أحكي تجربتك عن تعلم الحلويات.

[cirta]

طرأت فكرة وحبيت تشاركوني فيها.
أنا واحدة من المستفيدات من برنامج المرأة لماكثة بالبيت .إنخرطت في برنامج صناعة الحلويات ، بالفعل شيء مميز.
إفتحت هذا الموضوع لأجل كل واحدة تعلمت أو في طور التعلم تحكينا عن تجربتها وعن جديدها .
أي تصورنا الأطباق وتكتبلنا الوصفة.
نتمنى من قلبي نلقى تجاوب لأنو سمعت أنو المشروع منتشر في الجزائر من أجل أن نفيد ونستفيد.
أنا عن نفسي تعلمت أشياء جديدة وعندي صور إذا عجبكم الموضوع سأكون هنا.

[البريئة]

يا أختي أنا عندي اشهر ملي ادخلت نتعلم مي اصح ينقال غوسات اومخرجتليش malgre الشيخة اترون قدامنا مي كي نروح للدار متخرجليش راني انقول بلاك انزيد اشهر 2 و إدا القيت روحي متعلمتش انبطل أنا مكنتش لهيا كامل امع الطياب مي ضوك كي اتخرجت راني حاب نتعلم كلشي

[ام خديجة1]

الحمد لله انا تعلمت صنع الحلويات وحدي فاول تجربة لي كانت في احدى الايام قبيل العيد وعندما خرجت الحلوة شباب طلبت مني امي ان نتهلى في حلاوات العيد ومن هداك العيد وانا نجتهد ونبحت على الوصفات والمؤكولات الجديدة وكلهم شجعوني وحتى بعد زواجي تلقيت التشجيع من عائلة زوجي نصيحتي عندما تكون الارادة والتشجيع تنجحي باذن الله تعالى وجلى

[nejoude]

ادا ممكن تفيدينا بالتجاربك فى الطبخ

[mordia]

انا تعلمت الحلويات بمعنى الكلمة في بيت زوجي لأنه في بيتنا لم تكن الظروف تساعد..و
والعام الماضي دخلت فب التكوين في مدينتي والحمد لله تعلمت الكثير LES Tartes d'anniversaire وتعلمت biscuit roulé
;الباقلاوة تجي روعة.....

[cirta]

صباح الخير جمعة مباركة عليكم .
أنا الحمد لله عندي 3شهر وأنا نقرا في المركز والله تعلمت لعجب الميلفاي و المقبلات والحلويلت والبارح درنا محلى الفواكه طبقة بطبقة برب إن شاء الله هذا الأسبوع ناخد عطلة ونرجع من ورا العيد ونتفرغلك لأني صورت كل شيء وبإذن الله مانبخلكمش.

[cirta]

المشاركة الأصلية كتبت بواسطة البريئة

يا أختي أنا عندي اشهر ملي ادخلت نتعلم مي اصح ينقال غوسات اومخرجتليش malgre الشيخة اترون قدامنا مي كي نروح للدار متخرجليش راني انقول بلاك انزيد اشهر 2 و إدا القيت روحي متعلمتش انبطل أنا مكنتش لهيا كامل امع الطياب مي ضوك كي اتخرجت راني حاب نتعلم كلشي

dj_17
شكرا أختي على مشاركتك في موضوعي
إذا تاخدي برايي كملي خير لأنو كل مرة تتعلمي حاجة جديدة.وعلاه ماتحاولييش تطبقي قدام الشيخة باه تعرفي واش ناقصك ، إذا حبيتي سقسيني واش ماعرفتيش وانا نجاوبك.::

[cirta]

المشاركة الأصلية كتبت بواسطة ام خديجة1

الحمد لله انا تعلمت صنع الحلويات وحدي فاول تجربة لي كانت في احدى الايام قبيل العيد وعندما خرجت الحلوة شباب طلبت مني امي ان نتهلى في حلاوات العيد ومن هداك العيد وانا نجتهد ونبحت على الوصفات والمؤكولات الجديدة وكلهم شجعوني وحتى بعد زواجي تلقيت التشجيع من عائلة زوجي نصيحتي عندما تكون الارادة والتشجيع تنجحي باذن الله تعالى وجلى

تبارك الله عليك الله يزيدك من عندو، عند حق بالإرادة نديرو المستحيل .
شكرا جزيلا أم خديجة هذا واش حبيت أنا أنو نشجعو بعضانا لأنو كل شيء ساهل، لازم الإنسان تكون عندو الإردة وحب العمل وبذلك يحقق المستحيل .
ولازم أيضا يجرب ويعاود حتى تصلحو لأنو لي مايطيحش مايتعلمش الركوب.

[cirta]

المشاركة الأصلية كتبت بواسطة mordia

انا تعلمت الحلويات بمعنى الكلمة في بيت زوجي لأنه في بيتنا لم تكن الظروف تساعد..و
والعام الماضي دخلت فب التكوين في مدينتي والحمد لله تعلمت الكثير les tartes d'anniversaire وتعلمت biscuit roulé
;الباقلاوة تجي روعة.....

الله يزيدك ويعطيك .
أنت زيي أنا تاني تعلمت هادو في المركز ، أحكينا كيفاه كنت تقراي وكم من مرة تطبقو في الأسبوع ونتوما لي تجيبو الأدوات وإلا المركز أفيدينا بارك الله فيك.

[وئام الروح42]

اختي انا من وجهة نظري القاطوا ماشي شرط شيخة تعلمولك
رانا كل عام نتعلموا حاجة جديدة انا تعلمت من الاعياد يعني كي نتلاقا مع حباباتي
نزوخوا شوية بالقاطوا لي خدمناه ولي خرجتلها حاجة شابة توريها للخرى
امباعد بدات تكبر العايلة وعمامي جابوا عرايس ولات كونكيرونس
شكون اللي تخدم نوع جديد
او زيد انا لقيت ماكما شاطرة في القاطوا والطبخ
اسمى رفدت عليها

[mimicha1977]

انا عن نفسي راني من النساء لممنوع عليهم الطلعات و الفوتات المهم راني من حليت عيني و انا نحب المطبخ و خاصة الحلويات نعشقها لدرجة صبحو يسموني مجنونة الحلويات

نحب نجرب كل جديد وانا راني معاكم نزيد نتعلم من عندكم كاشي جديد

حبيبتي سيرتا اسمك راه يذكرني بصديقة كنت تعرفت بيها فى منتدى مغربي انشاء الله تكوني هي انتي

[زرابة]

انا تجربتي كانت في الاعياد عمري 19 سنة و من وانا في 16 سنة و انا ندير قاطو و في عايلتي كامل يقارعولي باش يشوفو شا درت و الحمد الله هاد العام راني موجدة شويا تع الكيفيات ديتهم من هاد المنتدى فالف شكر حبايبيانا عمري فالقاطو

[المستعينة بالله]

شيء جيد تنخرطي في كاش محل باه تتعلمي صنع الحلويات

مي نقولكم ماكاش قد الأمّ

أنا علمتني أمّي نعمل حلويات

في الأول ما حبتش أمي تعلمني خافت لا نتلهى على قرايتي بالحلويات

مي بعد الإصرار الكبير مني ما قدرتش ترفض طبعا

بصح نقولكم الصح ما جيت نتعلم حتى خرّجتلها القرون

هههه

لكن الحمد لله أنا أتقن صنعها الآن

[هند وسام]

والله اختي دخلت تتعلم القاطو واصبحت تتفنن فيه لانها عندها موهبة في صنع الحلوياتمن ذي قبل وتحصلت على اعلى نقط17/20من بين32متعلمة لكن ماذهلت منه اختي هو ان المعلمة تاعهم تعلم اوتتعامل فقط مع مجموعة الموهوبات لكن بقية البنات لي ميعرفوش ما علابلهاش بيهم رغم انهم يدفعون مبلغ500دينار كل شهر وعلاش هكذا يا الشيحة سامية تاع سيدي حمو ولاية عين الدفلىحرام عليك

[زرابة]

500 دج برك ملييييييييح حنا عندنا في وهران 1000 فالشهر وعندك 1س و نص برك 3 ايام فالاسبوع