التورت الإسفنجية لأصحاب الرجيم

نسائم الصباح · 2012-04-16, 10:07

السلام عليكم وتحية طيبة

الكثير من يعاني من البدانة ومرض السكر والضغط والمسكين يشتهي يأكل ويخاف
اليوم جبتلكم تورتا إسفنجية خالية من الدهون وقليلة السكر .هذه التورت معروفة أخدتها ونقصتلها المقدير والله جات ماشاء الله

المقاديرالحقيقية المقادير لنقصتها

ـ 150 غ سكر ـ 80غ سكر

ـ 150غ فرينة ـ 100غ فرينة

ـ ملعقة خميرة ـ ملعقة خميرة كميائية

ـ 4بيضات ـ 4بيضات

ـ فانيليا ـ فانيليا

قليل من الزبدة في الأخير ـ أنا نحيت الزبدة

الكريمة

المقادير الحقيقية المقادير لنقصتها

ـ 2حبات عصير ليمون ـ 2 حبات عصير ليمون بإضافة كوبين من الماء

ـ 4 بيض ـ 2 بيض

180 غ سكر ـ 100غ سكر ،ليحب يدير سكر قليل السعرات هو موجود عند الصيدلى

قليل من الزبدة ـ أنا نحيت الزبدة

ـ مافيهاش النشاء ـ أنا أضفت 2ملاعق كبار نشاء في مكان البيض
والزبدة هي لتجمد الكريمة

ـ فانيليا ـ فانيليا

التحضير

نخلط السكر والبيض بالخلاط الكهربائ تقريب 10 إلى 15 د حتى يطلع البيض ثم نضيف خليط الفرينة والخميرة والفانليا بالتدريج وبحركات محكمة حتى ميتكسرش البيض
نحطوها سينية مثل هذه

في الفرن لمدة 20ذ حسب فرنك
نحطو محتويات خليط الكريمة كله في كسرونة بعدما خلطناه وصفيناه .في ذرجة حرارة خفيفة ونستمر في التحريك حتي تتكاثف وتجمد وتصبح غليضة

بعدما نخرجو الصنيا من الفرن نحطو التورت في منديل كبير مبلل تبليل خفيف جدا حتى متنشفش التورت وبعدها نحطو فوقها الكريمة الليمونية بعدما تبرد ونلف التورت ونغطيها ونحطها في التلاجة وبعدما تتماسك نزيد نحط طبقة من الكريمة من فوق ونزينها بما نريد

ملاحظة التورت الإسفنجية تقدري تبلليها بشربات ولكن نحيت بش ميكونش حلو بزاف

شهية طيبة وبصحتكم

رأيكم يهموني فلا تبخلوني به

هذا شكلها