نعم 7483 مترشح لمسابقة سلك القضاة ؟؟

[الظل الخفي]

نعم أخي 7483 هو عدد المترشحين بسلك القضاء ، هذا ما جاء على لسان حسين مبروك مدير المدرسة العليا للقضاء " ثلثي المترشحين إناث ".

ستجرى المسابقة في 29 و 30 و 31 من هذا الشهر في جامعتي دالي ابراهيم وبوزريعة .

وأكد المدير على لسانه " لا مكان إطلاقا في المسابقة لأي نوع من أنواع الغش أو حتى التلاعب بنتائجها مهما كانت صفة أو نسبة المترشح أو المترشحة ، فالمسابقة محصنة وخاضعة لقيود مشددة في كامل مراحلها "

هههههه أرجوا التعليق على كلامه.

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[wind83]

يا لي جمال المصداقية و لمعان التصريحات و لكن يالي وقاحة تكرارها و التبجح بها و قذارة الشفافية و وساختها

[chid_rac]

هههههههههههههههههههههههههه

[ياسيـــن الجــــزائري]

دائما التصريحات تكون كما يقولون لكن ما يجري بالداخل لا يعلمه الا الله.

[اسيل]

هادي هي بلادنا داوها غير في الهدرة

[foufou*31*]

الغش والمعريفة فيها فيها

[خ جوهر]

يا اخي الكريم والله غير ضحكتني واقيل راك تسنى يقول ان المعريفة الرشوة و المحسوبية هي المفتاح لنيل مكان في المدرسة.هههههههههههههه
على فكرة بنت خالتي جوزت هذي المسابقة عندها ثلاث سنوات لا معريفة لا رشوة لا هم يحزنون توكلت على ربي سبحانو و هذا العام حتكمل. اذا اجتهدو و تسببو واحد ما يعرف وين راه نصيبو. و فقكم الله

[shakip39]

المشاركة الأصلية كتبت بواسطة خ جوهر

يا اخي الكريم والله غير ضحكتني واقيل راك تسنى يقول ان المعريفة الرشوة و المحسوبية هي المفتاح لنيل مكان في المدرسة.هههههههههههههه
على فكرة بنت خالتي جوزت هذي المسابقة عندها ثلاث سنوات لا معريفة لا رشوة لا هم يحزنون توكلت على ربي سبحانو و هذا العام حتكمل. اذا اجتهدو و تسببو واحد ما يعرف وين راه نصيبو. و فقكم الله

هههه خمي شوي ....شكون اللي راح يقولك راني نجحت بالمعريفة ...اذا قالك راني نجحت بالمعريفة معناه راهو يثبت الغباء نتاعوا..لازم يقول نجحت بخدمتي باش يقولوا عليه راهو ذكي

[joulia2005]

أسمحولي أنا نقوكم نعرف بنات ورجال قراومعايا جوزوه و جابوه و ما عندهمش لا معرفة و لا هم يحزنون انا لوحيدة لي بيناتهم ما حبيتش نجوز الشروط لي فيها ما تساعدنيش
المهم لي يقرا مليح قسما بالله غير ينجح و واحد ما يديهالك اتكلو على ربي

[الظل الخفي]

مشكورين على التعاليق ...............

[نائلة]

7483 هو عدد المترشحين بسلك القضاء وين راه المشكل
يفرج ربي

[خ جوهر]

المشاركة الأصلية كتبت بواسطة shakip39

هههه خمي شوي ....شكون اللي راح يقولك راني نجحت بالمعريفة ...اذا قالك راني نجحت بالمعريفة معناه راهو يثبت الغباء نتاعوا..لازم يقول نجحت بخدمتي باش يقولوا عليه راهو ذكي

راني نقول بنت خالتي يعني نعرف البير بغطاه لا معرفة لا والو وشكون تعرف يا حليلها مسكينة.و نزيد نقولك بنت خالتي ماكانتش من الاوائل و داخلة راتراباج شحال من عام بصح نهار لي قرات للمدرسة نالت واش كتبلها ربي. ما قلتش الامتحان نزيه 100/100بصح راني نقول لي يحب يجوز يجوز ماهو خاسر والو .

[medmay86]

راهم نسوني في الحساب . .+1

[خديجة البليدية]

المشاركة الأصلية كتبت بواسطة خ جوهر

راني نقول بنت خالتي يعني نعرف البير بغطاه لا معرفة لا والو وشكون تعرف يا حليلها مسكينة.و نزيد نقولك بنت خالتي ماكانتش من الاوائل و داخلة راتراباج شحال من عام بصح نهار لي قرات للمدرسة نالت واش كتبلها ربي. ما قلتش الامتحان نزيه 100/100بصح راني نقول لي يحب يجوز يجوز ماهو خاسر والو .

انا لي زميلة ليس لها المعرفة ولكن لكن لها جمالها وهو ما صرحت لي به حرفيا ولقد تحصلت على المسابقة الكتابية والشفوية لان احد .............. اعجب بها وهي الان تدرس بالقضاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[خ جوهر]

المشاركة الأصلية كتبت بواسطة خديجة البليدية

انا لي زميلة ليس لها المعرفة ولكن لكن لها جمالها وهو ما صرحت لي به حرفيا ولقد تحصلت على المسابقة الكتابية والشفوية لان احد .............. اعجب بها وهي الان تدرس بالقضاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا اخني الكريمة وعلاش قع هذا الياس قلنا بان الامتحان فيه و فيه بصح كاين نسبة من الناس لي خدمتهم هي اللي توصلهم.
اذا رديت على هذا الموضوع باش الناس لي حطو الملفات يروحو يجوزو و يقراولو مليح مليح و كي مايجيبوهش يهدرو على حقهم اصلا الشعب هو لي خلا اصحاب لمعارف و ما يشبه يطلعو على رسانا لوكان كل واحد يعرف واش حط في ورقتو و متاكد من الظلم يقدر يهدر مانيش نقول يجيب حقو بصح عندو حق يريكلامي. عايشا فالدزاير ختي و لي ينطبق عليكم راهو عليا و لي راكم تشوفوه راني نشوفو .