أرجوكم أمر يخص الخدمة الوطنية

[chemssou007]

يا جماعة راهو لحقني أمر استدعاء
كتبولي بلي ضرك ينقلوني لـ م و ت ط وش هي البلاصة هاذي ما فهمتش الرموز
+
أنا ما زلت نقرا في الجامعة و السورسي الأخير لي درتو خلاصلي بتاريخ 31-12-2008 يعني عندو عامين
و مات أنا ما جددت و هوما ما عيطولي
بصح ما زلت نقرا ضرك في الجامعة و جاني أمر استدعاء
نقدر نروح ندير تأجيل نديلهم شهادة تسجيل ولا شهادة مدرسية تاع الجامعة؟؟؟؟
وش ندير أرجوكم ؟؟؟؟

[chemssou007]

حوست في الانترنت لقيت بلي م و ت ط
مؤسسة وطنية لتقنيي الطيران
وش رايكم يا جماعة
وش الحالة ثم تعجب لالا؟
و التدريبات عسكرية علمية كيفاه؟؟؟؟

[sofean]

دعك منها اصبر شوي كاش مايبان

[rblrbl]

تاخذ معك:
- السورسي
- فوتوكوبي تاع السورسي
- فوتوكوبي تاع الشهادات المدرسية السابقة و العام الحالي
- الاستدعاء

تذهب الى مكتب الخدمة الوطنية في ولايتك و يعطوك سورسي عـــــــــــــادي... حدثت معي مرة

[sada444]

خويا روح مكتب الخدمة الوطنية ودي معاك شهادة التسجيل الاصلية للسنة الجامعية الحالية ومعاها فوتوكوبي والسورسي الاصلي ودي معاك كشف النقاط للبكالوريا اذا طلبوها منك باش تعطيهالهم مع الدوسي ويجدولك عادي لانك مازلت تدرس وهذا حقك خويا ما تخافش.