظيفة كعاد نتاع البالا اللي نخافو منو

[samasima]

الصح ما نقدرش نقرب للشيفون أمر مقزز وزيد اللبسة الجديدة مش غالية راهي في متناول الجميع

[salim241]

الزوالي يعرف كيفاش يعيش

شكرااااا

[ازيان نسرين]

oui c vrais ya beaucoup des vetement d'ocasion ces jours la
mais moi j'aime pas quand j'habille quelque chose c pas la minne
jamais

[اميرة بلقيس]

واش نقولك يا اختي رهام
بصك هادي ثقافة تاع هدا الوقت
عيشة غير بالهف
انا بالرغم مانشريش حوايج تاع الخردة .............لاسباب صحية عندي حساسية
بصح عادي
كيما يقولو ما يوجد في نهر لايوجد في البحر
ونزيد نقولك الخردة مش غير تاع زوالي حتى الي ربي رازقهم يشروها
مي زوالي مسكين حاب يعيش

[the perfect2]

المشاركة الأصلية كتبت بواسطة 1954مريم

السلام عليكم الزواج ليس في البس وليس في المظاهر راهاكثر مم نتصور
المهم اختي انا الحمد لله عندي حساسية لوكان يجلس بجانبي يلبس الشيفون عيوني يحماروا ونعطس ونكح وحالة ولا امر حتى بجانبه وكيما يقولو بالدارجة اتهنات القرعة من حك الراس والسسسسسسسسلام

خلونا نهدرو الصراحة
دوكا الناس ولات تحكم على المظهر
والا ماتلبسيش مليح مايخلو ما يمنشرو فيك
وزيد يشوفو معاك بنظرة ماشي مليحة
الله غالب هذا هو مجتمعنا لازم نسايرو
يقولك كول واش تحب والبس واش يحبو الناس

ولا لالا

[هلا رهنة]

the perfect2 ارضاء الناس غاية لاتدرك واحد النهار رحت مع بنت عمي لبومعطي شفت غير لي حاسبين روحهم مقلشين هما لي يشروه وخاصة لمرفهين وحد ة عندها محل تشري وتعاودلهم البيع بأسعار الماركة!!!!!!!!!!!.

[¨°o.رغـ{د الاسلامـ .o°¨]

اسمحيلي حنونتي انا جامي لبست الشيفون
وكون نبقى بلبسة ومانلبسوووش
عندي الحساسية
وقلبي ميستحملش