فهومني واشي هو حل

silina20103 · 2011-03-15, 17:52

انا خريجة جامعة
قريت سنة اولى علم النفس وعلوم التربية و اورطوفونيا
سنة ثانية تخصص علوم التربية
الثالثة و الرابعة تكوين و تسيير في قطاع التربية
تخيلوا قدمت ملف في مشاركة في كونكور رتبة نفساني تربوي من الدرجو الاولى
تخيلوا قاعدا نسنى في استدعاء يجيني جاني كلام يقول يؤسفنا رفض ترشحكم للمشاركة في المسابقة وذلك لعدم تطابق الاختصاص واش ندير نحرق روحي و لا نطيش ليسانس نتاعي و ربع سنين يروحوا

charachoucha · 2011-03-15, 22:25

لا لا يااختي انا تاني عندي ليسانس فرنسية عييت عليها و عوامي نجيبهم في جوان و كملت القراية و انا عندي 21 سنة و راني درك قاعدة في الدار و اللي كانو يتكركرو في الراتراباج و انا نقري فيهم ربحو الكونكور و نورمال و الحمد لله
يا اختي مانعرف وين راه ربي مخبيلنا الخير و متقنطيش رحمة ربي واسعة و اللي راهم يربحو بالرشوة راهم عمرهم م ايعيشو مليح و انتي راه يجيبلك ربي بلاصة تليق بيك

roseikram · 2011-03-16, 07:16

اقتباس:

المشاركة الأصلية كتبت بواسطة charachoucha

لا لا يااختي انا تاني عندي ليسانس فرنسية عييت عليها و عوامي نجيبهم في جوان و كملت القراية و انا عندي 21 سنة و راني درك قاعدة في الدار و اللي كانو يتكركرو في الراتراباج و انا نقري فيهم ربحو الكونكور و نورمال و الحمد لله
يا اختي مانعرف وين راه ربي مخبيلنا الخير و متقنطيش رحمة ربي واسعة و اللي راهم يربحو بالرشوة راهم عمرهم م ايعيشو مليح و انتي راه يجيبلك ربي بلاصة تليق بيك

تعيشي اختي بصح كيفاه حتى واحد يبرد قلبوا في كونكورات ميقدرش

محب السلف الصالح · 2011-03-16, 07:20

أختي بارك الله فيك كيف تحرقين نفسك وأنت أخصائية نفسانية

شيء عجيب
لوقلت هذا الكلام أنا أي أحرق نفسي فلا لوم عليا لأني أمي أما أنت لا تعودي لمثل هذال الكلام

وإن شاء الله يوفقك عليك بالدعاء والصبر

بارك الله فيك ونفع بك
وجزاك الله كل خير

واسْع‘ـدَ الله قَلِبِكْ .. وَشَرَحَ صَدِرِكْ ..
وأنَــــآرَ دَرِبــكْ .. وَفَرَجَ هَمِكْ ..

يَع‘ـطِيِكْ رِبي ألَفْ عَ‘ــآآإفِيَه عَلىآ الطَرِحْ
المُفِيدْ ..~
جَعَ‘ـلَهْ الله فِي مُيزَآإنْ حَسَنَـآتِك يوًم القِيَــآمَه ..
وشَفِعْ لَكِ يَومَ الحِسَــآإبْ ..~

شَرَفَنِي المَرٌوُر فِي مُتَصَفِحِكْ العَ ـطِرْ ..~
تَقَبِلْ تَوآإجِدِي ..
دُمتَ بَحِفْظْ الرَحَمَــــن ..}

yayi · 2011-03-16, 08:37

اذا كنا حنا هوما الاسرة المثقفة تحرق نفسها اللي مبوقلين هما الي يخموا خير منا
الصبر يا اخوان

charachoucha · 2011-03-16, 13:27

اقتباس:

المشاركة الأصلية كتبت بواسطة roseikram

تعيشي اختي بصح كيفاه حتى واحد يبرد قلبوا في كونكورات ميقدرش

و كي تتقلقي راكي تزيدي تضري صحتك برك و تقلقي والديك معاك انا شفتها النهار اللي نكون مقلقة على هذا الحاجة والدي يتقلقو بزاف مساكن يقولو يعني الطفلة اللي طول عمرها مفرحتنا و هي مع الاوائل راهي درك قاعدة في الدار بصح هذا مكتوب ربي واش نديرو

ONTO · 2011-03-16, 16:09

شوفى اختى حدث لك مثلما حدث لى عام الماضى فى مسابقة مستشار فى التكوين المهنى بحيث بعثولى فى استدعاء بان التخصص غير مطابق للمسابقة رغم اننى متحصلةعلى شهادة علوم التربية تخصص وارشاد وتوجيه فارشدنى احد الاقارب بان اقدم طعن الى مديرية الوظيف العمومى + نسخة من جريدة الرسمية التى توجد بها قانون توظيف اخصائى نفسى تربوى وجيبى حقك انشاء الله اتعرفين ماذا قالولى فى اخير اسمحيلنا حنا مانعرفوش علم النفس وعلوم التربية ومانعرفوش التخصصات المتفرعة والمعادلة لهذه الشهادة وفى اخير اعطونى استدعاء اخر وسمحولى باجراء مسابقة

**د لا ل** · 2011-03-16, 16:45

الصبر يا اختي

كاين ربي سبحانو

واكيد ما راحش ينسانا

وهاذي هي حالتنا كامل

اصبري فقط

ان بعد العسر يسر

hocine101 · 2011-03-16, 16:58

اقتباس:

المشاركة الأصلية كتبت بواسطة onto

شوفى اختى حدث لك مثلما حدث لى عام الماضى فى مسابقة مستشار فى التكوين المهنى بحيث بعثولى فى استدعاء بان التخصص غير مطابق للمسابقة رغم اننى متحصلةعلى شهادة علوم التربية تخصص وارشاد وتوجيه فارشدنى احد الاقارب بان اقدم طعن الى مديرية الوظيف العمومى + نسخة من جريدة الرسمية التى توجد بها قانون توظيف اخصائى نفسى تربوى وجيبى حقك انشاء الله اتعرفين ماذا قالولى فى اخير اسمحيلنا حنا مانعرفوش علم النفس وعلوم التربية ومانعرفوش التخصصات المتفرعة والمعادلة لهذه الشهادة وفى اخير اعطونى استدعاء اخر وسمحولى باجراء مسابقة

حل ذكي و جيد