يوميات البنات في شهر رمضآآآن

[souhila.zs]

السلامو عليكمو

قال تعالى : {يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ }

وقال سبحانه : {شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ }







يا بنات جيبو الحق برك :
انتوما تصومو طاعة لله و لفريضة شهر رمضان و لا تصومو على كروشكم بركم

طبعا 100% رايحين يقولو حاشا لله و انا نصوم رمضان قدقد و نصوم صيام تاع الصح و ما نعرف واش المهم ماشى هاذا هو موضوعنا و انا ما رانيش نتهم فيكم سوا الذكور و لا لبنات رانا فى الهوا سوا

بصح أنا نحير فى البنات لى يحبو يديرو بروGـرام لرمضان
يعنى تقولك أنا لازم نعمل برنامج تاعى فى رمضان
و البرنامج هو :
تنوض تسحر و ما نعرف تصلى و لا لا
و مبعد ترجع ترقد و تنوض على الـ11
و تشعل لاتيلى تتفرج شوية Fatafit كاش ما تلقى ماكلة مليحة ( كون حتى جاو يعرفو يطيبو )
و مبعد تضرب الـ14:00 تزيد تروح ترقد تنوض على الـ 17:00 واش من صيام هذا
و مبعد تشعل لاتيلى أسكت أسكت هاو قالك دارولهم باب الحارة (5) سبيسيال للبنات
و مبعد تكمل المسلسل تروح الله الله زعما رايحة تعاون ماماها فى الكوزينة و هي حتى لورق تاع البوراك ما تعرفش تطيبهم ( وينهم النسا تاع بكرى )
و مبعد تزيد تدوخ ترجع ترقد ( ما قدرتش مسكينة تعبت بزاف فى النهار تاعها هذا ) حتان يأدن الآدان تروح تفطر

خلاص هاي شبعت مليح و تبطحت كى الجمل فوق السرير

و مبعد يأدن الآدان و تجى صلاة التراويح تبدأ هي تخمم ( ممممم ما نعرف نروح نصلى و لا نتفرج على السبوعى ) آيا نصلى العشاء برك و نفرج الحلقة تاع اليوم و غدوا نروح نصلى التراويح

خلاص كملت البروغرام تاعها
ممممممممم
لا لا مازال مازال
كاين مسلسل تركى مليح يلعب على الـ 22:00 لازم تتفرجو

خلاص المسلسل فى رايكم خلاص البروغرام
لالا مازال ما عملتش دورة فى النت و الفايس بوك و المسنجر و الجلفة

خلاص راها ضربت الـ 00:00 تاع الليل
يا ترى خلاص البروغرام و لا ما زال
لا لا ما هدرتش فى البورتابل
راها دارت لوبسيون تاع 10 آلاف
هع
هع
هع
هع
لازم تعلق السيروم بالحكايات
هع
هع
هع
هع
بصح مع من رايحة تحكى
مممممممممم ( خلوها فى السر هاذى )


ياه شوف الساعة شحال
راها الت 3 تاع الصباح لازم تروح تصحر و ترقد باش تعاود نفس البروغرام لى داراتو

و هكذا يمر 30 يوما على نفس الحال

هكذا رمضان و لا بطلنا

آيا صحيتو فانتظار التوبخات من شباب الجلفة و الاحتجاجات من بنات الجلفة.


دمتم بود

[le fugitif]

قوليلي الصح يا سهيلة ومتخبيش علي انت من هذا النوع ولا لالا قري ومتخفيش منقولها لحتى 1 هاهاهاهاهاهاها

[قلم : داعية]

رحت نشري كي رجعت لقيت اختي تقرا في هذا الموضوع وقاتلي *****************

[القذافي999]

لو كان غير مايخرجوش في رمضان يحوسو




والزوالي كيما أنا مايعرفش يغض البصر ويروح عليه الصيام




صحا فطوركم

[بستان الورود]

ما نيش من هذا النوع ..........صحة فطوركم

[نعمة القدوس]

أنـــــا الحمد لله مـــانيش من هاد النـــــوع ..
وراني صح مدايرة بروغرامـ .. بالصح من نوع واحد أوخر ..
سلامـ ..

[souhila.zs]

المشاركة الأصلية كتبت بواسطة le fugitif

قوليلي الصح يا سهيلة ومتخبيش علي انت من هذا النوع ولا لالا قري ومتخفيش منقولها لحتى 1 هاهاهاهاهاهاها

آآآآآآآ انا مانقدرش نديرها ماكانش منهاوااالو
عمبالك البنات كاااامل كذابات في مواضيع كيما هكذا ياو راني نقولك البنات كاااامل

شوف نقولك واحد الحاجة : انا رمضان ناكلو اصلا
ماتقول حتى لـ1 ولا مانتفاهموش


نزيدلك حاجة رانا فالهوا سوا ماكانش منها ماتقولها حتى لواحد

ايا سلاآآآآم اتهلا في روحك خويا

[souhila.zs]

المشاركة الأصلية كتبت بواسطة نعمة القدوس

أنـــــا الحمد لله مـــانيش من هاد النـــــوع ..
وراني صح مدايرة بروغرامـ .. بالصح من نوع واحد أوخر ..
سلامـ ..

زعما زعما

ياااااااااو فاقوووو

[souhila.zs]

المشاركة الأصلية كتبت بواسطة دريسي عبد الله

لو كان غير مايخرجوش في رمضان يحوسو




والزوالي كيما أنا مايعرفش يغض البصر ويروح عليه الصيام




صحا فطوركم

شفت شفت
والله ديما نوصيهم بصح الله غالب
البنات نتاع درك ما يسمعو ما يفهمو
" الله الله على ناس بكري"