القصيدة لشاعر توفيت أمه
بسم الله يا خالقي ناجي الارواح
يا المولى الحنان كنز الاكــــواني
راني نطلب فيك كل امسا وصباح
تغفر لي للوالــــــــدة يا سلطاني
حدة بنت عيسى اللي كانت مفتاح
زهايت عمري على شاو زمـــــاني
ربايتني على طهارة والصــــــــلاح
حمارت وجهي الضيف اذا جــــاني
اصبر يا قلبي العز علــــــــــــيا راح
ما عدنا نرى قرة الاعـــــــــــــياني
رحنا ليها في القبر يوم التــــــصباح
لا بيها على من نــــــــــــــــــاداني
بعد ان كنت صحيح لفطوني الاجراح
من الثوب اللي كان دافي عـــراني
جرح الام صعيب فايت كل أجـــــراح
خلاني مثل الجاية حيـــــــــــــواني
بسم الله يا خالقي ناجي الارواح
يا المولى الحنان كنز الاكــــواني
راني نطلب فيك كل امسا وصباح
تغفر لي للوالــــــــدة يا سلطاني
وحش الوالدين كنز لا يــــــــــتلاح
اللي فرطت فيه يبقى جــــيعاني
ما جيتي بالمال نعطي سبع لقاح
ايجوني الاحباب جــــملة بالفاني
الخيار من العرب فرســـــان ملاح
ايرودوك قبال الاقصــى والدوني
نديرلها فدوى تكون على الصلاح
نسلكها خدمة على طول زماني
بسم الله يا خالقي ناجي الارواح
يا المولى الحنان كنز الاكـــــواني
راني نطلب فيك كل امسا وصباح
تغفر لي للوالدة يا سلــــــــطاني
البارود يلين من عند الكــــــــساح
للي مفهومين ضد العـــــــــدياني
الله غالب جا الامر لا يتــــــــــــناح
ما ينفع لا مال ولا عـــــــــــــواني
ما خلى حيدر واصـــــحاب الكفاح
ما خلى النبي طه العـــــــدناني
الدنيا جاتوا تلاقي بالتــــــــــبراح
انا مهدية ليك باذن الرحــــــــمان
قاللها ما فيك رقبة لا صــــــــلاح
يوم نزهى بيك نرجع للــــــفاني
عمري تفنى والقبر عـــــني براح
انا لا ننساه وما ينســــــــــــاني
الصفة اللي كانت مليحة تقباح
يطيحوا الاضراس مع الاسناني
بسم الله يا خالقي ناجي الارواح
يا المولى الحنان كنز الاكــــواني
راني نطلب فيك كل امسا وصباح
تغفر لي للوالــــــــدة يا سلطاني
روحي من عندي وسالي على الجياح
حواسين عليك ظهروا خفــــــــــياني
مادامت واموالو تســـــــــــــــــــــراح
ما يبقى قليل يمشي حفــــــــــياني
ما تبقى لا طايرة ولا زحـــــــــــزاح
ما يبقى قليل ولا عمـــــــــــــياني
ما يبقى من شاد احكامــــو يفراح
لابد ياتيه يوم الاحـــــــــــــــزاني
يلاقي مولاه في حالات قــــــباح
بيه الرشوة والفرايض نسياني
وين اللي داريو سريات التصطاح
خدمة والتوزاق برى ودخــــــــلاني
وين اللي كسب الذهب غالي يضاح
وما دارو خدام حر ووصـــــــــــفاني
وين اللي ربى ازواجــــــــــــو فلاح
اذا جات النعمة يعشي زهــــــواني
وين الي ربطوا المحاصل من الاقراح
الغيطة نيشان وشو نظر اعياني
هاذ المذكورين جملة حي وراح
مسكنهم تحت الحوت السوفياني
القلة ساعة الخلايق ونصـــــــــاح
من الدنيا ندوا قطيعة الاكـــــفاني
بسم الله يا خالقي ناجي الارواح
يا المولى الحنان كنز الاكــــواني
راني نطلب فيك كل امسا وصباح
تغفر لي للوالــــــــدة يا سلطاني
قريعة ريحة يديروها تكفاح
ما فيها لا دين ولا عصياني
ربي وصانا بالامر اللي يضاح
تهلاو في الدين ولا نسياني
اللي فرطت فيه راه من الجياح
لا فرقة بينوا وبين الحـــــيواني
هاذ الشي مسبوق سابق في الالواح
من ادة حـــــــــــتى لاخــــــــر زماني
بابايا والام دايرهم مفـــــــــــــتاح
الصبر المتين ينفي الأحـــــــزاني
ذكر الله هو اللي فيه الفـــــــــلاح
الي يشوق فيه ينفي الشيطاني
محمد جياه بالناس الصــــلاح
يطلب من الاله حال الغفراني
انا والمومنين في الجنة نرتاح
أمة الرسول حر وســـــوداني
يا ربي بجاه طه بولــــــــــــــرباح
نجينا من يوم صهد النيــــــــــراني
ارحم يا ربي اللي قال هاذ الاشعار
اغفرلو للوالدة والاخــــــــــــــواني
بسم الله يا خالقي ناجي الارواح
يا المولى الحنان كنز الاكــــواني
راني نطلب فيك كل امسا وصباح
تغفر لي للوالــــــــدة يا سلطاني
( تقرير عن مشاركة سيئة )، و الموجودة أسفل كل مشاركة .
2013-08-02, 20:54
قصيدة في رثاء الأم
العرض العادي
