مصير المسابقات

[salsabile]

السلام عليكم
ليتكم تجيبوني عن مصير المسابقات التي اجتزناها في 2010 و لم تظهر بعد النتائج
كمثال مسابقة التعليم بالنسبة للابتدائي + مسابقة مفتشين الضرائب
و هل التعليمة الخاصة بالقائمة الاحتياطية صحيحة
ارجوا الرد على تساؤلاتي
و أجركم على الله

[la fleure doasis]

والله ماشفنا والوا لحد الان المسابقات نسمعوا بيهم ونشاركوا فيهم ونفوتوهم كان النتائج يسمعك الخير انا لحد الان مزال مشفت حتى قائمة للناجحين في المسابقات الي فوتهم

[la fleure doasis]

احسن انهم من المرة الاولى يعيطوا ويخدموا الناس الي منجحنهم من عندهم تكون خير ملي يتعبوا الناس برك
خطراه يبالي مكان حتى شفافية غير يروحوا ينحوهم هده المسابقات وخلاص ماكلاه هو الواحد مريح مريح الي عندوا المعريفة تجيبلوا ولي معندوش معاه ربي
اقسم بالله تعرفوا صدقوني غير نحشم كي يسقصيني بابا على كاش نتائج نتاع مسابقة نكون فوتها نقولوا مزال مخرجتش القائمة ولا معلاباليش ولا مابان والوا نخاف على ميصدقنيش ويقول هذي غير تليكيدي فيا باينة منجحت ماوالوا وهو الامر راه من عندهم

[اميره 2008]

???????????????????????????????

[aminosaidi]

القائمة الإحتياطية هناك شبه معلومة يعني كلام جرائد وبالنسبة للسنة القادمة إدا طبقو تعليمة القائمة الإحتياطية فستكون سنة بيضاء بدون مسابقات تقريبا وبالتالي نزيدو نخسروا عام أخر من حياتنا التي هيا أصلا راهي ضايعة

[sihem imen]

السلام عليكم أختي الكريمة لكن ما من جديد فمديرية الوظيف العمومي تحتجز النتائج لا أدري لما ربي يجيب لي فيه الخير

[امين83]

المشاركة الأصلية كتبت بواسطة aminosaidi

القائمة الإحتياطية هناك شبه معلومة يعني كلام جرائد وبالنسبة للسنة القادمة إدا طبقو تعليمة القائمة الإحتياطية فستكون سنة بيضاء بدون مسابقات تقريبا وبالتالي نزيدو نخسروا عام أخر من حياتنا التي هيا أصلا راهي ضايعة

راني معاك في هذه 100/100 لأن المديرية العمة للوظيف العمومي لل تفكر أيعقل أن تمدد قوائم الأحتياطيين الىى السنة القادمة و لي حالتهم كينا حالتنا 6 و 7 سنوات من التخرج واش يديرو العام الجاي ألا تفكر هذه الأدارة .....؟

[aminosaidi]

بكل بساطة وصراحة مراهش ديرينا قاع في الحساب يقولك شباب مافيه حتى فايدة وخلاص