القمرا

[أبو بسمة أمل]

[align=center]قمرا سْحَرْنِي نورها شَفْته بالعين ....
....و اخطفني جمالها راه أَسْبَانــــي
من زمرة ملايكة انظنه ذا الزين....
....ما شفتش مثله من قبل بعينــــــي
محال كان نطيق نوصف العينين....
...فيها سحر و سر بعجلة خلوضنــي
ورد متفتح أتقول هذوك الخدين ....
...يا مولانا أعليه ديما صبحـــــــــني
ما نوصف مانيش جاهل أمر الدين...
...في وجهي لحيا و أصلي يمنعني
و لو ما خوفي من رب العالمين ....
....نوصفها كيما شافتها عينــــــــــي
و أنخلي العشاق كامل حيرانين .....
..تْغِيْرْ القمرا من غزالي و تحسدني
و يغيروا العشاق و يسقسوني وين ...
..برّْ أغزالي اللي أعشقته و اعشقني
و أنا كي المليك و تاجي تاجين .....
..و الجواري تنافست أشكون يخدمني
خدامة و أعْبِيْدْ بيدين أمشالـــيـن ....
. فوق الهودج فارحين كي حــطوني
بلباس أبيض واقفة كي حور العين ....
....جواريها ابتاسموا كي شفونــــي
كي رفدت لي إيدها و غمزت بالعين ..
...حطوا قاع ريسانهم ، غيرة مني
و يدينا في ساحة لقصر متشابكين ...
.....خايف يطلع اصباح و تخليــــــني
و راني خايف من عيون الحسادين ....
...خمسة في عين كل واحد يحسدني
و سبحان اللي صورك في هذا الزين .
.....يا ((..)) راه زينك بعثرنــــي[/align]

[همسة الروح]

شكرا لك اخي الكريم على هذا الاسلوب
قصيدة جميلة ننتظر منك المزيد